တချိန်လုံးကိုယ့်အပေါ် စိတ်ဖိစိးနေတဲ့ အကြွေးတွေကို စနစ်တကျ ဘယ်လိုဖြေရှင်းကြမလဲ။

04/12/2020 20:45 PM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Mother Finance Mother Finance မှ ပေးပို့ထားပါသည်။

        မြန်မာပြည်သူ အတော်များများဟာ အကြွေးနဲ့ မကင်းကြဘူးလို့ ပြောရင် စိတ်ဆိုးကောင်းဆိုးနိုင်ပေမယ့် ဒါဟာ အမှန်တရား ဖြစ်ပါတယ်။ သူဌေးလည်း သူဌေးမို့လို့ သူ့လုပ်ငန်းအတွက် ငွေချေးဆွဲသုံးထားတာ၊ ဝန်ထမ်းလည်း ဝန်ထမ်းအလျောက် လိုချင်တဲ့ ဖုန်း၊ လက်တော့ပ် စတာလေးတွေအတွက်၊ ဝင်ငွေနည်းလူတန်းစားကလည်း နေ့စဉ်စားဝတ်နေရေးအတွက် ချေးရ ငှားရ လှည့်ရ ဆွဲရနဲ့ လည်နေတာပါပဲ။ အရင်က ရွှေတိုး၊ ငွေတိုး၊ အမိန့်ရအပေါင်ဆိုင်၊ သူငယ်ချင်းအသိမိတ်ဆွေနဲ့ ဘဏ်တွေဆီကပဲ ငွေချေးကြတာ ရှိခဲ့ပေမယ့် နောက်ပိုင်းနှစ်တွေမှာတော့ အသေးစားချေးငွေလုပ်ငန်းတွေ အကြွေးဝယ်ကဒ်တွေ အရစ်ကျအိမ်ကားဆိုင်ကယ် အရစ်ကျဝယ်ရောင်းပေးတာတွေ ရှိလာတဲ့အတွက် ချေးကြ၊ ငှားကြ၊ အတိုးနဲ့ ဝယ်ကြ၊ ပြုကြတာတွေလည်း ပိုများလာပါတယ်။

        လိုချင်လို့၊ လိုအပ်လို့ ဝယ်တုန်း၊ ဆွဲတုန်း၊ သုံးတုန်း၊ စားတုန်းကတော့ ပြုံးပျော်ခဲ့ပေမယ့် အတိုးတွေ တက်တဲ့အခါ စိတ်ညစ်ရတတ်ပါတယ်။ တချို့ဝန်ထမ်းတွေဆိုရင် လစာထုတ်လို့ အကြွေးဆပ်တဲ့အခါ သားရေကွင်းပဲ ကျန်တော့တယ်လို့တောင် နောက်ပြောင်ပြောတတ်ကြပါတယ်။ လမကုန်ခင်ငွေအရင်ကုန် ဒါနဲ့ပဲ နောက်လသုံးဖို့ကျ ချေးငှားရ၊ ပြန်ပြီး အဆိုးကျော့သံသရာလည်ပြန်ပါလေရော။ အခု ကပ်ရောဂါဖြစ်တဲ့အခါ လစာတွေရော့ အလုပ်တွေပိတ် ဝင်ငွေမရတာတွေပေါ်လာတယ် အရင်က လစဉ်ပုံမှန်အဝင်အထွက်နဲ့လည်ပတ်နေသူတွေတောင် ငွေဝင်တာနည်းလာတော့ အရစ်ကျအကြွေးတွေတောင်ဝိုင်းလည်ပုံကျဖြစ်ကုန်တယ်။ ဒါကြောင့် ဒီလို တချိန်လုံး ဖိစီးနေတဲ့ အကြွေးတွေကို ဘယ်လိုဆပ်လို့ရမလဲဆိုတဲ့ ငွေကြေးပိုင်းဆိုင်ရာ အကြံဉာဏ်တွေကို ပြန်လည် ဝေမျှပေးချင်ပါတယ်။

