ဝဥဈေးကွက်ပျက်စီးမှုကြောင့် အရှုံးနှင့် ရင်ဆိုင်နေရတဲ့ ချင်း 'ဝဥ' စိုက်တောင်သူတွေ

ကိုဗစ်-၁၉ ကပ်ရောဂါအလွန်မှာ နယ်စပ်ကုန်သွယ်ရေးကန့်သတ်ချက်များကြောင့် ဈေးနှုန်းကျဆင်းခြင်း၊ သွင်းအားစုဈေးနှုန်းများ မြင့်တက်ခြင်း၊ နယ်စပ်ကုန်သွယ်ရေးကွင်းဆက်များ ရပ်တန့်ခြင်းတို့ကြောင့် ဝဉဈေးကွက်ပျက်စီးကာ ချင်းပြည်နယ်က ဝဥစိုက်တောင်သူတွေ အရှုံးနဲ့ရင်ဆိုင်နေရတယ်လို့ သိရပါတယ်။

ဝဥကို ချင်းပြည်နယ်တောင်ပိုင်း မင်းတပ်၊ မတူပီ၊ ကန်ပက်လက်နဲ့ ရေဇွာ အစရှိတဲ့ ဒေသများမှာ အဓိကအားထားစိုက်ပျိုးကြတာ ဖြစ်ပါတယ်။ ပုံမှန်အားဖြင့် တစ်ဧကလျှင် ဝဥ ပိဿာချိန် ၃,၀၀၀ ကနေ ၅,၀၀၀ အထိ ထွက်ရှိနိုင်တာဖြစ်တယ်လို့ ဝဉစိုက်တောင်သူများထံက သိရပါတယ်။

ဝဉစိုက်တောင်သူတွေအနေနဲ့ ဝဉကုန်ကြမ်းအစို၊ အခြောက်အပြင် ကုန်ချောကိုပါ ပြည်တွင်းမှာ ထုတ်လုပ်ပြီး ပြည်ပသို့ ဖြန့်ဖြူးနိုင်ရန် အဓိကရည်ရွယ် စိုက်ပျိုးလုပ်ကိုင်ကြတာပါ။ တရုတ်၊ ဂျပန်၊ ကိုးရီးယားနိုင်ငံတို့က အဝယ်ရှိပြီး ဒေသစီးပွားရေးကို အဓိကမြှင့်တင်ပေးနေတဲ့ စိုက်ပျိုးထွက်ကုန်တွေထဲက တစ်ခုဖြစ်ပါတယ်။

ယခင်ကတော့ ချင်းပြည်နယ် ဝဉဈေးကွက်မှာ အစိုတစ်ပိဿာလျှင် ၂၀၀၀ ကျပ်မှ ၂၅၀၀ ကျပ်အထိရှိပြီး ဝဥ အခြောက်တစ်ပိဿာလျှင် ၁၀,၀၀၀ ကျပ်မှ ၁၅၀၀၀ ကျပ်အထိ ဈေးပေါက်ခဲ့တယ်လို့ သိရပါတယ်။ 

ဒါပေမဲ့ အခုအခါမှာတော့ ဝဥဈေးကွက်ပျက်နေပြီး ဝဥ အစိုတစ်ပိဿာလျှင် ၅၀၀ ကျပ်မှ ၈၀၀ ကျပ်အထိသာဈေးပေါက်နေကာ ဝဥ အခြောက်ကလည်း တစ်ပိဿာလျှင် ၅၀၀၀ ကျပ်မှ ၆၅၀၀ ကျပ်အထိသာ ဈေးပေါက်နေလို့ တောင်သူတွေအရှုံးနဲ့ရင်ဆိုင်နေရတာဖြစ်တယ်လို့ ဝဥစိုက်တောင်သူတစ်ဦးထံကနေ သိရပါတယ်။

ဒီလိုဈေးကွက်ပျက်မှုကြောင့် ဝဥကိုသာ အဓိကအားထားစိုက်ပျိုးနေရတဲ့ တောင်သူတွေအနေနဲ့ စားဝတ်နေရေးအတွက် ကြီးမားတဲ့စိန်ခေါ်မှုတွေနဲ့ ရင်ဆိုင်နေရတယ်လို့ သိရပါတယ်။

ဒါကြောင့် တာဝန်ရှိသူတွေဘက်က ကောင်းမွန်တဲ့မူဝါဒများ ထောက်ပံ့ပေးရန်၊ ပြည်တွင်းကုန်သွယ်ရေးလမ်းကြောင်းများသာမက ပြည်ပကုန်သွယ်ရေးလမ်းကြောင်းများပါ ထိထိရောက်ရောက်စီမံဆောင်ရွက်နိုင်ရန် ဝဥစိုက်တောင်သူများ၊ လုပ်ငန်းရှင်များနှင့် ကုန်သည်များကတော့ မျှော်လင့်နေကြပါတယ်။

ဝဥစိုက်တောင်သူတွေအတွက် အဓိကစိန်ခေါ်မှုတွေအနေနဲ့ ခေတ်မီနည်းပညာများဖြင့် မစိုက်ပျိုးနိုင်သေးခြင်း၊ စိုက်ပျိုးနည်းစနစ် အသိပညာနည်းပါးခြင်း၊ စိုက်ပျိုးသည့်အဆင့်မှ ကုန်ချောထုတ်လုပ်သည့်အဆင့်၊ ဈေးကွက်တင်ပို့သည့်အဆင့်၊ တန်ဖိုးမြင့်ပစ္စည်းများ ထုတ်လုပ်သည့် အဆင့်တို့မှာ အားနည်းခြင်းတို့ ဖြစ်တယ်လို့ သိရပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးင​မြောင်​တောင်ပိုး( Rice armyworm) စတဲ့ စပါးဖျက်ပိုး​တွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ

Read more