ဆာဒင်း (သို့) ငါးသေတ္တာငါးရဲ့ ကျန်းမာရေးကောင်းကျိုးများ

07/04/2022 16:30 PM တွင် Zaw Htet Aung Zaw Htet Aung မှ ရေးသား

ဆာဒင်း(sardines)လို့ခေါ်တဲ့ သေးငယ်တဲ့ ဒီငါးလေးတွေကို ငါးသေတ္တာဘူးတွေအတွက် အဓိကထားအသုံးပြုလေ့ ရှိကြပါတယ်။ ဒီငါးလေးတွေဟာ ကျန်းမာရေးနဲ့ ပတ်သက်ပြီး ကောင်းကျိုးတွေရရှိစေနိုင်မယ့် အာဟာရဓာတ်တွေအမြောက်အများ ပါဝင်နေပါတယ်။ 

Sardines ငါးတွေဟာ ကိုယ်ဝန်ဆောင်တွေနဲ့ သက်ကြီးရွယ်အိုတွေအတွက် ပိုမိုသင့်တော်တဲ့ငါးတစ်မျိုးဆိုရင်လည်း မမှားပါဘူး။ Calcium နဲ့ အခြားသော မရှိမဖြစ် အရေးပါတဲ့ အာဟာရဓာတ်တွေဟာလည်း ဒီငါးလေးတွေမှာ ပါဝင်တာမို့ ဆာဒင်းငါးရဲ့ကျန်းမာရေး အကျိုးပြုပုံတွေကို ဖော်ပြပေးလိုက်ပါရစေ။

 

၁။ အိုမီဂါ-၃ ဖက်တီးအက်ဆစ်(Omega -3 Fatty Acid) ကြွယ်ဝခြင်း

 နှလုံးရောဂါကို ကာကွယ်ရာမှာအထောက်အကူပေးတဲ့ omega -3 fatty acid ကို ဆာဒင်းငါးတွေမှာ ပေါကြွယ်ဝစွာ တွေ့ရလေ့ရှိပါတယ်။ ဒါ့အပြင် သွေးခဲခြင်းနဲ့ သွေးပေါင်ချိန်ကျခြင်း အစရှိတဲ့ ရောဂါတွေ ဖြစ်နိုင်ချေကိုလည်း လျှော့ချပေးနိုင်တယ်လို့ ဆိုပါတယ်။

၂။ အသားဓာတ်(Protein) ကြွယ်ဝခြင်း

ကျန်းမာတဲ့အရိုးအဆစ်နဲ့ ကြွက်သားတွေတည်ဆောက်ဖို့အတွက် အရေးပါတဲ့ Protein(အသားဓာတ်) ကိုလည်း ဆာဒင်းငါးတွေကနေ ရရှိနိုင်ပါသေးတယ်။ ပရိုတင်းကတော့ ကျွန်တော်တို့ရဲ့ကိုယ်ခံအားစနစ်ကိုအားကောင်းစေရုံသာမက မရှိမဖြစ်လိုအပ်တဲ့ oxygen ကိုလည်း ခန္ဓာကိုယ်အနှံ့ကို သယ်ယူပို့ဆောင်ဖို့အတွက် တာဝန်ယူဆောင်ရွက်ပေးပါတယ်။

၃။ ဗီတာမင် ( Vitamin)ဓာတ်ကြွယ်ဝခြင်း

ဆာဒင်းငါးတွေဟာ Vitamin-B 12 အတွက် အဓိကအရေးပါတဲ့ ပင်မအရင်းအမြစ်တစ်ခုပါ။ B-12 ဟာ နှလုံးနဲ့သွေးကြောစနစ်တွေကို ပိုမိုအားကောင်းအောင် ကူညီပေးနိုင်ပါတယ်။ ဒါတင်မကပဲ အရိုးအဆစ်ကျန်းမာဖို့အတွက်လိုအပ်တဲ့ Vitamin -D ပမာဏကိုလည်း ဒီငါးတွေကနေတဆင့် လုံလောက်စွာ ရရှိနိုင်ပါတယ်။   

၄။ ကယ်လ်စီယမ်ဓာတ်(Calcium) ကြွယ်ဝခြင်း

 ဆာဒင်းငါးတွေမှာ Calcium ဓာတ် ပေါပေါများများ တွေ့ရလေ့ရှိပြီး နို့ထွက်ပစ္စည်းနဲ့ ဓာတ်မတည့်သူ တွေ၊ အစားအစာမှာ Calcium ဓာတ်လိုအပ်နေသူတွေအတွက်တော့ ဒီငါးဟာ ရွေးချယ်စရာတစ်ခုပါ။

