ငါးနက်ပြာငါး

ငါးနက်ပြာငါးမှာ ငါးကြင်းအုပ်စုဝင်ငါးများဖြစ်သော ငါးသိုင်းခေါင်းပွ၊ မြက်စားငါးကြင်း၊ ငါးကြင်းဖြူ၊ ငါးမြစ်ချင်းတို့နှင့် အတူ မျိုးစဥ်တစ်ခုတည်းတွင် ပါဝင်ကြပါသည်။ ငါးနက်ပြာငါးမှာ ကိုယ်ထည်တောင့်တင်းပြီး ပါးစပ်ပေါက်ကျဥ်းသည်။ နှာတံနှင့် အထက်နှုတ်ခမ်းတို့တွင် အပေါက်ကလေးများ ရှိကြသည်။ အမြီးခွစောက်နက်သည်။ တချို့ဒေသများတွင် ငါးနက်ပြာကို 'ငါးနံ'ဟုလည်း ခေါ်ကြသည်။

ငါးမြစ်ချင်းငါးနှင့် ကွာခြားချက်မှာ ငါးနက်ပြာ၏ ကျောရိုးရှိဆူးတောင်တွင် ဆူးတက်များပို၍ ပါရှိခြင်းပင်ဖြစ်သည်။

ငါးနက်ပြာဆိုသည့်အတိုင်း ငါးအရောင်မှာ 'နက်ပြာရောင်'သန်းနေပြီး တမူထူးခြားနေပါသည်။ ဆူးတောင်အရောင်မှာ အမည်းရောင်သန်းသည်။ အရှေ့တောင်အာရှနှင့် အာရှနိုင်ငံများတွင်လည်း ငါးနက်ပြာငါးကို တွေ့ရလေ့ရှိသည်။

ငါးနက်ပြာငါးမှာ ရေချိုငါးမျိုးစိတ်ဖြစ်၍ သဘာဝမြစ်ချောင်းများတွင် တွေ့ရလေ့ရှိပြီး နေရာမရွေးရှင်သန်ကြီးထွားနိုင်ကြပါသည်။ ပြည်တွင်း၌ သားဖောက်အောင်မြင်ခြင်းများရှိသော်လည်း မွေးမြူသူနည်းပါးလှပါသည်။

ဒေသခံများမှာ ငါးနက်ပြာငါးကို ငါးကြော်၊ ငါးပေါင်း၊ သောက်ဆမ်း၊ ဆီပြန်ရေကျန်အစပ်ဟင်း စသဖြင့် ချက်စားကြပါသည်။ ငါးနက်ပြာငါးမျာ ကြေလွယ်၊ ကျက်လွယ်ပြီး သွေးပါသော အနာတို့ကို နိုင်၏။ သွေးကို ဆန်တက်စေသည်ဟုလည်း မှတ်ရဖူးပါသည်။

အရသာထူးကဲစေမည့် ငါးနက်ပြာဟင်းချက်ပြုတ်ပုံမှာ -

၁။ ပထမဦးစွာ ငါးနက်ပြာငါးကို အကြေးခွံသင်၊ အညစ်အကြေးများ ဆေးကြောပြီး အနေတော်အတုံးလေးတုံးကာ ဆား၊ အရသာမှုန့်၊ နနွင်းအနည်းငယ်တို့ဖြင့် နယ်ပြီး နှပ်ထားရပါမည်။

- ပြီးနောက် မီးဖိုပေါ်ဒယ်အိုးတင်ပြီး ဆီသင့်ရုံထည့်ကာ ဆီသေပြီဆိုပါက ကြက်သွန်ဖြူ/ နီ၊ ဂျင်း အရောထောင်းနှင့် ငါးပိအနည်းငယ်တို့ကို ထည့်ပြီး ရောသမ မွှေပေးရပါမည်။

- အနံ့မွှေးလာပြီဆိုပါက ခရမ်းချဥ်သီးပါးပါးလှီးထည့်ပြီး အနှစ်,ရအောင်မွှေပေးရပါမည်။

- အနှစ်ရလာပြီဆိုပါက နှပ်ထားသော ငါးအတုံးလေးများကို ရေအနည်းငယ်နှင့်အတူ ထည့်ပြီး အိုးအဖုံး ဖုံးထားရပါမည်။

- ဆီပြန်လာပြီဆိုပါက မဆလာနှင့် နံနံပင်ကို ဖြူးပြီးပါက မီးဖိုးပေါ်မှ ချပြီး သုံးဆောင်နိုင်ပါပြီး၊ ထိုအခါ ရနံ့မွှေးမွှေးလေးနှင့် အရသာကောင်းမွန်လှသော 'ငါးနက်ပြာငါးဟင်း' တစ်ခွက်ကို ရရှိပါမည်။

မြန်မာနိုင်ငံတွင် တွေ့ရသော ငါးနက်ပြာမျိုးစိတ်ကို -

Phylum (မျိုးပေါင်းစု) - Chordata

Class(အမျိုးအစား) - Actinopterygii

Order(မျိုးစဥ်) - Cypriniformes

Family(မျိုးရင်း)- Cyprinidae

Genus(မျိုးစု) - Labeo

Species(မျိုးစိတ်)- Labeo Calbasu ဟူ၍ သိရှိရပါသည်။

ပင်လယ်ပြာ (ငါးဦးစီး)

ဆောင်းပါးများ/သတင်းများ ပြန်လည်ကူးယူဖော်ပြပါက "အစိမ်းရောင်လမ်းမှ ပြန်လည်ကူးယူဖော်ပြပါသည်" ဟု ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