ဒေသခံအဏုဇီဝပိုး စနစ်တကျမွေးမြူနည်း (IMO cultivation)

ဒေသခံ အဏုဇီဝ မျိုးစေ့ထုတ်ယူခြင်း

ဒေသခံ အဏုဇီဝ အကြောင်းကို အရင်ဆုံး ဒီလင့်မှာ ပြန်ဖတ်ရှုနိုင်ပါတယ်။ အခုတော့ ဒေသခံအဏုဇီဝ ကို မွေးမြူတော့မယ်ဆိုရင် လုပ်ဆောင်ရမယ့် အချက်ကို တင်ပြသွားမှာဖြစ်ပါတယ်။ ပထမဆုံးအနေနဲ့ ဒေသခံ အဏုဇီဝ မျိုးစေ့တွေကို စုဆောင်းဖို့လိုပါတယ်။ မျိုးစေ့လို့ သုံးရခြင်းမှာ နေရာတွေ အများကြီကနေ အဏုဇီဝ နည်းနည်းချင်းစီ စုပြီး ပြန်ပွားရမှာမို့ သုံးလိုက်တာပါ။ နေရာများများက အဏုဇီဝတွေကို စုဆောင်းနိုင်လေ မိမိလုပ်မယ့် အပင်အားဆေး၊ ပိုးနှင်ဆေး၊ မြေဆွေးပုံ ပုံခြင်း စတဲ့ လုပ်ငန်းတွေမှာ ပိုကောင်းလေ ဖြစ်ပါတယ်။ ရယူရမယ့် နေရာတွေကတော့

စီးဆင်းနေသော ရေမြောင်းထဲ/ဘေးမှ မြေကြီး

ဝါးပင်အောက်မှ မြေကြီး
ယာမြေ
လယ်မြေ
သစ်တောမြေ သို့မဟုတ် သစ်ပင်ကြီးအောက်မှ မြေကြီး
တစောင်းပင်အောက်မှ မြေကြီး သို့မဟုတ် ရေငတ်ဒဏ်ခံနိုင်သည့် အပင်အောက်မှ မြေကြီး
သစ်ရွက်ခြောက်၊ ကောက်ရိုးထဲတွင် ထမင်းဆုပ်ထည့်ပြီး မွေးမြူခြင်း
သစ်သီးခွံများပေါ်တွင် မွေးမြူခြင်း
ဆန်ဆေးရည်တွင် မွေးမြူခြင်း

မှတ်ချက်။ ။ အဏုဇီဝပိုး ရှိနိုင်သည်ဟု ထင်ရသည့် နေရာများမှ မိမိ စိတ်ကူး ရှိသလို စုဆောင်းနိုင်ပါသည်။

၁။ မြေကြီးများကို စုဆောင်းသည့်အခါ အဏုဇီဝ ပေါကြွယ်သည့် အပေါ်ယံမြေကြီးကို ယူပေးပါ။ စုဆောင်းလာသည့် မြေကြီး တစ်မျိုးစီကို မြေကြီးနို့ဆီဗူး နှစ်ဗူး နှင့် ဖွဲနု တစ်ဗူး (၁း၂) ဖြင့် ရောပြီး အစိုဓာတ် ၄၀% (လက်ဖြင့် ဆုပ်ကြည့်ပါက အလုံးမပျက်သည့် အနေအထား) ရအောင် နယ်ပြီး အိတ်ထဲ ပုံးထဲတွင် ထည့်ကာ အရိပ်တွင် ထားပါ။ နယ်သည့်နေရာတွင် ထန်းလျက်ရည်၊ သကာရည် အနည်းငယ်ထည့်၍ နယ်လိုက နယ်နိုင်ပါသည်။

၂။ ဆန်ဆေးရည်ကို ဗူးထဲထည့်ပြီး အရိပ်တွင် ထားပါ။ အဏုဇီဝပိုး ပေါက်ပွားမှု များစေရန် ထန်းလျက်ရည် သကာရည် ထည့်နိုင်ပါသည်။

၃။ သုံးရက်ခန့် ကြာပြီးနောက် စုဆောင်းမွေးမြူထားသော မြေကြီးများ၊ အသီးခွံများ၊ ထမင်းလုံးများ (အဏုဇီဝ မျိုးစေ့များ) ကို ပြန်စစ်ကြည့်ပါ။ မှိုမျှင်များ တက်နေသည်ကို တွေ့နိုင်ပါသည်။ တက်နေသော မှိုအရောင်များ ပေါ်မူတည်ပြီး သုံးသင့်သော အဏုဇီဝများကို ခွဲခြားပြီး ယူပါ။ မှိုသည် အဖြူရောင်ဖြစ်နေပါက ကောင်းသော အဏုဇီဝများ ဖြစ်သည်ဟု ဆိုနိုင်ပါသည်။ အမဲရောင် မှိုများ ပေါက်နေသော မြေကြီးများကို မယူပါနှင့်။

၄။ စုဆောင်းထားသော ကောင်းမွန်သည့် အဏုဇီဝမျိုးစေ့များကို စုပေါင်းပြီး ရောနယ်ပေးပါ။

၅။ လွှစာ (၃ ပိဿာ)၊ ဖွဲနု (၂ ပိဿာ)၊ နှမ်းဖတ် (၂ ပိဿာ) နှင့် အဏုဇီဝ မျိုးစေ့ (၂ ပိဿာ) တို့ကို ရောမွှေပေးပါ။ အစိုဓာတ် ၄၀% ခန့်ရအောင် ပြုလုပ်ပေးပါ။ ရေအစား အဏုဇီဝပိုး မွေးမြူထားသည့် ဆန်ဆေးရည်ကို အသုံးပြုပေးပါ။

၆။ ရောနယ်ပြီးပါက ပုံး သို့မဟုတ် အိတ်ထဲထည့်ပြီး အရိပ်ထဲတွင် ထားပေးပါ။ ၂ပတ်ခန့် ကြာပါက မှိုမျှင်များ တက်လာပြီး အပူကျသွားပါမည်။ ထိုအခါ အရိပ်ထဲတွင် လေသလပ်အခြောက်ခံပြီး ၆ လခန့်အထိ သိမ်းဆည်းထာနိုင်ပါသည်။ သို့မဟုတ် မိမိ အသုံးပြုလိုသည့် နေရာများတွင် အသုံးပြုနိုင်ပါသည်။

၇။ ဒေသခံအဏုဇီဝ အရည်အဖြစ် အသုံးပြုလိုပါက အထက်ပါ အဏုဇီဝမြေကြီးကို သန့်ရှင်းသော အဝတ်တွင် သေချာထုတ်ပြီး ထန်းလျက်ရည်၊ သကာရည်ထဲတွင် ထည့်စိမ်ထားပါ။ တစ်ပတ်ခန့်ကြာပါက အဏုဇီဝ အရည်အဖြစ် စတင်အသုံးပြုနိုင်ပါသည်။

ကိုးကား - Green Way သင်ရိုးစာအုပ်

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...