၅။ သတ္တုဓာတ် (Minerals) ကြွယ်ဝခြင်း

ဆာဒင်းငါးတွေမှာ  သံဓာတ်၊ ပိုတက်စီယမ်၊ မဂ္ဂနီစီယမ်၊ ဇင့်၊ ဖော့စ်ဖရပ်  တို့လိုအရေးပါတဲ့ mineral (သတ္တုဓာတ်)တွေ အများအပြား ပါဝင်နေတာကို တွေ့ရှိရပါတယ်။ Minerals ဓာတ်တွေဟာ ခန္ဓာကိုယ်ဖွံ့ဖြိုးစေဖို့နဲ့ လုပ်ငန်းဆောင်တာတွေကို  ပုံမှန်လည်ပတ်စေဖို့အတွက် လိုအပ်တဲ့ အရာတစ်ခုပဲ ဖြစ်ပါတယ်။ 

​Ref: www.healthline.com

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

 


ဗွေဆော်ဦး ကြော်ငြာ
ရောဂါပိုးမွှားတွေ ဝင်မလာနိုင်ဖို့ဆို အားရှိနေမှဖြစ်မှာနော်.. ဒါက လူတွေမှာတင်မဟုတ်ပါဘူး..မွေးမြူထားတဲ့ တိရစ္ဆာန်လေးတွေမှာလည်း အလားတူပါပဲ။ ဆိုတော့ ငါး၊ ပုစွန်မွေးမြူသူတွေအတွက်လည်း.. သူတို့လေးတွေ အားရှိနေဖို့ အားဆေးလေးတွေ ကျွေးပေးဖို့ လိုပါတယ်ရှင့်။ ဒီအတွက် အခက်အခဲလေး ရှိမယ်ဆိုရင်… ‘ဗွေဆော်ဦး’ မှာရှိတဲ့ ‘Aqua Booster’ လေးက ဖြေရှင်းပေးနိုင်ပါတယ်ရှင့်။ Aqua Booster ဆိုတာ… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝ ကမ္မဆိုင်ရာ အာဟာရအားတိုးဆေးမျိုးပါ။ သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်ပြီး ပုစွန်တွေရဲ့ ကျန်းမာ ရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်။ ဇီဝနည်းဖြင့် ဆွေးမြည့်ပျက်စီးပြီး ရေရှည်တည်တံ့တဲ့စွမ်းအင်မျိုးရှိတာကြောင့် ဘယ်လို ရေလုပ်ငန်း မျိုးနဲ့မဆို သင့်တော်ပြီး အမြတ်အစွန်းတိုးပွားစေနိုင်ပါတယ်။ ဘယ်လိုအကျိုးကျေးဇူးတွေ ရှိစေနိုင်လဲ… ပုစွန်များရဲ့ ကျန်းမာရေးကောင်းမွန်စေလို့ အူလမ်းကြောင်းထဲက pH ကို လျှော့ချပေးပြီး ရောဂါဖြစ်စေဘတ်တီးရီးယားများ လျော့ပါးစေ နိုင်ပြီး သဘာဝအကျိုးပြုဘက်တီးရီးယားများ တိုးပွားစေလို့ ကြီးထွားနှုန်းနှင့် ရှင်သန်နှုန်း မြင့်တက်စေခါတယ်။ ဘက်တီးရီးယားဒဏ်ကို အကောင်းဆုံးခံနိုင်ရည်ရှိစေပြီး အစာမှအသားဖြစ်စေနှုန်းနဲ့ ပရိုတင်း ချေဖျက်မှုကို မြှင့်တင်ပေးလို့ အထွက်နှုန်းကိုလည်းတိုးစေနိုင်ပါတယ်။ (ပဋိဇီဝဆေး မဟုတ်လို့ နောက်ဆက်တွဲပြဿနာများလည်းမရှိသောကြောင့် ထုတ်ကုန်တန်ဖိုးလျော့ကျစေမဲ့ ဓာတ်ကြွင်းအာနိသင်များမရှိပါ။) ကဲ...ဘာစဉ်းစားနေဦးမလဲ...ကိုယ့်ရဲ့ ငါး၊ ပုစွန်လေးတွေကို ‘ Aqua Booster’ နဲ့ အားတွေ မြှင့်ပေးလိုက်တော့လေ...။
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်