ကန်ဘောင်နှင့် ကန်အောက်ခြေပြင်ဆင်ခြင်း

ကန်ဘောင်နှင့် ကန်အောက်ခြေပြင်ဆင်ရန် အရေးကြီးပါသည်။ ကန်ဘောင်ကျိုးလျက်ရှိပါက မိုးရွာချိန်၊ ကန်ရေလျှံချိန်တွင် ကန်အတွင်းရှိ ငါးများသည် ထိုတာဘောင်ကျိုးမှ အပြင်သို့ ထွက်သွားမည် ဖြစ်ပါ သည်။ ထို့အပြင် မွေးမြူထားသောငါးများကို အန္တရာယ်ပေးနိုင်သည့် သားစားငါးရိုင်းများနှင့် အခြားငါးများ နှင့် ပြင်ပမှ ညစ်ညမ်းသော ရေများနှင့် ကန်ရေကိုပျက်စီးစေနိုင်သော အရာများ ကန်တွင်း ဝင်ရောက်လာ နိုင်ပါသည်။ ကန်ဘောင်တွင် ကြွက်တွင်းမှ စ၍ ထူးပေါက်ဖြစ်ပြီး တာဘောင်ကျိုးပျက်နိုင်ပါသည်။ ဂဏန်း၊ ဖား၊ မြွေစသော တိရိစ္ဆာန်များ ခိုအောင်းပြီးမွေးမြူထားသောငါးများကို အန္တရာယ်ပြုနိုင်ပါသည်။

ကန်ဘောင်တွင် ချုံပင်များနှင့် သစ်ပင်ကြီးများပေါက်ရောက်လျက်ရှိခြင်းကြောင့် ဆုံးရှုံးမှုများ

ထိုအပင်များကြောင့် ကန်ရေထုသည် နေရောင်ခြည်ရရှိမှု အားနည်းခြင်း၊ ကန်ဘောင်တွင် လျှောက်သွား ကွပ်ကဲရန် မလွယ်ကူခြင်း၊ မွေးမြူထားသောငါးများကို အန္တရာယ်ပြုမည့် မြွေ၊ ဖား၊ ဖျံ စသော သတ္တဝါများ နှင့် ဗျိုင်း၊ ဒင်ကျီး စသော ငှက်များ ခိုနားနေနိုင်ခြင်း။

တာဘောင်ပြင်ဆင်ခြင်းနှင့် ချုံပင်များ၊ သစ်ပင်များရှင်းလင်းခြင်းနည်းလမ်း

တာဘောင်ကို ခိုင်ခန့်စွာတည်ဆောက်ရန် လိုအပ်ပါသည်။ တာဘောင်ခိုင်ခန့်မှုမရှိခြင်း၊ တူးပေါက်များရှိခြင်းကြောင့် အလွယ်တကူ ကျိုးပဲ့နိုင်ပါသည်။ တာဘောင်ကျိုးပါက ကန်တွင်းမှဖြစ်စေ၊ ပြင်ပမှဖြစ်စေ၊ မြေကြီးကိုယူပြီး ဖြည့်စွက်ပြင်ဆင်ပါ။

ကြွက်တွင်းများ တူးပေါက်များကို ရှာဖွေပြီး မြေကြီးဖို့ခြင်း၊ မြွေများ၊ ကြွက်များမရှိစေရန် ဆောင်ရွက်ခြင်းဖြင့် တာဘောင်ကျိုးခြင်းမှ ကာကွယ်နိုင်ပါသည်။

ကန်တူးဖော်သောနေရာတွင် သဲဆန်သော မြေဖြစ်ပါက ကန်ဘောင်ကို ကျယ်ကျယ်ပြန့်ပြန့်နှင့် ကန်စောင်းအလျှောကို ပိုမို ပြုလုပ်ရပါမည်။

ကန်ဘောင်ပေါ်ရှိ ချုံပင်၊ သစ်ပင်များကို ခုတ်ထွင်ရှင်းလင်းခြင်း၊ မြက်ပင်၊ ဒိုက်ပင်များကို ဖယ်ရှားခြင်း ပြုလုပ်ရပါမည်။

သစ်ပင်ကြီးများမှ အကိုင်းအခက်များသည် ငါးကန်ပေါ်တွင် အုပ်ဆိုင်းလျက်ရှိပါက ထိုအကိုင်းကြီးများကို ခုတ်ရပါမည်။

ကန်ဘောင်ပြုပြင်ရမည့်အချိန်ကာလ

ကန်ဘောင်ပြုပြင်ခြင်း၊ သစ်ပင်ချုံပင် ခုတ်ထွင်ရှင်းလင်းခြင်းကို မိုးရာသီကုန်ပြီး ဆောင်းတွင်းကာလတွင် ပြုလုပ်ရန် ပိုမို သင့်တော်ပါသည်။ (အောက်တိုဘာလ မှ ဒီဇင်ဘာလအတွင်း) ထိုအချိန်တွင် ငါးကန်တာဘောင်မှာ မိုးကာလအတွင်း မိုးရေကြောင့် ပျော့ပြောင်းလျက်ရှိသောကြောင့် မြေသားများ တူးဖော်ရွှေ့ပြောင်းရန် လွယ်ကူပါသည်။ ထိုနည်းတူ သစ်ပင် ချုံပင်များကို ရှင်းလင်းသင့်သောအချိန် ဖြစ်ပါသည်။

ကန်အောက်ခြေပြင်ဆင်ခြင်း

ကန်အောက်ခြေမြေသားသည် အမည်းရောင်ဖြစ်လာပြီး အနံ့ဆိုးများထွက်ပေါ်လာပါက ချက်ခြင်း ပြုပြင် ရပါမည်။ အောက်ခြေတွင် အဆိုပါအမည်းရောင်မြေများသည် (၆)လက်မအထက် ကျော်လွန်နေပါက ကန်အောက်ခြေတပြင် လုံးမှမြေများကို ဖယ်ရှားရပါမည်။ ကန်ရေကို မြေနိမ့်ဘက်တွင် စုစည်းထားပြီး ကုန်းပေါ်နေရာမှမြေဆိုးများကို ဖယ်ရှားပါက မြေပျော့ဖြစ်ရန်လိုအပ်ပြီး လွယ်ကူစွာရှင်းလင်း နိုင်ပါမည်။ ငါးကန်များ၏ မြေအမျိုးအစားအလိုက် နှစ်စဉ် ကန်ကိုအခြောက်လှမ်းသင့်ပါသည်။ မြေကြီးခြောက်ပါက ထွန်တံဖြင့် ထွန်ယက်ခြင်းဖြင့် မြေသြဇာဓာတ် တိုးပွားစေရန်ဆောင်ရွက်ရမည် ဖြစ်ပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...