စိုက်ခင်းထဲက ဓာတ်ကြွင်းအတွက် PHI

   PHI ဆိုတာက Post Harvest Interval ဆေးဖျန်းပြီး စောင့်ဆိုင်းရမယ့် အချိန်ကာလကို ပြောတာပါ။ အောက်မှာ အဖြစ်များတတ်တဲ့ အမေးအဖြေလေးတွေကို တစ်ခါတည်း ရှင်းပြပေးထားပါတယ်။

စိုက်ခင်းမှာ ဆေးကို အညွှန်းအတိုင်းသုံးတယ်။ ဒါပေမဲ့ ပြန်ပြီးဝင်လို့ရတဲ့ အချိန်ကိုမသိဘူး။ ဘယ်အချိန်မှာ ခူးပြီးစားလို့ရမှာလဲ ဆိုတာကိုလည်း မသိဘူး။ ဆေးထုပ်မှာလည်း ဘာမှ မရေးထားဘူးဆိုရင် ဘယ်လိုလုပ်ရမလဲ?

   ဆေးတွေခြောက်သွားတဲ့အထိ စောင့်ပါ။ ဖျန်းထားတဲ့ဆေးက အနံ့လည်းသိပ်မထွက်တော့ဘူး အနယ်ကျလောက်ပြီဆိုတဲ့အထိ စောင့်ပေးရမှာပါ။ ဝေးဝေးကပဲ စောင့်ပါ။ အနံ့သိပ်မထွက်တော့တဲ့အချိန်ဆိုလို့ သွားသွား အနံ့ခံနေမှ ပိုပြီးကြောက်စရာ ကောင်းလာပါလိမ့််မယ်။ အချိန်အနေနဲ့ဆိုရင် အနည်းဆုံး (၁၂) နာရီလောက်စောင့်ပေးပါ။ မိုးအုံ့လို့ နေမပူဘူး စိုထိုင်းဆတွေများနေတယ်ဆိုရင် အချိန်ကို ပိုပြီးတော့ကြာအောင် စောင့်ပေးရမှာပဲဖြစ်ပါတယ်။

တကယ်လိုများ အချိန်မပြည့်သေးပဲ အခင်းထဲကိုဝင်ဖို့ ဖြစ်လာတယ်ဆိုရင် ဘယ်လိုလုပ်ရပါ့မလဲ?

   မဝင်တာက အကောင်းဆုံးဖြစ်ပါတယ်။ တကယ်လို့  ဝင်ရမယ်ဆိုရင်တော့ ဆေးထုပ် ဆေးဘူးမှာ ပါဝင်တဲ့ အချက်တွေကို အရင်သေချာအောင်ဖတ်ကြည့်ပြီးတော့ လိုက်လုပ်တာ အကောင်းဆုံးဖြစ်မှာပါ။

သူက ၁၂ နာရီစောင့်ပါလို့ ပြောတယ်။  ဆေးဖျန်းပြီး ၃ နာရီလောက်ကြာတော့ မိုးကကျလာတယ်။ အဲ့လိုဆို (၁၂)နာရီပြည့်အောင် မစောင့်ပဲ လူဝင်ပြီး ခူးစားလို့ရမလား?

   မဝင်သင့်ပါဘူး။ ဆေးထုပ်တွေမှာ မြန်မြန်စားချင်ရင် နည်းနည်းပဲသုံးပါဆိုရင်တောင် မဝင်သင့် မစားသင့်ပါဘူး။ ခံစားရမဲ့ အကျိုးရလဒ်က တူတူပါပဲ။ အဲ့တော့ မိုးရွာရွာ မရွာရွာ သေချာအောင်လို့ ကိုယ့်ဖက်က လုပ်နိုင်တာအကုန်လုပ်ပေးပါ။ 

ကျုပ်က ဆေး (၂)မျိုး သုံးထားတယ်။ တစ်ခုက (၁၂) နာရီ စောင့်ခိုင်းတယ်။ တစ်ခုကကျတော့ (၁၅) နာရီစောင့်ခိုင်းတယ်။ အဲ့လိုဆိုရင် ဘယ်အချိန်ပြန်ဝင်ပြီးခူးတာ အကောင်းဆုံးဖြစ်မလဲ? 

   အမြဲတမ်း လုံခြုံစိတ်ချရမှ ဝင်ပါ။ အရှည်ဆုံးကာလကိုရွေးပါ။ PHI တို့ REI တို့ ဆိုတာ အသုံးပြုသူတွေေရော စားသုံးသူတွေကိုရော ဘေးကင်းအောင်လုပ်ထားပေးဖို့ ရည်ရွယ်ပါတယ်။ 

ဒီမယ် ငါ့တူ၊ ဦးစိုက်ခင်းထဲက ငရုတ်သီးတွေက ခူးပြီးရင် ချက်ချင်းစားမှာမဟုတ်ဘူး ပြီးတော့ ငရုတ်သီးခြောက်လုပ်မှာ အဲ့တော့ ဆေးဖျန်းပြီးရင် ခူးလိုက်မယ်လေ

  ဒီမယ် အန်ကန် အဲ့လေ ဦိးလေး မရပါဘူး၊ သူ့အချိန်ရောက်အောင် စောင့်ပေးပါ။ အချိန်မတန်ခင် ဝင်လိုက်ရင် မကုန်သေးတဲ့ဆေးတွေက အသီးတွေမှာ ကပ်ပါသွားရော၊  အဲ့လိုဆိုတော့ စစချင်းပြောခဲ့တဲ့ လက်ခံနိုင်တဲ့ အများဆုံးဓာတ်ကြွင်းပမာဏဆိုတာက မရိတ်ခင်စောင့်ရမဲ့အချိန်အတိုင်း စောင့်မှပဲ ကိုယ်လိုချင်တဲ့ ပမာဏကိုရမှာ။ မဟုတ်ရင် ဦးလေးငရုတ်သီးတွေမှာ လက်ခံလို့ မရတဲ့ပမာဏအထိ ပါသွားတယ်ဆိုရင် စားတဲ့သူတွေ အကုန်လုံးကို ထိခိုက်မယ်။ အဲ့ဒါက ရောင်းထွက်သွားရင် ဖြစ်မဲ့အနေအထား။ တကယ်လို့များ နိုင်ငံခြားကိုတင်ပို့ပြီး ရောင်းမယ်လို့ဆိုထားရင် သူတို့စစ်တာနဲ့ တစ်ခါတည်းကျပြီးတော့ လှည့်ပြန်လာရမှာ အသေအချာပါပဲ။ 

ထွန်းဝင်းကျော်

Reference

“Respecting Preharvest and Restricted Entry Intervals—A Question of Common Sense!”,Compliance, Laboratory Services and Regional Operations Directorate, Pest Management Regulatory Agency,March 2007.

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်