"ငါးပါးနီ (Red snapper fish)"

ငါးပါးနီငါးမှာ ရေအောက်ကြမ်းပြင်နေ (demersal fish)များ ဖြစ်ကြပြီး ရေအောက်ငါးများ၏ ထူးခြားချက်မှာ ငါးစီဖောင်း(swimbladder or fish maw)ပါရှိခြင်းဖြစ်သည်။ ရေအောက်ငါးဖြစ်သော ငါးပါးနီမှာ အရည်အသွေးကောင်းမွန်သော ငါးဖြစ်ပြီး ရခိုင်ကမ်းရိုးတန်းဘက်တွင် တွေ့ရများပါသည်။

ငါးပါးနီဆိုသည်အတိုင်း ငါးအရောင်မှာ အနီရောင်သန်းလျက်ရှိပြီး လှပသည့်ငါးမျိုးစိတ်တစ်ခုလည်း ဖြစ်ပေသည်။ ကမ္ဘာပေါ်တွင် ငါးပါးနီမျိုးစိတ်ပေါင်း(၁၁၃)ခုရှိကြပြီး ငါးပါးနီအမမှာ အသက်(၂)နှစ်ခန့်တွင် သန္ဓေဆောင်ကြသည်။ တစ်ကြိမ်လျှင် ဥပေါင်း(၃)သောင်းခန့် ဥ ဥနိုင်ကြပါသည်။

ငါးပါးနီငါးများမှာ ဆေးဖက်ဝင်သည့် ငါးအမျိုးအစားထဲတွင် ပါဝင်ပြီး ကျန်းမာရေးအတွက် အလွန်ကောင်းမွန်သော ငါးလည်း ဖြစ်ပါသည်။ ကျန်းမာရေးအတွက် ကောင်းကျိုးတွေအပြင် ငါးပါးနီငါး၏ ပင်ကို အရသာမှာ အခြားငါးတွေထက် အသားပိုမိုနူးညံ့ပြီး ပိုချိုသော အရသာကို ခံစားရရှိနိုင်ပါသည်။

ငါးပါးနီငါးတွင် ကျန်းမာရေးအထောက်အကူပြု - (1) Protein and Calories, (2) Calcium, (3) Omega – 3 fatty acid (4) Selenium တို့ပါဝင်ပါသည်။

ငါးပါးနီငါးတွင်

(1) Protein and Calories ပါဝင်မှု 100 g တွင် 128 cal ပါဝင်ပါသည်၊ Protein 26 g နှင့် Cholesterol 47 mg ပါဝင်ပါသည်။ ဒါ့ကြောင့် 2000 Calနှင့် diet လုပ်သူများအတွက် ငါးပါးနီငါးဟာ သင့်တော်ပြီး (၁)ပတ်လျှင် အနည်းဆုံး (၁)ကြိမ် စားသုံးသင့်ပါသည်။

(2) Calcium အနေနှင့် ငါးပါးနီတွင် Vitamin D နှင့် Vitamin E တို့ ကြွယ်ဝစွာ ပါဝင်သဖြင့် အရိုးပွ၊ အရိုးပါးရောဂါများအတွက် အထောက်အကူပြုပါသည်။

(3) ငါးပါးနီငါးတွင် Omega – 3 fatty acid ကြွယ်ဝစွာပါဝင်သဖြင့် နှလုံးရောဂါဖြစ်ပွားမှုနှင့် သွေးတွင်း အဆီဓါတ်များမှုကိုလည်း သိသိသာသာလျှော့ချပေးစေနိုင်ပါသည်။

(4) ငါးပါးနီငါးတွင် လူတို့၏ တစ်နေ့တာ Selenium လိုအပ်ချက် (၇၀) ရာခိုင်နှုန်း ထိ ပါဝင်နေသဖြင့် ခန္ဓာကိုယ်အတွင်း DNAပျက်စီးမှုကြောင့်ဖြစ်စေသည့် ကင်ဆာရောဂါနှင့် နှလုံးရောဂါပျက်စီးမှုကိုလည်း တားဆီးပေးပါသည်။

ငါးပါနီငါးမှာ 1 kg ကို 4000 – 5000 kyats ဝန်းကျင်ရှိပါသည်။ ငါးပါးနီငါးကို ကုန်းဘောင်ကြော်၊ ငါးပါးနီကောင်လုံးကြော်၊ ငါးပါးနီခဲပတ်ငါးကင်၊ ဆားကြမ်းကင်၊ ငါးပါးနီထမင်းကြော်၊ ငါးပါးနီပေါင်း၊ ငါးပါးနီတော့ပုကီ၊ ငါးပါးနီအစပ်ဟင်းများအပြင် ငါးပါးနီငါးကို ကြော်ပြီး BBQ Sauceနှင့် ပြန်ချက်ကာ မန်ကျည်းရည်လေး အုပ်ပါက ငါးမကြိုက်သူထွေတောင် ကြိုက်သွားစေနိုင်သည် ဟုသိရပါသည်။ ဆေးဘက်ဝင်ပြီး အခြားငါးတွေထက် အသားနူးညံ့ကာ အရသာ ပိုချိုသော ငါးပါးနီငါးဖြစ်ပါသည်။

ပင်လယ်ပြာ (ငါးဦးစီးဌာန)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

"ငါးပါးနီ (Red snapper fish)"

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

"ငါးပါးနီ (Red snapper fish)"

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

ရခိုင်ပြည်နယ် ရေချို ငါးဖမ်းလုပ်ငန်း ဥပဒေနှင့် ရေလုပ်သားများ၏လူမှုဘဝ

ပင်းတယမြို့က ပျားမွေးမြူရေးအကြောင်း

နည်းစနစ်သစ်များဖြင့် ကျေးလက်ဒေသ မွေးမြူရေး တိုးတက်ကောင်းမွန်လာခြင်း

{{ post.title }}