ကြက်သွန်နီဈေး ပုံမှန်တက်နေကျနှုန်းထက် ပိုတက်

ရန်ကုန်၊ ဘုရင့်နောင်ဈေးကွက်မှာ ဈေးတက်မယ်ဆိုရင်တောင် ပုံမှန်အားဖြင့် တစ်ရက်ကို တစ်ပိဿာ ကျပ် ၁၀၀ ဝန်းကျင်လောက်သာတက်တတ်တဲ့ ကြက်သွန်နီဈေးဟာ ဒီနေ့မှာတော့ နည်းနည်းအတက်ကြမ်းသွားပါတယ်။

ကြက်သွန်နီ ဆိပ်ဖြူရှယ်(သစ်) ဟာ ဒီနေ့မှာ မနေ့ကထက် တစ်ပိဿာ ကျပ် ၃၅၀ ပိုတက်လာပြီး ၃၆၀၀ ကျပ် ဖြစ်သွားပါတယ်။ ကြက်သွန်နီ ဆိပ်ဖြူလတ်ကြီးဟာလည်း တစ်ပိဿာ ကျပ် ၂၅၀ ထပ်တက်လာပြီး တစ်ပိဿာကို ၃၅၀၀ ကျပ်ဖြစ်သွားပြီ ဖြစ်ပါတယ်။

လက်ရှိမှာ ကြက်သွန်နီဟာ အဝင်များပေမဲ့ အဝယ်သွက်နေပြီး ဝင်ရောက်လာတဲ့ ကြက်သွန်နီတွေဟာလည်း ပြတ်လပ်တဲ့အထိ အရောင်းအဝယ်ရှိနေတယ်လို့ စိုက်ပျိုးရေးဈေးကွက်သတင်းအေဂျင်စီ (AMIA) ရဲ့ သတင်းပေးပို့လာမှုအရ သိရပါတယ်။ 

လက်ရှိမှာ နွေကြက်သွန် ပစ္စည်းလက်ကျန်လျော့နည်းလာပြီဖြစ်ပြီး မကြာခင်မိုးကြက်သွန်နီတွေဈေးကွက်ထဲ ဝင်ရောက်လာတော့မှာဖြစ်လို့ ကြက်သွန်နီဈေးက စောင့်ကြည့်ရမယ့်အခြေအနေတော့ ဖြစ်နေပါတယ်။

ဒါပေမဲ့ လက်ရှိ မြန်မာ့ငွေကြေး ဈေးကျဆင်းနေမှုနဲ့အတူ အထွေထွေစရိတ်မြင့်တက်နေမှုကြောင့် ကြက်သွန်အသစ်ဈေးကွက်က လက်ရှိပေါက်ဈေးထက်တော့ လျော့နည်းနိုင်မှာမဟုတ်ကြောင်း ကြက်သွန်ကုန်သည်တွေက သုံးသပ်မှုတွေရှိနေတယ်လို့ AMIA က ဆိုထားပါတယ်။

ကြက်သွန်ဖြူဈေးနှုန်းတွေကတော့ ထပ်တက်မလာဘဲ မနေ့က ဈေးနှုန်းတွေအတိုင်းသာ ဆက်ရှိနေပါ တယ်။

တောက်လျှောက်နီးပါး အတက်မှာရှိနေခဲ့တဲ့ မတ်ပဲနဲ့ ပဲစင်းငုံဈေးနှုန်းတွေကတော့ လက်ရှိ ငွေလဲနှုန်း အနည်းငယ်ပြန်လည်ကျဆင်းသွားမှုနဲ့ ဈေးတွေ ပြန်ကျသွားပါတယ်။

ရန်ကုန်ဘုရင့်နောင်ဈေးကွက် ကြက်သွန်နီဈေးနှုန်းများ (စက်တင်ဘာ ၂ ရက်)

• ကြက်သွန်နီ - ဆိပ်ဖြူရှယ်(သစ်) ( ၁ ပိဿာ) - ၃၆၀၀ ကျပ်
• ကြက်သွန်နီ - ဆိပ်ဖြူလတ်ကြီး ( ၁ ပိဿာ) - ၃၅၀၀ ကျပ်
• ကြက်သွန်နီ - ဆိပ်ဖြူလတ်သန့် ( ၁ ပိဿာ) - ၃၃၀၀ ကျပ်
• ကြက်သွန်နီ - ဆိပ်ဖြူလတ်ချော ( ၁ ပိဿာ) - ၂၇၅၀ ကျပ်

ရန်ကုန်ဘုရင့်နောင်ဈေးကွက် မတ်ပဲ၊ ပဲစင်းငုံနီဈေးနှုန်းများ (စက်တင်ဘာ ၂ ရက်)

• မတ်ပဲ (FAQ/RC - 2022) - ၁၉၈၀၀၀၀ ကျပ် (၁ တန်) ( ၁ တင်း - ၆၃၆၆၅)
• မတ်ပဲ (SQ/RC - 2021) - ၂၂၉၀၀၀၀ ကျပ် (၁ တန်) ( ၁ တင်း - ၇၃၆၃၅)
• ပဲစင်းငုံနီ (RC - 2022) - ၂၁၁၅၀၀၀ ကျပ် (၁ တန်) ( ၁ တင်း - ၆၈၀၀၀)

(စိုက်ပျိုးရေးဈေးကွက်သတင်းအေဂျင်စီ (AMIA) က ပေးပို့လာသည့် ဈေးနှုန်းများကို ဖော်ပြခြင်းဖြစ်ပါသည်။)

(နိုင်ငံတစ်ဝန်း စပါး၊ ဆန်၊ ပဲများအပါအဝင် သီးနှံမျိုးစုံဈေးနှုန်းများကို သိလိုပါက အစိမ်းရောင်လမ်း App ရှိ နေ့စဉ်ဈေးနှုန်းများကဏ္ဍထဲတွင် သက်ဆိုင်ရာမြို့နယ်တစ်ခုချင်းစီအလိုက် ဝင်ရောက်ကြည့်ရှုနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

Read more