တန်ဖိုးမြင့်…...ကက္ကူရံငါး

      ကက္ကူရံငါးမှာ ရေအောက်ငါး (demersal fish) များဖြစ်ကြပြီး ရေငန်ပိုင်း၊ ရေချိုရေငန်တို့တွင် အများဆုံးတွေ့ရလေ့ရှိပြီး ရွှံ့နှင့်သဲရောစပ်နေသော ရေတိမ်ကမ်းပါးများထိလည်း ရမိတတ်ကြသည်။

       ကက္ကူရံငါးမှာ ခန္ဓာကိုယ်ရှည်လျားပြီး ဘေးတိုက်အနည်းငယ်ပြားသည်။ မျက်လုံးကြီးပြီး နှာယောင်ရှည်လျားသည်။ ပါးစပ်ကျယ်ပြီး အောက်သို့ကျနေသည်။ ကျောဆူးတောင်(၂) ခုပါရှိ၍ ထင်ရှားပေါ်လွင်သည်။ အမြီးခွနက်သည်။ အကြေးခွံများမှာသေးငယ်၍ ဒေါင်လိုက်ပေါက်သော ဆူးတောင်ဖျားအထိ ဖုံးအုပ်နေတတ်သည်။ ငါး၏အရောင်မှာ ငွေရောင်နှင့် အစိမ်းရောစပ်ထားသောအရောင်မျိုးဖြစ်သည်။ မျှောပိုက်များတွင် ကက္ကူရံငါးကို ရမိတတ်ကြသည်။

       ကက္ကူရံငါးမှာ ဒေသအခေါ်အဝေါ်အရ အမျိုးမျိုးကွဲပြားကြပါသည်။ ရခိုင်ဒေသတွင် 'ငါးတရား (ခေါ်) ငါးတယော (ခေါ်) ပေါင်းဒယား' ဟုအမည်တွင်ကြပြီး တနင်္သာရီဘက်တွင်မူ 'ငကွဲယင် (သို့) ငါးလက်ခွာ' ဟုခေါ်ကြပါသည်။ အင်္ဂလိပ်လို ကက္ကူရံငါးကို Four finger  threadfin ဟုသိရပြီး မွန်ပြည်နယ်ဒေသတွင် 'ကက္ကူရံ' ဟုသာခေါ်ကြပါသည်။

       ကက္ကူရံငါးမှာ ငါးပုဏ္ဏားနှင့်အတူ မျိုးရင်း (Family- Polynemidae) အောက်တွင်ပါဝင်ကြပြီး ဆူးတောင်ရိုးပျော့သောငါး (ray-finned fish) အုပ်စုဝင်များဖြစ်ကြသည်။ ကက္ကူရံငါးမှာ အသားစား (carnivorous) အနွယ်ဝင်များဖြစ်ကြပြီး ငါး၊ ပုစွန်များကို သူတို့၏အစာအဖြစ်စားလေ့ရှိကြသည်။

        ကက္ကူရံငါးမှာ အဆိပ်အတောက်ကင်းသည်ဟုသိရပြီး နေမကောင်းဖျားနာသူများလည်း စားသုံးနိုင်သော ငါးအမျိုးအစားတွင်ပါဝင်ပါသည်။ "ကက္ကူရံ ၁ တုံး၊ ရေ ၁ ပုံး" ဆိုတဲ့ စာဆိုအတိုင်း ဟင်းချက်ရာ၍ အရည်များများဖြင့် ဆီကျန်ရေကျန်ဟင်းချက်စားကြပါသည်။ ဒေသခံများမှာ အရသာကောင်းမွန်သည့် ကက္ကူရံငါးကို ရှေးယခင်ကာလကတည်းက တန်ဖိုးထားစားသုံးခဲ့ကြပါသည်။ ကက္ကူရံငါးအသားလွှာတန်ပူရာကြော်၊ ကက္ကူရံဒန့်သလွန်သီးချက်၊ ကက္ကူရံခေါင်းချဉ်ရည်ဟင်း၊ ကက္ကူရံငါးပေါင်းထုပ်၊ ပဲဆီပေါင်း၊ ဆီကျန်ရေကျန်အစပ်ဟင်းစသည့် ဟင်းလျာများမှာ နာမည်ကြီးသည်။

       ကက္ကူရံငါးခြောက်၊ ကက္ကူရံငါးပုတ်ခြောက်များမှာလည်း ဈေးကောင်းလူကြိုက်များလှပြီး မီးဖုတ်၊ ဆီစိမ်ထားပြီး တန်ဖိုးထားစားသုံးကြပါသည်။ ထိုသာမက ကက္ကူရံငါးမှလည်း ငါးစီပေါင်း (swimbladder or fish maw) ကိုရရှိကြပြီး ဈေးကောင်းရကြပါသည်။

ကက္ကူရံငါးကို-

Phylum (မျိုးပေါင်းစု)- Chordata

Class (အမျိုးအစား) – Actinopterygii

Order (မျိုးစဉ်) – Perciformes

Family (မျိုးရင်း) – Polynemidae

Genus (မျိုးစု) – Eleuthronema

Species (မျိုးစိတ်) – E.tetradactylum ဟူ၍သိရပါသည်။

ကက္ကူရံငါးများမှာ အရသာကောင်းမွန်ပြီး လူကြိုက်များလှသော ဈေးကွက်ဝင်ငါးတစ်မျိုးဖြစ်ကြောင်း လေ့လာရေးသားလိုက်ရပါသည်။

ပင်လယ်ပြာ(ငါးဦးစီး)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်