🌿ပထမဆုံးအလုပ်ကတော့အကြွေးတွေကို တစ်ခုချင်းစာရင်းလုပ်ဖို့ပါပဲ။

        စနေဖြစ်ဖြစ်၊ တနင်္ဂနွေဖြစ်ဖြစ် မနက်ပိုင်းမှာ အေးဆေး စာအုပ်တစ်အုပ်နဲ့ ကြွေးမြီစာရင်းလုပ်ဖို့ ဖြစ်ပါတယ်။ အရင်ဆုံးရှိသမျှပေးရမယ့်အကြွေးစာရင်းကို ချရေးပါ။ သူငယ်ချင်းဆီက ချေးထားတဲ့ အကြွေး ဆိုင်ကယ်အိမ်ကားဖုန်းအရစ်ကျကြွေးမြီကို ပြန်သွင်းရမယ့် ငွေစတာတွေပေါ့။ ပြီးရင်တော့ ကြွေးမြီတစ်ခုစီကို အသေးစိတ်ပြန်ဖြန့်ပါ၊ ဒီလို ဖြန့်တဲ့ အခါမှာ ဒီအချက် (၄) ချက်ကိုပါ ရေးသွင်းရမှာလည်း ဖြစ်ပါတယ်။ ကြွေးမြီခေါင်းစဉ်၊ အတိုးနှုန်း၊ တစ်လ ဘယ်လောက်ပြန်ဆပ်ရမယ်နဲ့ လတိုင်း ဘယ်အချိန်ပြန်ဆပ်ရမယ်ဆိုတာကိုပါ ရေးမှတ်ထားဖို့ လိုပါတယ်။ ဒါဆိုရင် ဘယ်အကြွေးကို အရင်ဆုံးရှင်းသင့်လဲဆိုတာသေချာသိသွားမှာ ဖြစ်ပါတယ်။

🌿အကြွေးဆပ်ဖို့ အစီအစဉ်မချခင် သေချာစဉ်းစားဆုံးဖြတ်ပါ။

       ခုနလို အကြွေးတွေ အားလုံးသေသေချာချာ မြင်ပြီးပြီဆိုရင်တော့အကြွေးဆပ်ဖို့ အစီအစဉ်ချရပါတော့မယ်။ မချခင် အရင်ဆုံးစဉ်းစားမယ့် အရာတွေ ရှိနေပါသေးတယ်။ အရင်ဆုံး ဘယ်အစီအစဉ်က အလုပ် ဖြစ်မလဲဆိုတာ လက်တွေ့ကျကျစဉ်းစားရပါမယ်။ ဘာဖြစ်လို့လဲဆိုတော့  အစီအစဉ်ချပြီးရင် မပျက်ချင်ဘူးမလား၊ အကြွေးဆပ်တဲ့ လုပ်ငန်းစဉ်ဆိုတာ ၁နှစ်၊ ၂ နှစ် ဒါမှမဟုတ် နှစ်ပေါင်းအကြာကြီး အချိန်ယူရမှာဆိုတော့ လက်တွေ့ကျကျစဉ်းစားမှ အစီအစဉ်မပျက်မှာ ဖြစ်ပါတယ်။ အရေးအကြီးဆုံးတစ်ခုကတော့ လက်မလျှော့ဖို့ပါပဲ။ အကြွေး ဆပ်ရတာ နေထိုင်ရ ကျပ်တည်းတယ်ဆိုပြီး ဆပ်တလှည့်၊ မဆပ်တလှည့်လုပ်နေရင် ဘဝကပိုအဖြစ်ဆိုးလာမှာပါ။

🌿အကြွေးဆပ်နေတဲ့အချိန်မှာ နေထိုင်မှုပုံစံပြောင်းပါ။

        အကြွေးဆပ်နေတဲ့အချိန်မှာ အပျော်အပါးလျှော့ပါ၊ မလိုတာတွေ သုံးစွဲပစ်တာ လျှော့ပါ၊ ဒီလို လျှော့လို့ စိတ်ညစ်နေရပြီဆိုရင် ခေါင်းထဲမှာ တစ်ခုမှတ်ထားပါ။ ဒီလို အသုံးအစွဲတွေ လျှော့ရတာ ယာယီခဏလေးပါပဲ။ ယာယီအနေနဲ့ ကိုယ့်ရဲ့ နေထိုင်မှုပုံစံကို ပြောင်းလဲပစ်ရမှာ ဖြစ်ပါတယ်။ ဒီအချိန်ခဏလေးကို သည်းခံလိုက်ရင် စိတ်ဖိစီးနေတာတွေအဆင်ပြေသွားမှာဆိုတာလည်း ခေါင်းထဲ ထည့်ထားရမှာ ဖြစ်ပါတယ်။

