နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း နည်းပညာမိတ်ဖက်အဖွဲ့များ

အားလုံးကြည့်ရန် လယ်ယာသုံးစက်ပစ္စည်း 11 မြေဆီလွှာ 165 အပင်အာဟာရ 297 စိုက်ပျိုးနည်း 396 ပိုးမွှားရောဂါ 445 စိုက်ပျိုးစီးပွား 54 ခေတ်သစ်စိုက်ပျိုးရေး 49 ရိတ်သိမ်းချိန်လွန်နည်းပညာ 49 တန်ဘိုးမြှင့်ထုတ်ကုန် 150 စိုက်ပျိုး ရေ 49 စိုက်ပျိုး ဗဟုသုတ 853

နွားစား နှံစားပြောင်း/ဖူးပြောင်းစိုက်ပျိုးခြင်း

MDEP • MDEP • 26/08/2019

(၁) မြေပြုပြင်ခြင်း

မြေကိုစနစ်တကျပြုပြင်ပါ။ ပေါင်းရှင်းရမည်။ ထယ်မထိုးမီ ပေါင်းသတ်ဆေးကို အညွှန်းအတိုင်းဖြန်းကာ ပေါင်းသတ်ပြီးမှ ထယ်ထိုးရမည်။ မြေပြင်ရာတွင် ထယ်ရေးကို နက်နက်ထယ်ပြီး ထွန်ရေးညက်ရန်အရေးကြီးသည်။ ထယ်စာခဲကျန်ပါက အပင်ပေါက်နှုန်းနည်းမည်ကို သတိပြုရပါမည်။

(၂) မြေဆီထည့်ခြင်း

မျိုးစေ့မကြဲမီ NPK ကွန်ပေါင်းမြေသြဇာ (၁၅:၁၅:၁၅) ကို ၁ ဧကလျှင် ၁ အိတ်နှုန်းထည့်ပါ။ အပင်ပေါက် ၄ လက်မအရွယ်တွင် ယူရီးယား (ပုလဲ)မြေသြဇာကို ၁ ဧကလျှင် ၁ အိတ်နှုန်းထည့်ပါ။ အပင် ၁ပေ အရွယ်ရောက်သောအခါ ယူရီးယား (ပုလဲ)မြေသြဇာကို ၁ ဧကလျှင် ၁ အိတ်နှုန်း ထပ်မံထည့်ပေးရမည်။

(၃) စိုက်ပျိုးခြင်း (နှံစားပြောင်း/ဖူးပြောင်း)

မြေအစိုဓာတ်လုံလောက်သည့်အခါ

- နွားစားနှံစားပြောင်း - ၁ဧကကို ၅ - ၇ ကီလိုဂရမ်နှုန်းဖြင့် စိုက်ပျိုးရမည်။ အထွက်နှုန်းပိုကောင်းစေရန် နေရောင်ခြည်ရှိသည့်ရာသီမှာ စိုက်ပျိုးသင့်သည်။

- ဖူးပြောင်း ၁ဧကကို ၇ - ၁၀ ကီလိုဂရမ်နှုန်းဖြင့် စိုက်ပျိုးရမည်။ ရေ/မိုး လုံလောက်စွာရနိုင်လျှင် အခြားအချိန်တွေလည်း ဖြစ်ထွန်းနိုင်သည်။

မျိုးစေ့ချပြီးလျှင် ၁ လက်မခန့် မြေဖုံးပါ။ အဖုံးနည်းခြင်းများခြင်းသည် အပင်ပေါက်နှုန်းထိခိုက်နိုင်သည်ကို သတိပြုပါ။ တန်းကြား ၁၂ - ၁၃လက်မ နှင့် ပင်ကြား ၄ လက်မခန့်ခြား၍ စိုက်ပျိုးရမည်။

ပင်ကြားကျယ်လျှင် ပြောင်းပင်များတုတ်လွန်းမည်ဖြစ်၍ ပင်ကြား ၄ လက်မသာထားပြီး စိပ်စိပ်စိုက်ကာ အပင်၏ အရွယ်အစားနှင့် အာဟာရတန်ဖိုးကို ထိန်းထားခြင်းဖြစ်သည်။

အတန်းလိုက်မဟုတ်ဘဲ မျိုးစေ့ကြဲ စိုက်ပျိုးကြသော်လည်း ကြဲသည့်အခါ အထူအပါးမမှန်တာမျိုး ဖြစ်တတ်ကြသည်။ အတန်းလိုက်စိုက်ခြင်းဖြင့် ထိန်းသိမ်းစီမံရလွယ်ပြီး ရိတ်သိမ်းရလွယ်စေပါတယ်။

