မိုးအကုန် ဆောင်းအကူးကာလများတွင် ဘက်တီးရီးယားကြောင့်ဖြစ်သော ငါးရောဂါအကြောင်း

      ဘက်တီးရီးယားကြောင့်ဖြစ်သော ငါးရောဂါကို Epizotic Ulcerative Syndrome (EUS) (Red Spot Disease)ဟု ခေါ်ကြပါသည်။

ရောဂါဖြစ်ပွားရသော အကြောင်းအရင်း

      Aphanomyces spp; Saprolegnia spp; Aeromonas hydrophila များကြောင့် ဖြစ်ပွားနိုင်ပါသည်။

ရောဂါလက္ခဏာများ

- ငါးများ အစာစားနှုန်းလျော့ကျလာခြင်း၊

- ဦးခေါင်းပိုင်း၊ ဆူးတောင်၊ အမြီးပိုင်း၊ ကျောဖက်နှင့် ဝမ်းဖက်ရေယက်များတွင် အနီစက်များ ရှေးဦးစွာ တွေ့ရှိရပြီးနောက် အနာပေါက်များဖြစ်လာခြင်း၊

- ငါး၏အသားစများပဲ့ထွက်ခြင်းတို့ ဖြစ်လာပြီး သေဆုံးမှုများဖြစ်ပေါ်လာခြင်း၊

- နောက်ဆက်တွဲရောဂါများအဖြစ် ကပ်ပါးရောဂါ၊ ဘက်တီးရီးယားရောဂါများ စွဲကပ်လာတတ်ခြင်းတို့ဖြစ်သည်။

ရောဂါဖြစ်ပွားနိုင်သော ငါးအမျိုးအစားများ

ငါးရံ့၊ ငါးခူ၊ ဂိုရာမီ၊ ငါးသစ်တုံး

ဖြစ်ပွားတတ်သည့် အချိန်ကာလ

      မိုးအကုန် ဆောင်းအကူးကာလများတွင် ဖြစ်ပွားတတ်ပါသည်။

ကာကွယ်ခြင်းနှင့် ထိန်းချုပ်ခြင်း

      ရေအရည်အသွေးကို နေ့စဥ်တိုင်းတာစစ်ဆေးခြင်း မှတ်တမ်းထားရှိရန်၊ ပျော်ဝင်အောက်စီဂျင်နည်းပါက တစ်ဟက်တာလျှင် ဆား(၁၂)ပိဿာထည့်ရန်။

- ရေ၏ ချဥ်ဖန်နှုန်းနိမ့်ပါက တစ်ဟက်တာလျှင် ထုံး(၃၀၀)မှ (၄၀၀) ကီလိုဂရမ် ထည့်ပေးရန်။

- မွေးမြူရေးကန်ကြီးများတွင် ဓာတုဗေဒဆေးဝါးများသုံးစွဲခြင်းထက် ကန်၏ ပတ်ဝန်းကျင်အခြေအနေကို ပြုပြင်ထိန်းသိမ်းပေးခြင်းအားဆောင်ရွက်ရန်တို့ဖြစ်သည်။

ပင်လယ်ပြာ (ငါးဦးစီး)

Ref; ငါးလုပ်ငန်းဦးစီးဌာန၏ ငါးရောဂါအကြောင်းသိကောင်းစရာစာစုမှ ကောက်နုတ်တင်ပြပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်