ဆန်တွေကို ပိုးမတက်အောင် ဘယ်လိုထားမလဲ

အိမ်တွေမှာ ဆန်တွေဝယ်ထားတာကြာလာရင် ပိုးကောင်တွေတက်တာ၊ ဆန်တွေမည်းလာတာမျိုးတွေ ကြုံဖူးကြမှာပါ။

ဒီရန်တွေကနေ ဘယ်လိုကာကွယ်မလဲဆိုတဲ့အချက်က ၅ ချက်ပဲ ရှိပါတယ်။ ရိုးရှင်းပြီး လွယ်ကူပါတယ်။

၁။ နေရောင်ခံပေးပါ။

သင့်ဆန်တွေမှာ အဖြူ ဒါမှမဟုတ် အနက်ရောင်ပိုးလေးတွေ အများကြီး တက်နေပြီဆိုရင်တော့ နေရောင်ထဲမှာ ၃-၄နာရီလောက် ထားပေးပါ။ အပူက ပိုးတွေကို သေစေနိုင်ပါတယ်။ ဒါမှမဟုတ် ဆန်ထဲကနေ ထွက်သွားတတ်ကြပါတယ်။ တချို့ကတော့ ချက်ခါနီးမှ လင်ဗန်းထဲ ထည့်ပြီး နေပြတတ်ကြပါတယ်။ ပိုးကောင် အနည်းအများပေါ်မူတည်ပြီး နေပြမယ့်အချိန်ကို အတိုးလျော့လုပ်လို့ ရပါတယ်။

၂။ ငရုတ်သီးခြောက် ထည့်ထားပါ။

လေလုံတဲ့ပုံးတွေထဲ ထည့်ထားမယ်ဆိုရင်တော့ ငရုတ်သီးအနီခြောက်တချို့ကိုပါ ရောပြီးထည့်ထားပေးပါ။ ငရုတ်သီးရဲ့အနံ့ကို ပိုးမွှားတွေက မကြိုက်ပါဘူး။ ငရုတ်သီးလိုပဲ ငရုတ်ကောင်းစေ့ (သို့) လေးညှင်းပွင့်လေးတွေ ထည့်ထားလို့ရပါတယ်။

၃။ တမာရွက် ထည့်ပေးပါ။

ဒါ့အပြင် တမာရွက်လေး အုပ်ထားပေးလို့လည်း ရပါတယ်။ ပိုးမွှားတွေက တမာရွက်ရှိတဲ့ နေရာ မလာတတ်ပါဘူး။ တချို့ဆိုရင် အင်္ကျီတွေသိမ်းတဲ့ နေရာတွေမှာတောင် ထားတတ်ကြပါပါတယ်။

၄။ သိမ်းတဲ့နေရာ မှန်ပါစေ။

ဆန်အိတ် ဒါမှမဟုတ် ဆန်ပုံးတွေကို ထားမယ်ဆိုရင် နေရောင်တိုက်ရိုက်ရမယ့် နေရာတွေကို ရှောင်ပါ။ မှောင်ပြီး ခြောက်သွေ့တဲ့နေရာမှာ ထားပါ။ စိုစွတ်နေတဲ့နေရာမျိုးတွေ ရှောင်ပါ။ စိုစွတ်တဲ့နေရာတွေဟာ ဆန်တွေကို ပျက်စီးစေသလို ပိုးမွှားတွေကိုလည်း ရှင်သန်စေပါတယ်။

၅။ ဆန်ထည့်မယ့် ပစ္စည်း

ဆန်ထည့်တဲ့အခါ အရည်အသွေးကောင်းတဲ့ ပလတ်စတစ်ပုံးတွေဟာ အသင့်တော်ဆုံးပါပဲ။ လုံအောင်ပိတ်ထားလို့ ရသလို လေလည်းလုံစေပါတယ်။

MyFood Myanmar Website မှ ကူးယူဖော်ပြပါသည်။

Credit: asianinspirations.com.au

( ယခုဆောင်းပါးက ဦးကြီးတို့အတွက် အကျိုးတစ်စုံတရာဖြစ်ထွန်းမှု ရှိ /မရှိ ပေါ်မူတည်ပြီး အောက်မှာဖော်ပြပေးထားတဲ့ "အသုံးဝင်ပါတယ်"  "အသုံးမဝင်ပါ" ဆိုတဲ့ စာတန်းလေးကို ရွေးချယ်နှိပ်ပေးဖို့ တောင်းဆိုပါရစေရှင့် )