နှမ်းပင်ခြေပုတ်ရောဂါနှင့် ကာကွယ်နှိမ်နင်းနည်း

08/04/2022 15:54 PM တွင် ဖုန်းမာန်တိုး ဖုန်းမာန်တိုး မှ ရေးသား

အဓိကအားဖြင့် မြေနှင့်နီးသော နေရာများတွင် စဖြစ်သည်။ မဲညိုပုတ်နေသော အကွက်များစ၍ ပြပါသည်။ စိုစွတ်ထိုင်းမှိုင်းလျှင် ပိုဆိုးနိုင်ပါသည်။ 

အရွက်များနှင့် အကိုင်းအခက်များတွင်လည်း မဲညိုပုတ်သော အကွက်များဖြစ်နိုင်သည်။ နှမ်းရိုးမဲရောဂါနှင့် မှားတတ်ပါသည်။ 

အထက်ဖော်ပြပါ ဖိုက်တော့ပ်သိုရာ မှိုရောဂါသည် မိုးနှမ်း မြေအစိုဓာတ် ပတ်ဝန်းကျင်စွတ်စိုသော အခါ ပိုဆိုးပါသည်။ အပင်အပေါ်ပိုင်း အစိတ်အပိုင်းများတွင်လည်း ကျရောက်သည်။ အနက်အစက်သေးသေးလေးများကို ညိုမဲနေသော နေရာများတွင် မတွေ့ရပါ။

ရောဂါအားပေးသော ပတ်ဝန်းကျင်အခြေအနေ

ပေါင်းမြက်များခြင်း၊ အပင်များစိတ်၍စိုက်ထားခြင်း အပင်များကျပ်နေခြင်း၊ မိုးရွာပြီးခါစ သို့မဟုတ် ဆက်တိုက်မိုးရွာသောအခြေအနေများမှာ ရောဂါဖြစ်ပွားလွယ်ပါသည်။

မြေအရမ်းစေးသော စနယ်မြေများ၊ အ​ပေါ်ယံသဲများ၍ အောက်ဘက်တွင် မြေကျပ်လျှင်လည်းဖြစ်နိုင်ပါသည်။ 

ကာကွယ်နှိမ်နှင်းနည်း 

 စပါး၊ ပြောင်း၊ ဂျုံ စသော အပင်တစ်မျိုးမျိုးနှင့် သီးလှည့်စိုက်ပါ။ ရေသွင်းခြင်း၊ အစိုဓာတ်များခြင်းကိုရှောင်ကျဥ်ပါ။ 

ရောဂါဖြစ်နေစဥ် အားတိုးဆေး ရွက်ဖျန်းမြေသြဇာ ဟိုမုန်းများမသုံးရပါ။ သက်သာမှသာလျှင်သုံးရပါမည်။ 

အောက်ပါ ဇယား (၁) မှ မှိုသတ်ဆေး တစ်ခုခု နှင့် ဇယား (၂) မှ မှိုသတ်ဆေး တစ်ခုခုကို တစ်လှည့်စီ ၃ ရက်ခြား ဖျန်းပေးရပါမည်။ 

မှိုသတ်ဆေးများကို အောက်တွင် ရောဂါလက္ခဏာများနှင့်တွဲ၍ စျေးကွက်အမည်များ နှင့် ထုတ်လုပ်ရောင်းချသည့်ကုမ္ပဏီအလိုက်ဖော်ပြပေးထားပါသည်။ 

- ရောဂါသက်သာပါက ဆေးဖျန်းခြင်းကို ရပ်နိုင်ပါသည်။ 

- ဆေးဖျန်းပြီးခါစ အနည်းဆုံး ၆ နာရီအတွင်း မိုးမရွာရပါ။ ရွာပါက ထပ်ဖျန်းရပါမည်။ 

မှတ်ချက် - နိုင်သောဆေးအေအိုင်များမှာ ကုမ္ပဏီအလိုက် ရာနှင့်ချီ၍ ကျန်ရှိပါသေးသည်။ ယခု ဖော်ပြသောဆေးများမှာ ရှာရလွယ်ကူခြင်းနှင့် မြန်မာပြည်တွင် လူသိများသော ဆေးများဖြစ်သောကြောင့်ဖော်ပြခြင်းဖြစ်ပါသည်။ ဆေး၏ အရည်အသွေးများမှာ ကုမ္ပဏီအလိုက်ကွာနိုင်ပါသည်။ 

ကျမ်းကိုး - Diseases of Oilseed crops and CABI 

ရေးသားသူ - ဖုန်းမာန်တိုး (ရေဆင်းရနံ့)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


East West Seed Myanmar ကြော်ငြာ

မြန်မာ့နှစ်ဦးချိန်ခါသမယမှာ တောင်သူဦးကြီးမိတ်ဆွေများနှင့်အတူ မြန်မာပြည်သူပြည်သားအပေါင်း ကျန်းမာချမ်းသာကြပါစေကြောင်း East-West Seed (မြားနီ မျိုးစေ့ ကုမ္ပဏီက. ဆုတောင်းမေတ္တာပို့သ အပ်ပါသည်...တောင်သူဦးကြီးမိတ်ဆွေများ၏အကျိုးကို အစဥ်ရှေးရှုလျှက် မြန်မာ့ရေ မြေ ရာသီဥတု နှင့် ကိုက်ညီမှု အထွက်နှုန်းကောင်းမွန်မှု သီးနှံအရည်အသွေးကောင်းမွန်မှု ပိုးမွှားရောဂါ ဒဏ်ခံနိုင်ရည်ရှိမှု စသည့်အချက်များကို သုတေသနပြု စမ်းသပ်ပြီး အောက်ဖော်ပြပါ အရည်အသွေးမြင့်မျိုးများကို မိတ်ဆက်ပေးလိုက်ရပါတယ် ခင်ဗျာ.........
Read more East West Seed Myanmar Facebook page သို့သွားရန်

ဆွေးနွေးချက်များ

ဆွေးနွေးရန်