တစ်နေ့ငါးရာ မသိသာဘူးဆိုပေမယ့်...

ကျန်းမာရေးဆိုတာ ရာသီအကူးအပြောင်းမှာ၊ ကူးစက်ရောဂါတွေ ဖြစ်နေတဲ့အချိန်မှာ ဒါမဟုတ် မတော်တဆဆိုတဲ့အရာကြီးနဲ့ ကြုံလာတဲ့အခါ မရင်ဆိုင်လို့နေမရတဲ့ အခြေနေဆိုးတစ်ခုပါ။ ကျန်းမာရေးနဲ့ပတ်သက်ပြီး ဒေါ်မြမြရဲ့ သားလေးတစ်ယောက် ရာသီအကူးပြောင်းမှာ သွေးလွန်တုပ်ကွေးဖြစ်ပြီး ဆေးရုံတက်လိုက်ရပါတယ်။

သာမန်သမရိုးကျ ဆင်းရဲသားမိသားစုအတွက်ဆို နယ်ကနေ ဆေးရုံတက်ပြီး ကုဖို့ဆိုတာ ကုန်ကျစရိတ်မတက်နိုင်တာမို့ အခက်တွေ့မယ့်အခြေအနေပါ။ ဒါပေမယ့် ဒေါ်မြမြတစ်ယောက်တော့ ဆင်းရဲသားမိသားစုပေမယ့် ငွေကြေးပိုင်းအခက်အခဲကို ဖြေရှင်းကျော်လွှားနိုင်ခဲ့ပါတယ်။

သားလေးအတွက် ဆေးကုသခဲ့ရတဲ့ စုစုပေါင်းကုန်ကျစရိတ် ပိုက်ဆံ (၇၀,၀၀၀) ကို ပြီးခဲ့တဲ့ နွေရာသီမှာ အအေးဆိုင်လေး ရောင်းကောင်းတုန်းက တစ်ရက်ကို ၅၀၀ နဲ့ စုခဲ့တာ ၄ လအကြာမှာ စုစုပေါင်း ၆ သောင်းလောက် စုထားနိုင်ခဲ့ပါတယ် (၅၀၀ ကျပ် x ၁၂၀ ရက်)။ တစ်ရက်ကို ငါးရာ မများပေမယ့် ရက်ကြာလာတော့ မနည်းတဲ့ ငွေပမာဏတစ်ခုကို စုထားနိုင်ခဲ့ပါတယ်။ အရေးကြုံလာတဲ့အခါမှာ သူများဆီက ချေးငှားပြီး အတိုးပြန်ဆပ်ရတဲ့ ဒုက္ခက သေးတာမဟုတ်ပါဘူး။ ဒီကြားတဲ့ ချေးတဲ့သူက အပေါက်ဆိုးရင် အဆဲတွေပါလာတတ်သေးတယ်။

ဒီတော့ ဒေါ်မြမြရဲ့ နည်းစနစ်ကို လူနာလာမေးတဲ့ အမျိုးတွေကို ပြောပြလိုက်တော့ အချို့လည်း သူ့နည်းအတိုင်းပဲ တစ်ရက်ကို ၅၀၀ နှုန်းနဲ့ စုနေကြပါပြီ။ ကျန်းမာရေးအတွက် စုတဲ့ပိုက်ဆံကို အချို့က သက်စောင့်ပိုက်ဆံလို့လည်း ခေါ်ကြပါသေးတယ်။ ကံကြောင်းမလှရင် မလွှဲမရှောင်သာ ကြုံတတ်တာမို့ သက်စောင့်ပိုက်ဆံလေး စုထားသင့်ပါတယ်။

ကဲ ကျွန်တော်တို့ တောင်သူတွေရော...

Source - Mango Magazine

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။