ပဲတီစိမ်း၊ မတ်ပဲတွေ ဈေးဆက်တက်နိုင်လား...

လက်ရှိမှာတော့ ပဲတီစိမ်း၊ မတ်ပဲ၊ ပဲစင်းငုံနီ စတဲ့ ပြည်ပပို့ကုန်ပဲတွေဟာ အတက်ဈေးတွေမှာချည်း ရှိနေ တာဖြစ်ပါတယ်။ ပဲတီစိမ်းဆိုရင် စံချိန်တင်ဈေးအထိကို ဖြစ်နေတာပါ။ ဆိုတော့ ဒီပဲတွေထဲက ပဲတီစိမ်း၊ မတ်ပဲတွေဟာ ဘာကြောင့် ဈေးတွေတက်နေတာလဲ၊ ဈေးဆက်တက်နိုင်ချေရှိလားဆိုတာတွေကို လယ်ယာစိုက်ပျိုးရေးနှင့်ဈေးကွက်သတင်းအချက်အလက်အဖွဲ့(AMIA) ရဲ့ ဈေးကွက်သုံးသပ်ချက်တွေကို အခြေခံဖော်ပြပေးလိုက်ပါတယ်။

ပဲတီစိမ်း

ပဲတီစိမ်းကတော့ လက်ရှိမှာ စံချိန်တင်ဈေးမြင့်တက်နေတဲ့ အခြေအနေ ဖြစ်ပါတယ်။ ၃ နှစ်ကြာ တရုတ် နယ်စပ်တွေ ပိတ်ထားခဲ့ပြီးနောက် ဈေးတွေကျဆင်းခဲ့တာဖြစ်ပြီး လက်ရှိမှာတော့ တရုတ်နယ်စပ်ဂိတ် တွေ ပြန်ဖွင့်လာမှုနဲ့အတူ ဈေးတွေ ဆက်တိုက်ပြန်မြင့်တက်လာခဲ့တာ ဖြစ်ပါတယ်။

တရုတ်ဝယ်ယူအားကလည်း များနေတယ်လို့ သိရပါတယ်။ လက်ရှိမှာ ပဲတီစိမ်းကို တရုတ်နဲ့ အိန္ဒိယထံ အဓိကတင်ပို့နေသလို အခြားဥရောပနိုင်ငံတွေကိုလည်း တင်ပို့နေတာဖြစ်တဲ့အတွက် ပဲတီစိမ်းဈေးက ထပ်ပြီး ကောင်းလာဦးမယ်လို့ ပဲကုန်သည်အများစုက သုံးသပ်ကြပါတယ်။

ဒေသအလိုက် ပေါက်ဈေးနှုန်းတွေကတော့ ကွာခြားချက်အချို့ရှိပြီး တချို့နေရာတွေမှာ ဈေးကွက် ပေါက်ဈေးတွေထက် အမှန်တကယ်အရောင်းအဝယ်ဖြစ်သွားတဲ့ ဈေးနှုန်းတွေက ပိုမြင့်တက်နေတယ် လို့ ပဲတီစိမ်းတောင်သူအသိုင်းအဝိုင်းထံက သိရပါတယ်။

မတ်ပဲ

မတ်ပဲ (FAQ/RC) ကတော့ တစ်တန်ကို ၁၈ သိန်းကျော်ထိ မြင့်တက်လာခဲ့ပြီး ဇန်နဝါရီ ၂၃ ရက်နောက် ပိုင်း တစ်တန်ကို ၂ သိန်းကျော်ဈေးမြင့်တက်လာခဲ့တာပါ။ ပြည်တွင်းမှာ မတ်ပဲ အများကြီး မထွက်သေးတဲ့အပြင် အဝင်ရှိသလောက် အရောင်းသွက်နေတယ်လို့ သိရပါတယ်။ ဒါ့အပြင် အမြင့်ဈေးနဲ့ မိထားတဲ့ အဟောင်းလက်ကျန်တွေရှိနေတာကြောင့် ဈေးကို ဆွဲတင်နေတာ ဖြစ်တယ်လို့ လည်း ပဲကုန်သည်အချို့က ဆိုပါတယ်။

အိန္ဒိယနိုင်ငံမှာတော့ မတ်ပဲ ဝယ်လိုအားကောင်းပြီး ဈေးတက်ပေမဲ့ ပဲ မရှိဘူးလို့ သိရပါတယ်။ ဒါကြောင့် ပြည်တွင်းပဲလိုအပ်ချက်များနေတဲ့ အိန္ဒိယက မြန်မာ့မတ်ပဲကို ဆက်ပြီး ဝယ်ယူသွားနိုင်လို့ ဈေးက ဆက်တိုက်တက်ဖို့ ရှိနိုင်တယ်လို့လည်း Current content က ရေးသားထားတဲ့ အိန္ဒိယ ဘာသာပြန် သတင်းတစ်ပုဒ်မှာ ဖော်ပြထားပါတယ်။

လတ်တလော ရေတိုကာလမှာတော့ မတ်ပဲဈေးက ကောင်းနေနိုင်ဦးမယ်လို့ ကုန်သည်တွေက သုံးသပ် ပါတယ်။ ဒါပေမဲ့ အိန္ဒိယကလည်း မြန်မာ့မတ်ပဲ ထွက်ရှိနှုန်းကို စောင့်ကြည့်နေတာဖြစ်လို့ ပြည်တွင်း လှိုင်ချိန်မှာ ဈေးချဝယ်ယူတာမျိုး၊ မူဝါဒပြောင်းလဲတာမျိုး လုပ်ဆောင်လာနိုင်တာကိုတော့ စောင့်ကြည့် ရမဲ့ အခြေအနေမှာ ရှိနေပါတယ်။

(လယ်ယာစိုက်ပျိုးရေးနှင့်ဈေးကွက်သတင်းအချက်အလက်အဖွဲ့ (AMIA) က ပေးပို့လာသည့် ဈေးနှုန်းများနှင့် သုံးသပ်ချက်ကို အခြေခံဖော်ပြခြင်း ဖြစ်ပါသည်။)

(အခြားကုန်စည်နှင့်သီးနှံဈေးနှုန်းများ သိရှိလိုပါက Green Way App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...