ရေချိုပုစွန်တုပ်ကြီး အသားတိုးမွေးမြူရေး အောင်မြင်ရေးအတွက် လိုအပ်ချက်တစ်ရပ်..

ရေချိုပုစွန်တုပ်ကြီး အသားတိုးမွေးမြူရာတွင် အောင်မြင်မှုရရန်ဆိုပါက မွေးမြူရေးကန်များကို မပြတ်ကြည့်ရှုလေ့လာပြုစုစောင့်ရှောက်ခြင်းကလည်း အရေးပါသည့်အချက်ဖြစ်ပါသည်။ မည်ကဲ့သို့ ကြည့်ရှုလေ့လာရမည်၊ မည်သည့်အခြေအနေများကြုံပါက မည်ကဲ့သို့ ဖြေရှင်းသင့်သည်များကို ဖော်ပြပေးလိုက်ပါသည်။

၁။ ရေချိုပုစွန်ထုပ်ကြီး အသားတိုး မွေးမြူရေးကန်များကို နေ့စဉ် တိုင်းတာစစ်ဆေးရမည်။

၂။ နေ့စဉ်စစ်ဆေးမှုအရ မွေးမြူရေကန်ရေထု၏ဂုဏ်သတ္တိပါ၀င်မှု ပြောင်းလဲကျဆင်းနေကြောင်းတွေ့ရှိပါက ကန်အတွင်း ရေဖြည့်သွင်းပေးခြင်း (သို့မဟုတ်) အောက်ရေထုတ်ပေးခြင်းတို့ကို ဆောင်ရွက်ရမည်။

၃။ ရေလှုပ်ကိရိယာ(Peddle Wheel) (သို့မဟုတ်) လေမှုတ်ကိရိယာများ လိုအပ်ပါက မောင်းနှင်ပေးရမည်။ ထိုသို့မောင်းနှင်ပေးခြင်းကြောင့် မွေးမြူရေးကန်အတွင်း ရေထုများသည် အထက်နှင့်အောက် အပြန်အလှန်ရောယှက်ကာ ပျံ့နှံ့သွားမည်ဖြစ်ပါသည်။ ရေလှုပ်ကိရိယာများကို မွန်းလွဲပိုင်းတွင် စတင်မောင်းနှင်နိုင်ပြီး တစ်ညလုံး မောင်းနှင်နိုင်ပါသည်။

၄။ ရေလှုပ်ကိရိယာ(Peddle Wheel) အသုံးပြုရန် အဆင်မပြေနိုင်ပါက ရေစုပ်စက်များကို အသုံးပြုပြီး ဆောင်ရွက်နိုင်သည်။ မွေးမြူရေးကန်အတွင်းမှ ရေများကိုစုပ်ယူပြီး တဖက်ရေပန်းများ(Showering) ချပေးခြင်းဖြင့် ရေထုအတွင်း ရေများသန့်စင်စေပြီး ရေအရည်သွေးပိုမိုမြင့်မားကာ ပုစွန်များကြီးထွားနှုန်းနှင့် အသားတိုးနှုန်း ပိုမိုမြင့်မားစေပါသည်။

၅။ ကြီးထွားမှုများကို စီမံခန့်ခွဲခြင်း

ရေချိုပုစွန်တုပ်ကြီးမွေးမြူရေးကန်အတွင်းရှိ ပုစွန်များ၏အခြေနေကို (၁၅)ရက်တကြိမ်(သို့) တစ်လတစ်ကြိမ်နှုန်းဖြင့် မဖြစ်မနေစစ်ဆေးဆောင်ရွက်ပေးရမည်။ စစ်ဆေးဆောင်ရွက်ရာတွင် ပထမဦးစွာ လက်ပစ်ကွန်(Cast net)ကို အသုံးပြု၍ နမူနာကောင်များ(Samples) ကို ဖမ်းဆီးရပါမည်။ ဖမ်းဆီးရမိသည့်အကောင်များကို အလျားတိုင်းခြင်း၊ အလေးချိန် ချိန်ခြင်းများကိုဆောင်ရွက်၍ မှတ်တမ်းတင်ထားရမည်။

၆။ နေ့စဉ်အစာကျွေးနှုန်းကို သိသာထင်ရှားရန်အတွက် ပုစွန်ကန်များတွင် အစာဗန်းကို အစာထည့်၍ ကမ်းစပ်မှ ၅ ပေအကွာလောက်တွင် အစာဗန်းကို ဝါးတစ်လုံးဖြင့် စိုက်ထူထားရမည်။ အစာဗန်းထဲသို့ အစာများကို တစ်ဆယ်သား၊ နှစ်ဆယ်သားခန့် ထည့်ထားရမည်။

မနက်တစ်ကြိမ်၊ ညနေတစ်ကြိမ် အစာဗန်းကိုစစ်ဆေးသောအခါ အစာဗန်းတွင် အစာနည်းနေပါက ပုစွန်များအစာစားကြောင်းသိရှိနိုင်ပြီး အစာဗန်းတွင် အစာမလျော့ဘဲ များနေသေးကြောင်း တွေ့ရှိပါက ပုစွန်များအစာမစားကြောင်းသိရှိခန့်မှန်းနိုင်ပါသည်။ အစာဗန်းထဲမှ အစာကုန်နှုန်းကိုကြည့်၍ ပုစွန်ကန်များတွင်အစာကျွေးသောအခါလိုတိုးပိုလျှော့ပြုလုပ်၍ ကျွေးမွေးနိုင်သည်။

ရေချိုပုစွန်တုပ်ကြီးမွေးမြူရေးကန်၏ ဖြစ်သင့်သောဓာတုဗေဒဖြစ်စဉ်များ

• ရေထုအပူချိန် - (၂၆) မှ(၃၀)°C အတွင်း
• ရေထု၏ချဉ်ငန်နှုန်း(PH) - ၇.၈ မှ ၈.၂
• အောက်စီဂျင်ပျော်၀င်မှု - (၃) ပီပီအမ်အထက်
• ရေထု၏အကြည်နှုန်း - (၁၄) မှ (၁၁)လက်မ
• အမိုးနီးယား - (၀.၀၁) ပီပီအမ်အောက် နည်းရန်
• ဟိုက်ဒရိုဂျင်ဆာဖိုက် - လုံး၀မပါရှိပါက ပိုကောင်းသည်။

ကိုမောင်မောင်(သု၀ဏ္ဏ)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်