(၄) စနစ်တကျရိတ်သိမ်းခြင်း

အပင်အသက် ၇၀ - ၈၀ ရက်သားခန့် (သို့) အနှံ/အဖူး နို့ရည်တည်စအချိန်တွင် စတင်ရိတ်သိမ်းနိုင်သည်။ (စနစ်တကျစိုက်ပျိုးမှု ရာသီဥတုနဲ့ နေ့တာအတိုအရှည်ပေါ်မူတည်ပြီး အနည်းငယ်ပြောင်းလဲမှုရှိသည်။)

ပြောင်းပင်ကို ရင့်အောင်မထားရ။ ပြောင်းပင်ရိုးရင့်လာသည်နှင့်အမျှ အာဟာရတန်ဖိုး လျော့နည်းလာမည်။

ဖူးပြောင်းကို ၁ ကြိမ်သာရိတ်ကျွေးနိုင်သည်။ နွားစားနှံစားပြောင်းကို ၃ ကြိမ်ရိတ်ကျွေးနိုင်သည်။ ရိတ်သည့်အခါ မြေပြင်မှ ၆ လက်မချန်၍ ရိတ်ရမည်။ သို့မှသာ နောက်တစ်ကြိမ် ပြန်အထွက်မြန်ပြီး ကောင်းမွန်သောထွက်နှုန်းရမည်။ (တက်ပြန် ၁ ပေခန့်တွင် ပုလဲမြေသြဇာကျွေးရမည်။)

(၅) ရေပေးသွင်းခြင်း

မြေအစိုဓာတ်လျော့နည်းချိန်တွင် ရေပေးသွင်းနိုင်လျှင် အထွက်ပိုကောင်းပါမည်။ နွားစားပြောင်းများစိုက်ပျိုးခြင်းဖြင့် အစာစိမ်းရရှိနိုင်ပြီး ထုတ်လုပ်မှုကုန်ကျစရိတ်သက်သာနိုင်သည်။ ရာသီအလိုက်စိုက်ပျိုးခြင်းဖြင့် အကြိမ်ကြိမ်စိုက်နိုင်ထုတ်လုပ်နိုင်သည်။ ပိုလျှံသည်ကို ချဉ်ဖက်ပြုလုပ်ပြီး သိမ်းဆည်းနိုင်သည်။

ဆက်စပ်ဆောင်းပါးများ

စိုက်ပျိုးနည်း

မောင်နီပြောတဲ့ ခရမ်းချဉ်စင်တင်နည်း

Htunn Winn Kyaw

စိုက်ပျိုးနည်း

အစေ့ထုတ်ပြောင်း အထွက်တိုးစေမည့် စိုက်ပျိုးနည်းပညာ

Soe Myint

စိုက်ပျိုးနည်း

ကိုယ့်ရဲ့ဝင်ငွေရသီးနှံ ပျက်ဆီးဆုံးရှုံးမှုနည်းအောင် ထောင်ချောက်သီးနှံ နှင့် ပိုးပြေးပင်တွေကို ဘယ်လို တွဲဖက်စိုက်ပျိုးကြမလဲ

Thein Soe Min

နည်းပညာမိတ်ဖက်အဖွဲ့

MDEP

Myanmar Dairy Excellence Project (MDEP) စီမံကိန်းသည် နို့စားနွားမွေးမြူသူများ အကျိုးအမြတ် ပိုမိုရရှိရန်၊ ဘေးဥပါဒ်ကင်းရှင်းသည့် နို့နှင့်နို့ထွက်ပစ္စည်းများအားစားသုံးနိုင်ရန်၊ ရေရှည်တည်တံ့ပြီး ယှဉ်ပြိုင်နိုင်စွမ်းရှိသည့် နို့နှင့်နို့ထွက်ပစ္စည်းစျေးကွက်ပေါ်ပေါက်လာစေရန် ရည်ရွယ်၍ နယူးဇီလန်နိုင်ငံ အစိုးရနှင့် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ မွေးမြူရေးနှင့်ကုသရေးဦးစီးဌာနတို့ ပူးပေါင်းဆောင်ရွက်လုပ်ကိုင်ခြင်းဖြစ်သည်။ ၂၀၁၄ ခုနှစ်တွင် စီမံကိန်းစတင်ပြီး မြက်(၈)မျိုး၊ ပဲ(၁၃)မျိုး၊ နို့စားနွားမျိုးရည်ခဲချောင်း(၃)မျိုးနှင့် ခြံအသုံးအဆောင်ပစ္စည်းများအားတင်သွင်းခဲ့ပြီး စားကျက်ဖွံ့ဖြိုး ရေး၊ မျိုးမြှင့်တင်ရေးနှင့် မွေးမြူရေးစနစ်မြှင့်တင်ရေးတို့အတွက် ဆောင်ရွက်လျက်ရှိသည်။ စိုက်ပျိုးနည်း စနစ်များ၊ မြက်ချဉ်ဖက်ပြုလုပ်နည်းများ၊ နွားခြံစီမံခန့်ခွဲမှုနည်းပညာများ၊ နွားငယ်နှင့်မတမ်းပြုစုစောင့် ရှောက်ခြင်းနှင့် လိုအပ်သောအစာအာဟာရတွက်ချက်နည်းများ၊ မေထုန်မဲ့သားစပ်နည်းစနစ်များအား သင်တန်းပေးခြင်းနှင့် တောင်သူဆွေးနွေးပွဲများပြုလုပ်လျက်ရှိသည်။ စဉ့်ကိုင်မြို့တွင် နွားနို့ဓာတ်ခွဲခန်း တည်ထောင်ခဲ့ပြီး သန့်ရှင်းသောနွားနို့ ထုတ်လုပ်နိုင်ရေးအတွက် ဆောင်ရွက်လျက်ရှိသည်။ Green way နှင့်လည်း တွဲဖက်လုပ်ဆောင်လျက် ရှိသည်။

