ညွန်လူးကျွဲနှင့် ရေစိမ်ကျွဲတို့၏ ကွဲပြားသောလက္ခဏာများ

21/01/2022 11:30 AM တွင် အစိမ်းရောင်လမ်း အစိမ်းရောင်လမ်း မှ ရေးသား

ညွန်လူးကျွဲတို့သည် မြန်မာကျွဲအမျိုးအစားဖြစ်သည်။ မြန်မာနိုင်ငံတွင် ကျွဲကိုမြစ်ဝကျွမ်းပေါ်ဒေသနှင့် ရှမ်းပြည်နယ်တို့တွင် အများဆုံးအသုံးပြုကြသည်။ ညွန်လူးကျွဲများသည် ရွှံ့ညွန်ထူထပ်သောဒေသများတွင် နေထိုင်ပေါက်ဖွားကြသည်။ ရေစိမ်ကျွဲများမှာ မြစ်ချောင်းဒေသများနှင့် မြစ်ဝှမ်းလွင်ပြင်များကို နှစ်ခြိုက်ကြပြီး သန့်ပြန့်သည့်ရေကို ပို၍သဘောကျသည်။ ရေစိမ်ကျွဲများသည် မွေးမြူသူတို့အတွက် မျိုးမြှင့်သားစပ်မှုနှင့် မျိုးကောင်းမျိုးသန့်ရွေးချယ်မွေးမြူခြင်းခံရသဖြင့် ဦးချိုပုံသဏ္ဍာန် အမျိုးမျိုးနှင့် နို့ထွက်ပိုကောင်းလာသည့်မျိုးသစ်များရရှိလာသည်။ ညွန်လူးကျွဲမျိုးမှာမူ ကျွဲရိုင်းတို့၏ ဦးချိုပုံသဏ္ဍာန်အတိုင်းရှိနေပြီး နို့ထွက်နည်းပါးသည်။ သို့သော် ရေစိမ်ကျွဲနှင့် ညွန်လူးကျွဲများအတူ မွေးမြူခြင်းဖြင့် ကပြားမျိုးများ ဖြစ်ထွန်းလာခဲ့သည်။

ညွန်လူးကျွဲတို့၏လက္ခဏာများမှာ ခန္ဓာကိုယ်ကြီးမားတောင့်တင်း၍ အလျားတိုသည်။ ဝမ်းဗိုက်မှာမူ ကြီးမားဖောင်းကားလျက်ရှိသည်။ နဖူးပြား၍ မျက်လုံးအိမ်များ ထင်ရှားသည်။ မျက်နှာတိုပြီး နှာပေါက်များကျယ်သည်။ လည်တံအနည်းငယ်ရှည်ပြီး ဘို့စောင်းမှာထင်ရှားပေါ်လွင်သည်။ ခြေလက်များမှာ သေးငယ်ပြီးတိုသည်။

ရေစိမ်ကျွဲတို့မှာ ကိုယ်ထည်နှင့် မျက်နှာပိုရှည်လျားကြပြီး ရင်အုပ်သေးငယ်သည်။ ခြေထောက်များမှာ တုတ်ခိုင်ပြီးရှည်လျားသည်။ တင်ပါးနှင့် မြီးညှောင့်ရိုးမှာ ပို၍ထင်ပေါ်သည်။ အထီးသည် အမထက်မျက်နှာသွယ်ပြီး ဦးချိုများသေးသွယ်ရှည်လျားသည်။

ညွန်လူးကျွဲတို့သည် ပုံပန်းသဏ္ဍာန်အရ ကွဲပြားမှုမသိသာချေ။ ညွန်လူးကျွဲများသည် ရွှံ့ညွန်အင်းများတွင် လည်ပင်းနှစ်၍ စိမ်နေလျှင် အလွန်ကျနပ်ကြသည်။ နေပူပြင်းသည့်ရာသီတွင် နေ့လည်ပိုင်းတွင် ညွန်၌စိမ်နေတတ်ပြီး နံနက်ပိုင်းနှင့် ညနေပိုင်းတို့တွင် အစာစားလေ့ရှိကြသည်။ ရေစိမ်ကျွဲတို့မှာသန့်ပြန့်သည့်ရေရှိနေပါက ရွှံ့ညွန်အတွင်းသို့ ရုတ်တရက်ဆင်းမည်မဟုတ်ပေ။ ညွန်လူးကျွဲတို့သည် ရေစိမ်ကျွဲတို့ထက် သန္ဓေဆောင်ရက်နှစ်ပတ်ခန့်ပိုကြာတတ်သည်။

နည်းပညာများကို အောင်ဝင်းထွဋ်၏ “ကျွဲ၊ နွား မွေးမြူနည်းနှင့် ရောဂါကုသနည်း” စာအုပ်မှ ကောက်နုတ်ဖော်ပြပါသည်။


