“အရသာထူးတဲ့ ‌ရွှေဖီဦး”

လက်ဖက်ခူးဆွတ်တဲ့ အချိန်ပေါ်မူတည်ပြီး လက်ဖက်ရွက်ကို “ရွှေဖီ၊ ခါးကန့်၊ နှင်းတက်” ဆိုပြီး နာမည်လေးတွေ အမျိုးမျိုးပေးကြပါတယ်။

မြန်မာပြည်မှာ နိုဝင်ဘာ၊ ဒီဇင်ဘာ၊ ဇန်နဝါရီ၊ ဖေဖော်ဝါရီလတွေမှာ လက်ဖက်ခူးနားပါတယ်။ အခု မတ်လဆိုရင်တော့ လက်ဖက်ရွက်တွေ စခူးကြပါပြီ။ တချို့နေရာတွေမှာဆို ဖေဖော်ဝါရီလဝက် လောက်မှာ စခူးကြပါတယ်၊၊ နှစ်တနှစ်မှာ ပထမဦးဆုံးခူးတဲ့လက်ဖက်ရွက်ကို “ရွှေဖီ” လို့ သတ်မှတ် ကြ တယ်။ စခူးတဲ့အချိန်ကနေပြီး မိုးမကျခင်ထိ ခူးဆွတ်ရတဲ့ လက်ဖက်ဟာ ရွှေဖီ လက်ဖက်အမျိုးအစား ဖြစ်ပါတယ်။ တချို့ကတော့ ဦးဦးဖျားဖျားခူးထားတဲ့ လက်ဖက်ရွက်မို့ “ရွှေဖီဦး”လို့ တင်စားကြတယ်။ ဂျပန်နိုင်ငံမှာတော့ ပထမဆုံးခူးတဲ့ လက်ဖက်ရွက်ကို ရှင်းချ (နှစ်ဦးလက်ဖက်) လို့ ခေါ်ဝေါ်ကြပါတယ်။

ဆိုတော့ “ရွှေဖီ”ဆိုတာ ဆောင်းတွင်းမှာ ပုန်းနေပြီး အားဖြည့်ထားကြတဲ့ လက်ဖက် အဖူးလေး တွေကနေ ဆောင်းအကုန်၊ နွေဦးမှာ အားမာန်အပြည့်နဲ့ ထိုးထွက်လာကြတဲ့ လက်ဖက်ညွန့်လေးတွေပေါ့။ ဆောင်းတွင်းမှာ ရှိနေတဲ့ မြေကြီး အစိုဓါတ်လေးတွေသောက်သုံး ၊ နေရောင်ခြည်နွေး‌နွေး ၊ ရာသီဉတုအေးအေးလေးမှာ ဖြည်းဖြည်းလေးထိုးထွက်လာကြတဲ့ လက်ဖက်ရွက်လေးတွေဟာ တခြားလက်ဖက်ရွက်လေးတွေနဲ့မတူ တမူထူးခြားနေတာက “ရွှေဖီ”ရဲ့ သဘာဝလို့ ပြောရမလား။

လက်ဖက်ခြောက်/လက်ဖက်စို စတဲ့ လက်ဖက်ထုတ်ကုန်တွေရဲ့ အရည်အသွေး၊ အရသာတွေဟာ လက်ဖက်ပင်အမျိုးအစား၊ လက်ဖက်ပင်ပေါက်ရောက်တဲ့ တောတောင်ရေမြေ အနေအထား၊ ပင်လယ် ရေမျက်နှာပြင်အမြင့်၊ ထုတ်လုပ်တဲ့ နည်းပညာတွေပေါ် မူတည်ပြီး ကွာခြားသလို လက်ဖက်ရွက် ခူးဆွတ်တဲ့ အချိန်ကလည်း အရည်အသွေး၊ အရသာတွေမတူရတဲ့ အကြောင်းရင်းတခုပါ။

ဂျပန်နိုင်ငံရဲ့ နာမည်ကြီးလက်ဖက် ဖြစ်တဲ့ မတ်ချ (Matcha) လက်ဖက်ဟာ ရွှေဖီလက်ဖက် အမျိုးအစားကို သုံးပြီး ပြုလုပ်ကြတယ်လို့ဆိုပါတယ်။ ရွှေဖီလက်ဖက်ရွက်ကို သုံးပြီးထုတ်လုပ်ထားတဲ့ လက်ဖက်ထုတ်ကုန်တွေဟာ တခြားလက်ဖက်တွေထက် အရည်သွေးလည်းကောင်းတယ်၊ စျေးလည်းသာပါတယ်။

တခြားလက်ဖက်တွေနဲ့မတူ ရွှေဖီလက်ဖက်ရဲ့ ထူးခြားချက်တွေကတော့...

အာဟာရဓါတ်ပါဝင်မှုမြင့်မားခြင်း

တခြားအချိန်မှာ ခူးဆွတ်တဲ့ လက်ဖက်ရွက်တွေထက် “ရွှေဖီ”လက်ဖက်မှာ အာဟာရဓာတ် ပါဝင်မှုမြင့်မားပါတယ်။ အထူးသဖြင့် အန်တီအောက်စီးဒန့် ၊ကဖီးဓါတ် ပါဝင်မှု မြင့်မားပါတယ်၊၊ ဆောင်းတွင်းမှာ ကောင်းကောင်းနားပြီး ဆောင်းကုန်ပိုင်း ရာသီဉတု အေးအေးလေးမှာ ဖြည်းဖြည်းချင်းကြီးထွားရတာမို့ ရွှေဖီလက်ဖက်ညွန့်လေးတွေရဲ့ အာဟာရပါဝင်မှု မြင့်မားတယ်လို့ ဆိုကြပါတယ်။

အနံ့အရသာ ထူးကဲခြင်း

“ရွှေဖီ”လက်ဖက် နဲ့ ပြုလုပ်ထားတဲ့ လက်ဖက်ခြောက်၊ လက်ဖက်စိုတွေဟာ အနံ့၊ အရသာ ပိုကောင်း ပါတယ်။ အရသာ ချိုမြမြလေးနဲ့ သင်းပျံ့ပျံ့ ရနံ့လေးဟာ “ရွှေဖီ”လက်ဖက် ရဲ့ ဝိသေသ တခု ဖြစ်ပါတယ်။

ဒါ့အပြင် “ရွှေဖီ”လက်ဖက်ရဲ့ ရွက်သားဟာ တခြားလက်ဖက်ရွက်လေးတွေထက် ပိုထူပါတယ်။

ဒီလို အနံ့အရသာထူးကဲပြီး အာဟာရဓာတ်ပါဝင်မှု မြင့်မားတာကြောင့် ရွှေဖီလက်ဖက်ဟာ လူကြိုက်များပြီး၊ စျေးပိုပေးနေရတာ မဟုတ်ပါလား။

နန်းစုစံ(စိုက်ပျိုးရေး)

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