ချင်း(ဂျင်း)မျိုးတက်ရွေးချယ်နည်းနှင့် မျိုးတက်စိမ်ရန် အီးအမ်ဖျော်ရည်ပြင်ဆင်နည်း

ချင်း (ဂျင်း) စိုက်ရန် ချင်း(ဂျင်း)မျိုးတက် ရွေးချယ်ခြင်း

ကျန်းမာသော ချင်းမျိုးတက်များရရှိရန် ချင်းတူးဖော်ရိတ်သိမ်းချိန်၌ ကျန်းမာသန်စွမ်းသော၊ ရောဂါကင်းသော ချင်းတက်များကို ရွေးချယ်ဖယ်ယူရမည်။ ကောင်းစွာရင့်သော၊ သန့်ရှင်းသော၊ ပိုးမွှားရောဂါကင်းသော ချင်းများကိုသာ မျိုးအဖြစ် အသုံးပြုရမည်။ မျိုးရွေးချယ်ရာတွင် မျိုးသန့်တစ်မျိုးတည်းကိုသာ ရွေးချယ်ရန် သတိပြုရမည်။
ရွေးချယ်ထားသော ချင်းမျိုးတက်များကို ၄ ကျပ်သားမှ ၇ ကျပ်သား အရွယ်အစားရအောင် ပိုင်းဖြတ်ပေးရမည်။ ချင်းမျိုးတက်တစ်ခုခြင်းစီ၌ ကောင်းမွန်စွာဖွံ့ဖြိုးသော မျက်စိ ၂ ခု မှ ၄ ခု ပါရမည်။
ချင်းတက်များကို နောက်တရာသီအတွက်မျိုးချန်မည်ဆိုလျှင် ခြောက်သွေ့သန့်ရှင်းသောနေရာ၌ သိုလှောင်ထားရန် လိုအပ်သည်။
ကျန်းမာသော ချင်းမျိုးတက်များကို ဂရုတစိုက်ပြင်ဆင်ခြင်းဖြင့် ချင်းရောဂါကျရောက်မှုအန္တရာယ်ကို ၈၀ % သက်သာစေသည်။ ထို့ကြောင့် ချင်းမျိုးတက်များကို ပိုင်းဖြတ်ရာတွင် စနစ်တကျ ပိုးသန့်ရန်လိုအပ်သည်။
ပိုးသန့်ရန်အတွက် ကလိုရင်းအရည် ၁ ဆ နှင့် ရေ ၁၀ ဆ ကိုရောစပ်ပါ။ (ကလိုရင်းပါဝင်သော အိမ်သုံးအဝတ် အစွန်းချွတ်ဆေးကိုလည်း အသုံးပြုနိုင်သည်။)
ချင်းမျိုးတက်ပိုင်းဖြတ်ရာတွင် ကလိုရင်းဆေးရေတွင်စိမ်ကာ ပိုးသန့်စင်ထားသောဓားကိုသာ အသုံးပြုရမည်။
ထိုဓားဖြင့် ချင်းတက်များကို မျက်စိ ၂ ခုမှ ၄ ခု ပါသော ၄ ကျပ်သားမှ ၇ ကျပ်သား အရွယ်ရှိသည့် မျိုးတက်များဖြစ်အောင် ပိုင်းဖြတ်ရမည်။
ပိုင်းဖြတ်ထားသော ချင်းမျိုးတက်များ၏ ဖြတ်ထားသောနေရာကို ပိုးသတ်ရန်အတွက် ရောစပ်ထားသော ကလိုရင်းဖျော်ရည်တွင် ခဏစိမ်ပေးရမည်။
စိမ်ပြီးသော ချင်းမျိုးတက်များ၏ ဖြတ်ထားသောဒဏ်ရာခြောက်သွေ့စေရန် မစိုက်ပျိုးမီ အေး၍ခြောက်သွေ့သန့်ရှင်းသောနေရာ၌ အနည်းဆုံး ၃ ရက်မှ ၅ ရက်ခန့်ဖြန့်ထားပြီးနောက် ဒဏ်ရာခြောက်သွေ့သွားပါက စိုက်ပျိုးနိုင်သည်။

ချင်းမျိုးတက်များကို အီးအမ်ဖျော်ရည်တွင်စိမ်ခြင်းသည် အပင်ပေါက်နှုန်းနှင့် အပင်ကြီးထွားနှုန်းကို ကောင်း မွန်စေကာ ရောဂါကျရောက်မှုများကို ကာကွယ်ပေးနိုင်သည်။ ချင်းမျိုးတက်စိမ်ရန်အတွက် အီးအမ်ဖျော်ရည်ပြင်ဆင်ခြင်းကို အောက်တွင် အသေးစိတ်ဖော်ပြထားပါသည်။

ချင်း (ဂျင်း) မျိုးတက်စိမ်ရန် အီးအမ်ဖျော်ရည်ပြင်ဆင်နည်း အဆင့်ဆင့်

ပါဝင်ပစ္စည်းများ

၁။ အီးအမ် (၅) ဆ
၂။ တင်လဲရည် (သို့) ကြံသကာရည် (၅) ဆ
၃။ ရေသန့် (၉၀) ဆ

ဖျော်စပ်ပုံ အဆင့်ဆင့်

ပါဝင်ပစ္စည်းများကို သမအောင်ရောနှောပါ။
သမအောင်ရောနှောပြီးပါက အလုံပိတ်ဘူးထဲသို့ ထည့်ပါ။
အချဉ်ဖောက်နေစဉ်တွင် လေထုတ်ရန် ဘူးအဖုံးကို ဖွင့်၍ ပြန်ပိတ်ပါ။
ဖျော်စပ်ပြီး ၇ ရက်မှ ၁၀ ရက် ထားပြီးလျှင် စတင်အသုံးပြုနိုင်သည်။
ချင်း (ဂျင်း) မျိုးတက်များကို အီးအမ်ဖျော်ရည်ထဲတွင် မိနစ် (၃၀) ခန့်စိမ်ပြီးမှ စိုက်ပျိုးရမည်။

(Myanseed Agri Business Consultancy မှ ထုတ်ဝေသည့် ' ချင်း (ဂျင်း) စိုက်ပျိုးထုတ်လုပ်မှုဆိုင်ရာ နည်းလမ်းကောင်းများ' စာအုပ်မှ ကူးယူဖော်ပြခြင်းဖြစ်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ချင်း(ဂျင်း)မျိုးတက်ရွေးချယ်နည်းနှင့် မျိုးတက်စိမ်ရန် အီးအမ်ဖျော်ရည်ပြင်ဆင်နည်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ချင်း(ဂျင်း)မျိုးတက်ရွေးချယ်နည်းနှင့် မျိုးတက်စိမ်ရန် အီးအမ်ဖျော်ရည်ပြင်ဆင်နည်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

စပါးစိုက်ပျိုးနည်း (တောင်သူလက်စွဲ- ဦးဘဟိန်း) (၃) - ပျိုးထောင်ခြင်း

စံပယ်ပန်းစိုက်ပျိုးနည်း

Cattleya orchid စိုက်ပျိုး ပြုစုနည်း

{{ post.title }}