အီးကိုလိုင်ကြောင့် နွားငယ်လေးများ ဝမ်းရောဂါဖြစ်ပွားမှုကို ကာကွယ်ကုသနည်းများ

01/03/2022 15:30 PM တွင် ဦးဇော်(dof) ဦးဇော်(dof) မှ ရေးသား

နွားငယ်လေးများ အသက်ရက်သား၊ လသားအရွယ်မှာ အီးကိုလိုင်ပိုးကြောင့် ဖြစ်ပွားတတ်တဲ့ ဝမ်းပျက်ဝမ်းလျှော ရောဂါ အကြောင်းကို နွားမွေးမြူသူတွေ သိရှိစေဖို့ ရေးသားဖော်ပြလိုက်ပါတယ်။

ဒီရောဂါဖြစ်ပွားတဲ့ နွားကလေးများမှာ အသက်ဆုံးရှုံးတဲ့အထိ ဖြစ်တတ်လို့ စီးပွားရေးအတွက် အရေးကြီးတဲ့ ရောဂါတစ်မျိုး ဖြစ်ပါတယ်။

ရောဂါဖြစ်ပွားသည့်အကြောင်းရင်း

ဒီရောဂါဟာ နွားကလေးတွေရဲ့ အသက်ရက်သားမှ အသက် ၁ လ၊ ၂ လအတွင်း ဖြစ်ပွားသောရောဂါဖြစ်လို့ နွား ကလေးရဲ့ ကိုယ်ခံအားနည်းပါးမှုကြောင့်လည်းကောင်း၊ နွားကလေးရဲ့ ကိုယ်ခန္ဓာအတွင်းရှိ အစာချေလမ်းကြောင်း အတွင်းရှိ ရောဂါပိုးများကြောင့်လည်းကောင်း ဖြစ်တတ်ပါတယ်။

ရောဂါဖြစ်စေသောပိုး

နွားကလေးရဲ့ ကိုယ်ခန္ဓာအတွင်းရှိ အစာချေလမ်းကြောင်းတစ်လျှောက်မှာရှိတဲ့ ရောဂါပိုးများဖြစ်သော အီးကိုလိုင်၊ ဆယ်လ်မိုနဲလားပိုးများ တည်ရှိနေမှုမှ ထိုပိုးများရဲ့ အဆိပ်ရည်ထုတ်မှုကြောင့် နွားငယ်ရဲ့အစာအိမ်နံရံရှိဆဲလ်များမှ ဆိုဒီယမ်ကလိုရိုက်နဲ့ ပိုတက်စီယမ်ကလိုရိုက် စတဲ့ ဓာတ်ဆားများထွက်ရှိလာလို့ ဝမ်းလျှောရောဂါအား ဖြစ်ပေါ်စေ ပါတယ်။

နောက်တစ်ချက်အနေနဲ့ မိခင်ထံက အရည်အသွေးညံ့ဖျင်းပြီး ကိုယ်ခံအင်အားအနည်းငယ်သာပါရှိတဲ့ နို့ဦးရည် အား အကန့်အသတ်ဖြင့် သောက်သုံးရလို့ ကိုယ်ခံအင်အားနည်းပါးပြီး ဒီရောဂါဖြစ်ရတာပါ။

အထူးသဖြင့် ပထမဆုံးမွေးဖွားတဲ့  နွားငယ်လေးတွေမှာ အများဆုံးဖြစ်တတ်ပါတယ်။

ရောဂါပိုးများအား ပေါက်ပွားစေတဲ့ သန့်ရှင်းမှုညံ့ဖျင်းတဲ့ နေရာထိုင်ခင်းများကြောင့် အများဆုံး ဖြစ်ပွားပါတယ်။

ရောဂါလက္ခဏာများ

(၁) ရေဓာတ်ဆုံးရှုံးမှုကြောင့် အရေပြားများတင်းမာလာခြင်း

(၂) ဝမ်းသွားရာတွင် အရိအရွဲများ၊ သွေးစများ၊ နို့ဖတ်များပါခြင်း

(၃) မျက်လုံးများချိုင့်ဝင်သွားခြင်း

(၄) အသက်ရှူ မြန်လာခြင်း

(၅) အစာအိမ်လေဖောင်းခြင်း

(၆) ချက်တိုင်ရောင်ခြင်း

(၇) မှောက်၍လဲနေခြင်းများအားတွေ့ရခြင်း စတာတွေဖြစ်ပြီး နောက်ဆုံးမှာတော့ ခန္ဓာကိုယ်တွင် ရေဓာတ် ခမ်း၍ သေဆုံးနိုင်ပါတယ်။

ကာကွယ်ခြင်း

- ရောဂါဖြစ်သည့်နွားကလေး အသုံးပြုတဲ့အသုံးအဆောင် ပစ္စည်းများအား အသုံးပြုပြီးတိုင်း သန့်ရှင်းရေး ပြုလုပ်ခြင်း။

- နွားကလေးမွေးမြူမယ့်နေရာအား သန့်ရှင်းခြောက်သွေ့စေရန် ဖန်တီးထားခြင်း။

- နွားကလေးမွေးပြီးပါက နွားကလေးနဲ့ နွားမကြီးအား သန့်ရှင်းခြောက်သွေ့တဲ့နေရာသို့ ပြောင်းရွှေ့ ပေးထားခြင်း။

- နွားကလေးအား အခြားနွားများနဲ့ ခွဲခြားထားခြင်း။

- နွားကလေးရဲ့ ချက်တိုင်အား ပိုးသတ်ဆေးရည်တွင် ညှစ်ပေးခြင်း

- နွားကလေးသောက်သုံးတဲ့ နို့ဦးရည်အရည်အသွေးနဲ့ ပမာဏကိုစစ်ဆေးပေးခြင်း စတာတွေ လိုအပ် ပါတယ်။

ကုသမှု

- ဓါတ်ဆားရည်၊ ဒက်စ်တို့အရည်၊ ဆိုဒီယမ်ဘိုင်ကာဘိုနိတ်အရည် နဲ့ သွေးရည်ကြည် စတာတွေကို အကြောဆေးသွင်း၍ ကုသပေးရန်လိုအပ်ပါတယ်။

ဆိုတော့ ကာကွယ်ကုသနည်းတွေ သိသွားကြပြီမို့ နွားငယ်လေးများ ဝမ်းပျက်ဝမ်းလျှောရောဂါမှ ကင်းဝေးကြပြီး နွားမွေးမြူသူများလည်း အဆင်ပြေကြပါစေဗျာ ။

ရေးသားသူ- ဦးဇော်(dof)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်