မွေးမြူရေးငါးကန် ကန်ရေအရည်အသွေးစံချိန်စံညွှန်းများနှင့် မပြတ်စစ်ဆေးပေးရမည့်အချိန်ဇယား(၁)

ငါးမွေးမြူရေးလုပ်ငန်းကို လုပ်ကိုင်သူများအနေဖြင့် ငါးများ၏ကျန်းမာရေးနှင့် ကြီးထွားနှုန်းကောင်းစေရန်လိုအပ်သော ကန်ရေ၏ အရည်အသွေးစံညွှန်းများကို အသေးစိတ်သိရှိစေရန်အတွက် လေ့လာရေးသားဖော်ပြပေးလိုက်ပါသည်။ 

၁။ အပူပိုင်းနှင့်အအေးပိုင်းငါးများအတွက် လိုအပ်သောကန်ရေ၏အပူချိန်(Water temperature)

• အပူပိုင်းငါး-  25 °C မှ 32 °C အတွင်း ရှိသင့်ပါသည်။(အပူချိန်  32°C အထက်နှင့် 24 °C အောက်၌ အစာကျွေးနှုန်းလျှော့ချရန်လိုပြီး 27°C မှအထက် ရောက်ချိန်မှသာ အစာကျွေးသင့်ပါသည်)
• အစာစားနှုန်းအကောင်းဆုံး-  27°C အထက်ရှိလျှင် ကောင်းမွန်ပါသည်။ 
• အအေးပိုင်းငါး-  20°C အောက်(10°C မှ 18°C) ရှိရပါမည်။ (အပူချိန်မြင့်မားလာပါက ရေဒလက်မောင်းပေးခြင်း၊ ရေသွင်းပေးခြင်းဖြင့်  ပျော်ဝင်အောက်ဆီဂျင်(D.O) မြင့်မားလာစေရန် ပြုလုပ်ပေးရသည်)

၂။ ရေနောက်ကျိခြင်း(Turbidity)

ရေနောက်ကျိမှုသည် ငါးများ၏ အစာစားနှုန်းနှင့် ကြီးထွားနှုန်းကိုထိခိုက်စေသဖြင့်...

အနည်မှုန့်များအနည်ထိုင်စေရန်-

• ကန်တစ်ကန်လျှင် လချေးကျောက်(Gypsum)ထုံးမှုန့်ကို ပိဿာ ၆၀ မှ ၁၂၀ အထိလည်းကောင်း၊
• ကျောက်ချဉ်(Alum)ကို ၁၀ ပိဿာမှ ၂၀ ပိဿာနှုန်းဖြင့်လည်းကောင်း၊
• နွားချေး၊ ကြက်ချေး ၁၂၀ ပိဿာမှ ၂၄၀ ပိဿာထိ ရေဖျော်၍လည်းကောင်း ပက်ဖျန်းပေးနိုင်ပါသည်။

၃။ အပင်မျောလှေးများလွန်းခြင်း(Phytoplankton-bloom)

အပင်မျောလှေးသိပ်သည်းမှုပမာဏမှာ Secchi disc တိုင်းတာမှုအရ ၁၂” (၃၀ စင်တီ)မှ ၁၆”(၄၀ စင်တီ)အတွင်း ရှိသင့်ပြီး...

*12”အတွင်း မမြင်ရပါက -

• မြေသြဇာထည့်သွင်းမှုကိုရပ်ဆိုင်းရန်နှင့် အစာကျွေးနှုန်းလျှော့ချပေးရန်လိုပြီး ကယ်စီယမ်ဆာလ်ဖိတ်(Gypsum)ထည့်သွင်းပေးရန်၊
• ကော့ပါးဆာလဖိတ်(ဒုတ္တာ)ကို Total Alkalinity 100 တွင် 1mg/L နှုန်းထည့်ပေးရန်လိုပါသည်။

*၁၆” အထက်မြင်နေရပါက-

• မြေသြဇာထည့်သွင်းပေးရန် လိုအပ်သည်။

၄။ ပျော်ဝင်အောက်ဆီဂျင်(D.O)

