မိုးများ ရုတ်တရက်ရွာသော် စိုက်ပျိုးရေးလုပ်သူများ အနေဖြင့်..

ရန်ကုန်တိုင်းနဲ့ ပဲခူးတိုင်းတောင်ပိုင်းဒေသတွေပေါ်မှာ တိမ်အနိမ့်တွေဖုံးလွှမ်းမှုက ၄၀% မှ ၉၀% အထိ ရှိနေပြီး မိုးရေချိန်ကတော့ ၀.၀၁ လက်မှ ၀.၀၅ လက်မခန့်သာရွာနိုင်တာကြောင့် အလွန်ပါးပါး(ဆောင်းမိုး)ရွာတာ ဖြစ်တယ်လို့ မိုးလေဝသစောင့်ကြည့်လေ့လာသူ ဆရာဦးဝင်းနိုင်က သူ့ရဲ့ ဖေ့ဘုတ်စ်စာမျက်နှာကနေ ယနေ့ နံနက်က ပြောခဲ့ပါတယ်။

ဆရာက ကပ္ပလီပင်လယ်ပြင်တောင်ပိုင်းမှာ တိမ်ထု ထူထူဖြစ်နေတာကလွဲရင် မုန်တိုင်းမရှိပါလို့လည်း တင်ပြထားပါတယ်။

သို့သော်ငြားလည်း စိုက်ပျိုးရေးလုပ်ကိုင်နေသူများအနေဖြင့် ကြိုတင်ကာကွယ်ပြင်ဆင်ကာ ပြုပြင်လို့ရနိုင်တဲ့ အချက်များကို ဖော်ပြပေးလိုက်ရပါတယ်။

(၁) ရေထုတ်၊ ရေနုတ်မြောင်းများကို စိုက်ဘောင်၊ စိုက်ကွင်းများတွင် ပြုလုပ်ထားခြင်း၊

(၂) ဥယျဉ်ခြံအပင်များဖြစ်ပါက ပင်ခြေများကို ကောက်ရိုး သို့မဟုတ် မြေဆွေး၊ ပလတ်စတစ်စများဖြင့် အုပ်မိုးထားခြင်း (Mulching)၊

(၃) ကယ်ဆီယမ် နှင့် ပိုတက်ဆီယမ် ပါသော မြေဩဇာများကို အပင်ဆဲလ်များတောင့်တင်းမာကြောလာစေရန် ဖျန်းခြင်း၊ ကျွေးခြင်း၊ (မြေဆောင်ရောဂါများ နှင့် ရေရရှိမှု မမျှတခြင်းကို ကူညီပေးနိုင်ရန်အတွက် ရည်ရွယ်ပါသည်။) ဥပမာ ကျောက်မှုန့်ထည့်ခြင်းသည် မြေလွှာအတွင်း ရေစီးဆင်းမှုကို အားပေးစေသည်။

(၄) နိုက်ထရိုဂျင်ပါသော မြေဆီကျွေးမှုကို ခဏတာ ရပ်တန့်ပေးထားရမည်။ နိုက်ထရိုဂျင်ဓာတ်သည် ရေဖြင့် စီးလွယ်မျောပါနိုင်သည်။ မြေဆောင်မှိုရောဂါတစ်ချို့ကို အားပေးသည်။ ဥပမာ - မြေအစိုဓာတ်ရှိနေစဉ် စခရိုရှမ် မှိုပင်ညှိုးရောဂါအား နိုင်ထရိုဂျင်ဓာတ်မှ အားပေးသည်။

(၅) အရွယ်အစားတစ်ခုသို့ ရောက်စ အသီးကင်းများအတွက် အိပ်စွပ်ခြင်း၊ အသီးအညှာကို အားပေးသော ဟော်မုန်းများ ( ဥပမာ ဂျစ်ဘရဲလစ်အက်ဆစ် ခေါ် ဂျစ်ဘရယ်လင် (GA3) နှင့် ပိုတက်ဆီယမ်ဓာတ်များ ပါသော ရွက်ဖျန်းများ) ကို အသုံးပြုခြင်း၊

(၆) ကြိုတင်မှိုရောဂါ ပင်လုံးပြန့်၊ ကာကွယ်ဆေးများကို သုံးခြင်း

( ဥပမာ သိုင်အိုဖီးနိတ်မီသိုင်း အေအိုင် )

(အစွမ်းထက် - အဆိပ်ပစ္စည်း Thiophenate methyl)

မိတ်ဆွေတို့အနေနဲ့ ထိခိုက်မှုမရှိဘဲ ကြိုတင်လုပ်ဆောင်သင့်သည်များကို လုပ်ဆောင်ပြီး စိမ်းစိုအောင်မြင်စေပါကြောင်း ဆုတောင်းရင်းဖြင့်..

အပူချိန်စတင် မြင့်နေစဉ် ရုတ်တရက်မိုးများ ဆက်၍ ရွာလာပါက -

(၁) မြေဆီလွှာအတွင်းရေရရှိမှုမညီမျှခြင်း (Imbalance water supply)

(၂) မြေဆောင် မှိုရောဂါများ ဆိုးဝါးလာခြင်း (Soil-born fungal diseases)

(၃) သီးနှံပင်များ၏ ဇီဝကမ္မဖြစ်စဉ်များကို ထိခိုက်စေခြင်း (Crop physiological stress)

(၄) ရွေ့လျားလွယ်သော အပင်အာဟာရဓာတ်များ ရေဖြင့်မျောပါနိုင်ခြင်း (Loss of Mobile Plant Nutrients)

(၅) ပန်းပွင့်နေသော အဆင့်ဖြစ်ပါက ဝတ်မှုန်ကူးခြင်း နှင့် အသီးကင်းများကို ထိခိုက်စေခြင်း

(Damage on Pollination rate and immature fruit fall) စသည့်ထိခိုက်မှုများ ဖြစ်စေနိုင်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