အစေ့ထုတ်ပြောင်းသီးနှံကို ကန်ထရိုက်လယ်ယာစနစ်ဖြင့် စတင်လုပ်ကိုင်သော တောင်သူတစ်ချို့ ဆုံးရှုံးမှုများရှိနေ

16/07/2020 13:30 PM တွင် သိင်္ဂီလှိုင် သိင်္ဂီလှိုင် မှ ရေးသား ပြီး Greenovator Greenovator မှ ပေးပို့ထားပါသည်။

    ကန်ထရိုက်လယ်ယာစနစ်ဖြင့် အစေ့ထုတ်ပြောင်းစိုက်သော တောင်သူများ ရေမြေအနေအထားနှင့် စိုက်ပျိုးနည်းစနစ် သဟဇာတမကျခြင်း၊ ဖျက်ပိုးများဆိုးရွားစွာကျခြင်း၊ သွင်းအားစု အချိန်မီမရရှိခြင်း၊ ကျွမ်းကျင်သောနည်းပညာပေးဝန်ထမ်းများ မရရှိခြင်း၊ အမှန်တကယ် ဈေးကွက်ပေါက်ဈေးမရရှိခြင်း စသောအကြောင်းရင်းများကြောင့် အရှုံးပေါ်၍ အခက်တွေ့နေကြသည်။

ဦးလေးတို့ စာချုပ်နဲ့ ပြောင်းစိုက်လိုက်တာ ပထမဆုံး နည်းပညာအဆင်ပြေမနေဘူး။ သူတို့က ရေ/မြေအနေအထား၊ အပူချိန်နဲ့ အစိုဓာတ်ကို မခန့်မှန်းပဲ စာအုပ်ကြီးတိုင်း ဘယ်ချိန်ရေသွင်း၊ ဘယ်ချိန်ဆေးဖျန်းဆိုပြီး ပြောတာ။ သူတို့ပြောတဲ့အတိုင်း စိုက်လိုက်တာ အပင်လုံးဝမပေါက်လာဘူး။ ဒါနဲ့ အပေါ်က ပိုက်နဲ့ရေဖျန်းပေးဆိုလို့ ဖျန်းလိုက်တာ လုပ်အားခတွေကုန်၊ အချိန်တွေကုန်၊ လူပင်ပန်းနဲ့ အဆင်ကိုပြေမလာဘူး။ နောက်တော့ ကိုယ့်နည်းကိုယ့်ဟန်နဲ့ ရေသွင်းလုပ်ရတာပဲ။ ဒါတောင် အပင်ပေါက်လုံးဝ မညီလာတော့ဘူး။ စစိုက်ကတည်းက အဆင်မပြေတာ။

ဟု ပဲခူးတိုင်း၊ ရေတာရှည်မြို့နယ်၊ သပြေတန်းကျေးရွာမှ တောင်သူဦးစိုးမင်းထွန်းက ပြောသည်။

သူတို့လာတဲ့အချိန်ကလည်း နောက်ကျနေပြီ။ အစပိုင်း ပြောင်းစိုက်ဖို့ လာတိုက်တွန်းတုန်းကတော့ အခေါက်ခေါက်အခါခါလာတယ်။ ဖုန်းလည်း ခဏခဏဆက်တယ်။ အဲ့တုန်းကတော့ အရေးတယူလုပ်ပါသေးတယ်။ စိုက်လည်းပြီးရော စ ခွာ ခွာ သွားတာ..ပြီးရော..။ ဦးလေးတို့မှာ စိုက်ခင်းက ဘာဖြစ်လဲမသိဘူး/လာကြည့်ပေးပါဦး/ဘာဆေးဖျန်းရမလဲ ဆိုပြီး ဖုန်းဆက်ခေါ်ရင်တောင် ရွက်ဖျန်းဆေးတွေ/အားဆေးတွေ ဘယ်နေ့လာပေးမယ် ဘာညာနဲ့.. သွားရော..မလာတော့ဘူး။ ဦးလေးတို့မှာ ဆေးဖျန်းဖို့ နောက်ကျနဲ့လုပ်ရတာ ကမောက်ကမတွေပါကွယ်...။ သူတို့ ပစ္စည်းရောင်းရပြီးရော..ပြန်လှည့်မကြည့်တော့ဘူး

ဟုတောင်သူဦးစိုးမင်းထွန်းက ဆက်လက်ပြောသည်။ 

    ထို့ပြင် ကြွက်များကျရောက်၍ ပြောင်းစိုက်တောင်သူများ စိုက်ခင်းတစ်ဝက်၊ စိုက်ခင်းအားလုံးနီးပါး ပျက်စီးဆုံးရှုံးခဲ့ကြောင်းသိရသည်။ ထွက်သလောက်သီးနှံကို ကုမ္ပဏီမှ စာချုပ်တွင် ကြမ်းခင်းဈေး ၇၂၀၀ ကျပ်နှင့် ကာလပေါက်ဈေး အတိုင်း ဝယ်ယူမည်ဟု ချုပ်ဆိုထားသော်လည်း ပြောင်းသီးနှံပေါ်ချိန်တွင် ပေါက်ဈေး ၈၅၀၀ ကျပ်ရှိခဲ့သည်။ သို့သော် ၇၅၀၀ ကျပ်ဖြစ်သာ ပြန်လည်ဝယ်ယူပေးကြောင်း သိရသည်။ ထိုဒေသ၌ ကန်ထရိုက်လယ်ယာစနစ်ဖြင့်မဟုတ်ပဲ ကိုယ့်နည်းကိုယ့်ဟန်ဖြင့် ပြောင်းစိုက်သောတောင်သူများ အဆင်ပြေကြသည်။ 

    Contract farming လုပ်ရာ၌ သွင်းအားစုနောက်ကျခြင်း၊ ရာသီဥတုနှင့် စိုက်ပျိုးချိန်ကိုက်မှု ခက်ခဲခြင်း၊ သီးနှံရိတ်သိမ်းချိန် နောက်ကျခြင်းတို့ကြောင့် လုပ်ငန်းရှင်နှင့် တောင်သူများအကြား သဘောတူညီမှု ပျက်ယွင်းလာကြသည်။ ထို့ကြောင့် contract farming လုပ်နိုင်ရန်အတွက် နိုင်ငံတွင်းဥပဒေအရ အားနည်းချက်များ၊ အရေးယူလုပ်ဆောင်ပေးမည့်အစိုးရအဖွဲ့အစည်းများ အားနည်းလျက်ရှိနေသေးသည်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်) 

 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်