S&Z International Co., Ltd ကြော်ငြာ
မြေကောင်း အမြစ်သန် ပင်သီးပွင့်ဝေ "ဟူးမစ်ကေ" See More စိုက်ပျိုးမြေတွေက တစ်နှစ်ထက်တစ်နှစ် အဆီအနှစ်တွေခမ်း‌ ခြောက်လာနေလို့ စိတ်ညစ်နေကြပြီလား.. ? မြေဩဇာတွေ ပေါပေါမသုံးနိုင်တော့ အထွက်တွေ မတက်လို့ ခက်နေပြီလား.. ? အဲ့ဒါတွေအားလုံးကို "ဟူးမစ် ကေ" ကို သုံးပေးလိုက်ရုံနဲ့ ဖြေရှင်းနိုင်ပါတယ် ခင်ဗျာ .. "ဟူးမစ်-ကေ"မှာ "ဟူးမစ်အက်စစ်- ၇၀ % ၊ ဖူးဗစ်အက်စစ် -၆-၁၅ % နဲ့ ပိုတက်ဆီယမ် -၁၀-၁၅%" ပါဝင်ပါတယ်..။ အဲ့ဒါတွေက ဘာတွေကောင်းစေတာလဲဆိုတော့… အဲ့ဒီဓာတ်တွေက နှစ်စဉ်ဆုံးရှုံးသွားတဲ့ မြေဆီမြေနှစ်တွေကို ပြန်လည်အားဖြည့်ပေးပြီး မြေဩဇာကို ရေရှည် အကျိုးပြု ထက်သန်စေတာပါပဲ.. မြေကိုဘယ်လိုအားဖြည့်ပေးတာလဲဆိုတော့ "ဟူးမစ်-ကေ" ကို ထည့်ပေးလိုက်တာနဲ့.. မြေသားဖွဲ့စည်းမှုကို ထိန်းညှိကောင်းမွန်စေတာ၊ မြေစေးတာ ဖွယ်တာတွေကို ထိန်းညှိပေးတာ၊ မြေဆီလွှာ အတွင်းက အကျိုးပြုအဏုဇီဝပိုးတွေကို ပွားများရှင်သန်စေတာ၊ မြေဆီလွှာအတွင်း အာဟာရဓာတ်တွေရဲ့ ဖလှယ်နိုင်မှုကို တိုးတက်ကောင်းမွန်စေတာ မြေချဉ်ငံဓါတ်ကိုလဲထိန်းညှိမျှတစေတာ နဲ့မြေဆီလွှာအတွင်း လေဝင်လေထွက် မျှတစေပြီး အစိုဓာတ်ထိန်းသိမ်းမှုကို မျှတစေတာ စတဲ့အကျိုးကျေးဇူးတွေ အများကြီး ရစေတာမို့ပါပဲ... သူ့ချည်းသာလော.. ဆိုရင်တော့ ပိုသေးသဗျ .. သီးနှံပင်တွေကို အမြစ်အားကောင်းစေပြီး အပင်သန်မာကြီးထွားစေ အထွက်နှုန်းတိုးစေတာလေးပါ အဆစ်ပါသေးဆိုတော့.. ကဲ..တောင်သူဦးကြီးတို့ရဲ့ ပျက်စီးနေတဲ့မြေဆီလွှာတွေကို "ဟူးမစ်-ကေ" နဲ့ အထူးဖြစ်နေအောင် ပြုပြင်လိုက်ကြ ပါစို့ဗျာ.. "ဟူးမစ်-ကေ" ကို သူ့ချည်းသက်သက်မသုံးဘဲ ပုလဲ၊ တီစူပါ၊ ပိုတက်အပြင် တခြား ကွန်ပေါင်းဓာတ်မြေဩဇာတွေနဲ့ လူးနယ်ကြဲပက်အသုံးပြုမယ်ဆိုရင်လည်း ဓါမြေဩဇာများအားလေလွင့်ဆုံးရှုံးမှုမှ ကာကွယ်ပေးပြီး ပိုမိုထူးခြားကောင်းမွန်တဲ့ အကျိုးအာနိသင်ကို ရရှိစေနိုင်မှာဖြစ်ပါတယ်ဗျာ..။ ဪ တစ်ခုကျန်သေးသဗျ ရေပျော်စွမ်းအား ၉၉.၉ % ရှိပြီး ရွက်ဖျန်းအားဆေး များဖြင့်လည်းရာစပ်ပက်ဖျန်း ပင်သီးပွင့် ဝေ စေဖို့ အသုံးပြုနိုင် ပါတယ် ခင်ဗျာ။ အသေးစိတ်သိရှိလိုပါက ဆက်သွယ်ရန်- S & Z International Co.,ltd အမှတ်(၁၆)၊ပျဥ်းကတိုးလမ်း၊(၃၄) ရပ်ကွက်၊ဒဂုံမြို့သစ်မြောက်ပိုင်း၊ရန်ကုန် Ph No-09797944994
Read more S&Z facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်