🌿အကြွေးတွေကို အချိန်မီသတိကတိရှိရှိဆပ်ပါ။

        အသိမိတ်ဆွေ၊ သူငယ်ချင်းဆီက ယူထားတဲ့အကြွေးတွေထက် တရားဝင်ချေးငွေလိုင်စင်ရရှိထားတဲ့နေရာကယူထားတဲ့ ငွေပမာဏတွေက ဥပဒေအရစာချုပ်ဘောင်ဝင်တဲ့အတွက် ကိုယ့်နံမည်အသိုင်းအဝိုင်းတွေကို ထိခိုက်စေနိုင်ပါတယ်။ တရားစွဲခံထိ နိုင်ပါတယ်။ သက်ဆိုင်ရာရဲရှေ့နေတရားရုံးတွေနဲ့ပတ်သက်ရနိုင်တဲ့အတွက် သင်ရှောင်ရှားလို့ မရပါဘူး။ အမှုဖွင့်ခံရရင်ငွေစရိတ် ပိုကုန်ကျပါလိမ့်မယ်။ တိကျစွာအမြန်ရှင်းပါ။ မဟုက်ရင်ဒီအမည်းစက်က ကိုယ့်နောက်ကိုအမြဲလိုက်ပါလာလိမ့်မယ်။ အဲလို အရစ်ကျယူထားတဲ့ ကြွေးမြီအကြွေးတွေက တစ်ရက်နောက်ကျရင် နောက်ကျကြေးတွေ ရှိတတ်ပါတယ်။ နောက်ကျကြေးတွေ ထပ်တက်ပြီး ဖိစီးမှုတွေ မရှိစေဖို့ အကြွေးတွေကို ဘယ်လိုပဲ ဖြစ်ဖြစ် အချိန်မီဆပ်ဖို့ လိုပါတယ်။

🌿အတိုးအများဆုံး အကြွေးကို အရင်ဆပ်မလား၊ အနည်းဆုံး အကြွေးကို အရင်ဆပ်မလား။

        ဒီအပေါ်မှာတော့ အကြံပေးချက်အမျိုးမျိုးရှိပါတယ်။ တချို့ကအများဆုံးအကြွေးကို အရင်ဆပ်ပြီး စိတ်ထဲ အလုံးကြီးကျသွားတာကို အားပေးသလို  အနည်းဆုံးကစဆပ်ပြီး စိတ်အားယူတာမျိုးကို အားပေးကြတာ ရှိပါတယ်။ ဒါမယ့် ကိုယ်နဲ့ ကိုက်တာပဲ ကိုယ်လုပ်ပါ၊ အနည်းဖြစ်ဖြစ်၊ အများဖြစ်ဖြစ်ရွေးပြီး ဆပ်သာ ဆပ်ပါ။ ဘယ်နည်းနဲ့ ဆပ်ဆပ်အကြွေးလျော့သွားတာကို မြင်ရတာ စိတ်ချမ်းသာစရာပါပဲ။

🌿အကြွေးမြန်မြန်ကျေဖို့ဆိုရင် ပေးရမယ့် ငွေပမာဏထက် ပိုဆပ်ဖို့ ကြိုးစားရန်လိုပါတယ်။ 

        ဒါကတော့ ရိုးရှင်းပါတယ်။ အကြွေးတွေ မြန်မြန်ကျေဖို့ဆိုရင် ဆပ်ဖို့ သတ် မှတ်ထားတဲ့ အနည်းဆုံး ပမာဏထက် ပိုဆပ်မှ ဖြစ်ပါလိမ့်မယ်။ ဘယ်လောက်ပိုဆပ်ရမလဲဆိုတာတော့ လူတစ်ယောက်ချင်းစီအပေါ်မူတည်သလို ဘယ်လမှာ များများဆပ်နိုင်မယ်၊ ဘယ်လကတော့ ပုံမှန်ပဲ ဆပ်နိုင်မယ်ဆိုတဲ့ အချိန်ပေါ်မှာလည်း မူတည်ပါတယ်။ အကြွေးမြန်မြန်ကျေဖို့ဆိုရင် အနည်းဆုံး သတ်မှတ်ထားတဲ့ ငွေပမာဏထက် နှစ်ဆဆပ်သင့်တယ်လို့ ဆိုပါတယ်။ ဒီအကြံပေးချက်ဟာ အကြွေးပမာဏနည်းရင် အဆင်ပြေနိုင်ပေမယ့် များရင်တော့ ခက်ခဲနိုင်တာမို့ ကိုယ့်အတိုင်းအဆနဲ့ကိုယ် ချင့်ချိန်ပြီး ဆပ်ပါလို့ ပြောချင်ပါတယ်။