ကန်ရေထဲ၌ D.O အနည်းဆုံး 5mg/L အထက် ရှိသင့်သည်။

*D.O နိမ့်ကျနေပါက-

• ရေသစ်သွင်းပေးခြင်း၊ ရေဒလက်များမောင်းပေးခြင်း၊ ရေလှုပ်ရှားပေးခြင်း၊ အစာကျွေးနှုန်းလျှော့ချခြင်းများ ပြုလုပ်ပေးရမည်။
• *Phyto-bloom အပင်မျောလှေးများလွန်းပါက ညအချိန် D.O နိမ့်ကျလာနိုင်သဖြင့် မြေသြဇာထည့်သွင်းမှုကို ရပ်ဆိုင်းထားရမည်။

၅။ နိုက်ထရိုက်(Nitrite)နှင့် နိုက်ထရိတ်(Nitrate)

ရေချိုငါးကန်- နိုက်ထရိတ် 27 mg/L ထက် မပိုစေရ၊

                   - နိုက်ထရိုက် 0.2 mg/L ထက် မပိုစေရ၊

- နိုက်ထရိုက်မြင့်မားပါက သွေးထဲ၌ O2 ရရှိမှုနည်းလာသည်။

*ဖယ်ရှားရန်-

• ဆား (Nacl2) 25ppm(တစ်ဧက 100 kg)ဖြင့် နိုက်ထရိုက်  1mg/L ကို ဖယ်ရှားနိုင်သည်။

၆။ ရေအရည်အသွေးအား စစ်ဆေးရန်အချိန်ဇယား

• ရေအရောင်(Water Colour) - နေ့စဉ်
• ရေကြည်နှုန်း(Transparency)- တစ်ပါတ်တစ်ကြိမ်
• အပူချိန်(Temperature) - နေ့စဉ်
• ရေအနက်ပေ(Water depth)- တစ်လတစ်ကြိမ်
• ရေ၏ချဉ်ဖန်နှုန်း(pH) - တစ်ပတ်တစ်ကြိမ်
• ထုံးဓာတ်ပါဝင်နှုန်း(Alkalinity) - နှစ်ပတ်တစ်ကြိမ်
• ရေစေးခြင်း(Hardness) - ၂ ပတ်တစ်ကြိမ်
• ပျော်ဝင်အောက်ဆီဂျင်(D.O) - နေ့စဉ်နံနက်ပိုင်း
• အမိုးနီးယား(Ammonia) - ငါးနှင့် ရေအခြေအနေအရ
• ဟိုက်ဒရိုဂျင်ဆာလဖိုဒ်(H2S)- ငါးနှင့် ရေအခြေအနေအရ

တိုင်းတာစစ်ဆေးပေးရပါမည်။

၇။ ချဉ်ဖန်နှုန်း(pH)

• pH 6.5 မှ 8.5 အတွင်း(နံနက်ပိုင်း၌ အနည်းဆုံး 6.5 ရှိသင့်သည်။)
• Alkalinity ကျလာပါက pH အတက်အကျ ကွာခြားမှုကြီးသည်။
• pH နိမ့်ကျပါက- Ca(OH)2 ဖောက်ထုံးနှင့် CaCo3 ထုံးကျောက်နှင့် ဒိုလိုမိုက်ထုံးမှုန့်များကို ထည့်သွင်းပေးရသည်။

*ကန်ရေ၏ pH ပေါ်မူတည်၍ ထုံးထည့်သွင်းနှုန်း-

• pH 4.0 - 4.9 ......... 75 kg - 50 kg
• pH 5.0 - 6.4 ......... 50 kg - 40 kg
• pH 6.5-7.4  .........  40kg-25kg

*pH 8.5 ထက်မြင့်နေပါက ရေသစ်လဲလှယ်ပေးခြင်းနှင့်လချေးထုံးကျောက် (ကယ်လ်စီယမ်ဆာလဖိတ်) တစ်ဧကလျှင် 25 kg နှုန်း ထည့်သွင်းနိုင်သည်။

(ကျန်ရှိသောအကြောင်းအရာများကို အပိုင်း (၂) တွင် ဆက်လက်ဖော်ပြပေးပါမည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...

Read more

Aqua ဘူစတာ

Aqua ကယ်လဆီယမ်

Facebook စာမျက်နှာသို့သွားရန်