နည်းပညာမိတ်ဖက်အဖွဲ့ အားလုံး

ဆက်စပ်မေးခွန်းများ

လေးစားရပါသော တောင်သူကြီးများခင်ဗျာ... ဖရဲစစိုက်မှာမို့ ဖရဲအထွက်ကောင်းတဲ့ စိုက်ပျိုးနည်းလမ်းဝေမျှပေးပါအုံး ခင်ဗျာ...တောင်သူကြီးများခကျန်းမာ ချမ်းသာကြပါစေ...ခင်ဗျာ။

U BHONE THWE HTAN • ဖြေကြားချက် 1 ခု

ပုံပါအတိုင်းဖြစ်ပြီး သေနေလို့ပါဗျ ဆေးလဲတစ်ခါမှ မဖျန်းရသေးတော့ ဆေးဖျန်းချင်ပါတယ် ပိုးသတ်ဆေးနဲ့ မှိုဆေးလေးညွှန်းပါ အကြံပေးပါဗျ

Aung Zay • ဖြေကြားချက် 4 ခု

ဆရာတို့ခင်ဗျ ဘူး ခဝဲ ရုံးပတီတီတို့မှာဒေါင်းနီးမှိုကာကွယ်ဆေးကိုဘယ်အချိန်မှာသုံးရမှာလဲခင်ဗျ ဘယ်ဆေးကိုသုံးရမှာလဲခင်ဗျ အလင်းပြပေးပါ🙏

မောင်ကျော်ခိုင် • ဖြေကြားချက် 1 ခု

ဒီနှစ် ကြက်သွန်နီစိုက်ခင်းကို အပင်အဟာရအတွက် ဂျီဗာမရူသမ်နဲ့ ဓာတ်မြေဩဇာတွဲ လှေးပိုးအတွက် သဘာဝပိုးသတ်ဆေးများ အထူးသဖြင့် နွားသေး+မီးခိုးပေါင်းခံရည် မှိုရောဂါအတွက် ထရိုင်ကိုဒါးမားနဲ့ ထုံးကန့်ဆေးရည်(ထုံးကန့်ဆေးက ဒေါင်းနီးနဲ့ တောက်တဲ့မြှီးကို ကောင်းကောင်းနိုင်လား ဒီမှိုရောဂါကို မနိုင်မှာ စိုးလို့ပါ ဒါကို အဓိက သိပါရစေဆရာ ပြီးတော့ ထုံးကန့်ဆေးက ဆေးယဥ်ပါးမှုဖြစ်တက်ပါသလား) ပေါင်းပင်အတွက်တော့ ပေါင်းသတ်ဆေး သုံးဖြစ်မယ်ထငိပါတယ်

Khing Hein • ဖြေကြားချက် 2 ခု

မတ်ပဲ ပွင့်ထွေးပိုးအရမ်းဆိုးနေလို့ အကိုင်းထဲတောင်ဝင်နေတယ် ဘာဆေးဖျန်းရမလဲ အပွင့်ကလှိုင်လှိုင်မပွင့်သေးဘူး ၅၀ရက်သားပါ ဆေးကောင်းတွေသုံးရမလား အပွင့်လှိုင်မှဆေးကောင်းသုံးရမလား ဆေးဆိုင်ကအပွင့်မလှိုင်သေးရင်ပေးစားလိုက်တဲ့ အပွင့်လှိုင်မှဖျန်းတဲ့ ဘာဆေးဖျန်းရမလဲ

Saw Samson • ဖြေကြားချက် 3 ခု

Farm Link Co.,Ltd

ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။

နောက်ဆုံး ဆောင်းပါးများ