🌿ပိုက်ဆံအပိုလေးများရှိရင် အကြွေးဆပ်ဖို့ သုံးပါ။

        အမွေပဲရရ၊ မုန့်ဖိုးပဲရရ၊ ရုံးကပဲရရ၊ ငွေပိုလေးများရှိပြီဆိုရင် အကြွေးဆပ်ဖို့အထဲ မျက်စိမှိတ်ပြီးသာ ထည့်လိုက်ပါ။ ဒါမှပဲ ကိုယ့်အပေါ်ဖိစီးနေတဲ့ အကြွေးနွံထဲကနေ မြန်မြန်လွတ်မှာမို့ ဒီလောက်တော့ စိတ်ဆုံးဖြတ်နိုင်ရပါမယ်။

        အကြွေးဖိစီးနေတဲ့သူတွေအဖို့ နောက်ဆုံး အမြဲနှလုံးသွင်းရမယ့်အချက်ကတော့ အကြွေးကျေရေးသည် ပထမ၊ အကြွေးကျေရေးသည် ဒုတိယ၊ အကြွေးကျေရေးသည်သာ တတိယလို့ စိတ်ထဲစွဲပြီး ကိုယ်ချထားတဲ့ အစီအစဉ်ကို စွဲစွဲမြဲမြဲလုပ်ဆောင်ဖို့ပဲ ဖြစ်ပါတယ်။ မလိုအပ်ရင် အကြွေးနဲ့ကင်းစွာနေထိုင်နိုင်တာကအခုလိုမသေချာမရေမရာအချိန်မှာအကောင်းဆုံးပါ။ အားလုံးပဲ အဆင်ပြေကြပါစေ။

Mother Finance

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

 

 


