pHမီတာ အသုံးပြုနည်း

မြေကြီးအစိုဓာတ်တိုင်းကိရိယာ အသုံးပြုပုံ

အစိုဓာတ်တိုင်းမည်ဆိုပါက ကိရိယာ၏ အီလက်ထရုတ် ၂ ချောင်းအပေါ်နားတွင် ရှိသော ခလုတ်အမဲလေးအား “MOIST” ဟူသော စာတန်းလေးဘက်သို့ ရွှေ့ပါ။ မိမိတိုင်းလိုသည့် မြေကြီး၊ အိုး စသည်တို့အထဲသို့ ၃ စင်တီမီတာမှ ၁၅ စင်တီမီတာလောက်အထိနစ်မြုစ်အောင် ထိုးထည့်ပါ။

ပိုမိုတိကျသောအဖြေရရန် ၁၅ စင်တီမီတာ( တိုင်းတာသည့်အီလက်ထရုတ်အချောင်း၏ ၄ ပုံ ၃ ပုံ)အထိ ရောက်အောင် ထည့်သင့်ပါသည်။

ဒိုင်ခွက်ထဲမှ မြှားတံငြိမ်သွားသည့်နေရာလေးအား(၁မှ ၁၀ ထိရေးထားသည့်နေရာလေး)ကို ကြည့်ရမည်ဖြစ်ပါသည်။

အနီရောင်( ၁-၃) အတွင်းရှိပါက ရေကြိုက်သောအပင်ဖြစ်ပါက ရေလိုပါသည်။ ရေသိပ်မကြိုက်သောအပင်ဖြစ်ပါက မလောင်းလဲရသေးသည့်အခြေအနေဖြစ်ပါသည်။

အစိမ်းရောင်(၃-၈)အတွင်းရှိပါက ရေပုံမှန်လောင်းရန်လိုအပ်သောအခြေအနေဖြစ်ပါသည်။

အပြာရောင်(၈-၁၀) ရေမလိုအပ်ပါ။

အလင်းတိုင်းနည်း

အလင်းတိုင်းရန် အမဲရောင်ခလုတ်လေးအား အလည်တည့်တည့်တွင်ထားပါ။

ကိရိယာကို အလင်းလာရာဘက်သို့ မျက်နှာမူပြီး အပင်၏ အနီးအနားတွင်စိုက်ပါ။

ဒိုင်ခွက်၏အပေါ်ဆုံးအတန်းသည် အပင်မှ အလင်းရရှိမှုပမာဏကို ဖော်ပြခြင်းဖြစ်ပါသည်။

မြေချဉ်ငံတိုင်းနည်း

မြေချဉ်ငံတိုင်းရန် အမဲရောင် ခလုတ်လေးအား pH ဟူသော ဘက်သို့ရွှေ့ပါ။

စမ်းသပ်လိုသော မြေကြီးတွင် ကျောက်ခဲများ ၊မှန်ကွဲစများ၊ အမှိုက်များမရှိအောင် ထားပါ။

ကိရိယာ၏ တိုင်းတာသည့် တုတ်တံ ၂ ခုအား သန့်ရှင်းခြောက်သွေ့စေရန် အဝတ်နုနုဖြင့်သန့်စင်ပါ။

ထို့နောက် တိုင်းတာလိုသည့် မြေထဲသို့ စိုက်ကာ တိုင်းတာနိုင်ပါသည်။

မှတ်ချက် ။ တိုင်းတာမည့်မြေသည် ကိရိယာထိုးသွင်းရန် မာကျောနေပါက အနည်းငယ်စိုစွတ်အောင် ကြိုတင်ပြုလုပ်ထားပါ။

တိကျသည့်အဖြေရရန် တိုင်းတာသည့် တုတ်တံ ၏၄ပုံ ၃ ပုံအထိရောက်အောင် ထည့်သွင်းသင့်ပါသည်။ ဤသို့လုပ်ဆောင်ပြီး တစ်မိနစ်ကြာမှ အဖြေကို ဖတ်ပါ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

pHမီတာ အသုံးပြုနည်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

pHမီတာ အသုံးပြုနည်း

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

လယ်ယာအလုပ်သမား စျေးကွက်အခြေအနေနဲ့ ဌားရမ်းခ စျေးနှုန်းများ ကို တောင်သူဉီးကြီးများ ဘယ်လို သိရှိနိုင်မလဲ.....

နဂါးမောက်သီးမတင်ရတဲ့ အကြောင်းအရင်း

နာမည်လေးတွေ………….

{{ post.title }}