PROBIO ကြော်ငြာ
ကြက်/ဝက် မွေးမြူရေးလုပ်ငန်းတွေမှာ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) များအစား၊ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) များကို ဘာကြောင့်အစားထိုး အသုံးပြုသင့်တာလဲ။ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) ဆိုတာကတော့ လူ၊ တိရစ္ဆာန်တွေမှာကပ်တွယ်ပြီး ကျန်းမာရေးကို အန္တရာယ်ပြုနိုင်တဲ့ အဏုဇီဝပိုးမွှားတွေကို ကြီးထွားပြန့်ပွားမှု့လျော့ကျအောင် ရှင်းလင်းသုတ်သင်ပေးတဲ့ ဆေးတစ်မျိုးဖြစ်ပြီး အထူးသဖြင့် မွေးမြူရေးကဏ္ဍမှာ ၇၀-၈၀% အထိ အသုံးပြုလျက်ရှိကြပါတယ်။ ကြက်မွေးမြူရေးကဏ္ဍမှာဆိုရင် အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေဟာ ကြက်တွေမှာဖြစ်ပွားတတ်တဲ့ အသက်ရှုလမ်းကြောင်းရောဂါ၊ အူလမ်းကြောင်းရောဂါ၊ အခြားသောဘက်တီးရီးယားများကြောင့်ဖြစ်တဲ့ ရောဂါတွေကိုကုသရာမှာ အလွန်ထိရောက်ပါတယ်။ သို့သော်ငြားလည်း ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေကိုအသုံးပြုတဲ့အခါ ဆေးမတိုးတော့တဲ့ အန္တရာယ်ရှိ အဏုဇီဝပိုးမွှားဗီဇပေါ်ထွက်လာနိုင်ပြီး ထိုမှတဆင့် အရေအတွက်အများအပြားအဖြစ်သို့ ပြန်လည်ပွားများလာကာ ပဋိဇီဝဆေးဆေးယဉ်ပါးမှု (𝐀𝐌𝐑) ကိုဦးတည်နိုင်စေပါတယ်။ ဒီနေရာမှာ အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေအစား အစားထိုးအသုံးပြုသင့်တဲ့ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) အကြောင်းကို ထပ်မံအကြံပြုဝေမျှပေးပါရစေ။ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ဆိုတာကတော့ မွေးမြူရေးတိရစ္ဆာန်တွေ ကျန်းမာရေးကောင်းမွန်စေဖို့အတွက် ရည်ရွယ်ပြီးထုတ်လုပ်ထားတဲ့ အကျိုးပြု အဏုဇီဝပိုးမွှားများဖြင့် ထုတ်လုပ်ထားတဲ့ဆေး (တနည်းအားဖြင့်) အစာ လို့လည်းဆိုနိုင်ပါတယ်။ ၂၀၀၂ ခုနစ်မှာ 𝐖𝐇𝐎 နဲ့ 𝐅𝐀𝐎 ကနေပြီးတော့မှ ပရိုဘိုင်အိုတစ်ဆိုတာ သက်ရှိအဏုဇီပိုးတွေပါဝင်သောဆေးဖြစ်ပြီး လုံလောက်တဲ့ ပမာဏ အထိ တိုက်ကျွေးမယ်ဆိုရင် ပဋိဇီဝဆေးတိုက်ကျွေးစရာမလိုပဲ မွေးမြူရေးတိရစ္ဆာန်တွေရဲ့ ကျန်းမာရေးကို ကောင်းမွန်စေကြောင်း အကြံပြုထားတာတွေရှိပါတယ်။ ဒါကြောင့် မွေးမြူရေးလုပ်ငန်းတွေမှာ အဆိုပါ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ကို ပဋိဇီဝဆေးဝါးများအစား၊ အစားထိုးအသုံးပြုခြင်းက အန္တရာယ်ရှိအဏုဇီဝပိုးမွှားတွေရဲ့ ဆေးယဉ်ပါးမှု (𝐀𝐌𝐑) ဖြစ်ပွားနိုင်ချေ ရာခိုင်နှုန်းကိုလျော့ချနိုင်ပြီး မွေးမြူရေးတိရစ္ဆာန်တွေရဲ့ဇီဝကမ္မဖြစ်စဉ်များကို အနှောက်အယှက်ပြုခြင်းမှ ကာကွယ်နိုင်မှာဖြစ်ပါတယ်။ "စာရေးသားသူဒေါက်တာညွန့်ရွှေ (မွေးမြူ/ဆေးကု) " Myanmar Innovative Life Sciences Co., Ltd မှ ထုတ်လုပ်ဖြန့်ချိပြီး မြန်မာ 𝐅𝐃𝐀 ၏ ခွင့်ပြုချက်လိုင်စင်နဲ့အညီ ပြည်တွင်း၌ထုတ်လုပ်ကာ မြန်မာနိုင်ငံမွေးမြူရေးလုပ်ငန်းရှင်များကို အဆင်သင့်ကူညီပေးမယ့် အရည်အသွေးမြင့် အစာလမ်းကြောင်းအားဖြည့်ဆေး PROBIO က အသင့်ရှိနေပါတယ်။ အခုပဲဒီလင့်မှာ ပြည့်စုံစွာဖောင်ဖြည့်ပြီးဆက်သွယ်လိုက်ပါ- https://tinyurl.com/MILS-PROBIO 𝐏𝐑𝐎𝐁𝐈𝐎 မှ မွေးမြူရေးဆိုင်ရာကျွမ်းကျင်ဝန်ထမ်းတွေကနေ တိုက်ရိုက်ဆက်သွယ်ပြီး အကူအညီပေးမှာဖြစ်ပါတယ်။ 𝐏𝐑𝐎𝐁𝐈𝐎 ဖြန့်ချိရေးနှင့်ကိုယ်စားလှယ်ယူလိုသူများ တိုက်ရိုက်ဆက်သွယ်ရန်ရုံးချုပ်လိပ်စာ- အမှတ် (၁၆၅)၊ အောင်ဇေယျလမ်းသွယ် (၁) ၊ သီရိမင်္ဂလာလမ်း၊ အင်းစိန်မြို့နယ်၊ ရန်ကုန်မြို့။ Hotline: 09 263 709 553, 09 267 287 608, Email: [email protected] #MILS #PROBIO
Read more မွေးမြူရေး အကူအညီရယူရန် နှိပ်ပါ

ဆွေးနွေးချက်များ

ဆွေးနွေးရန်