အောင်မြင်နေသည့် ဝါးစိုက်ခင်းများကို စနစ်တကျလေ့လာပြီးမှ “ဝါး”စိုက်ပျိုးသင့်

အောင်မြင်နေသည့် ဝါးစိုက်ခင်းများကို စနစ်တကျလေ့လာပြီးမှ “ဝါး”စိုက်ပျိုးရန် ဆုံးဖြတ်သင့်ကြောင်း မြန်မာနိုင်ငံ ဝါး စိုက်ပျိုးရေးအသင်းမှ ပြောသည်။

ဝါး ကို စီးပွားဖြစ် မစိုက်ပျိုးခင်မှာ လက်ရှိမှာအောင်မြင်နေတဲ့ ဝါးစိုက်ခင်းတွေကို အရင်ဆုံး သွားလေ့လာပြီးမှ စိုက်သင့် မစိုက်သင့် ဆုံးဖြတ်ပါ။ ဝါးစိုက်ရင်းနဲ့ သစ်တောသစ်ပင် စိုက်ပျိုးရေးနဲ့ပါ တွဲစိုက်နိုင်ရင် ပိုပြီး အောင်မြင်နိုင်ပါတယ်။

ဟု မြန်မာနိုင်ငံ ဝါး စိုက်ပျိုးရေးအသင်းဥက္ကဌ ဦးကျော်ဝင်း က ပြောသည်။

ဝါးပင်ကို မြန်မာနိုင်ငံရှိ နေရာဒေသအနှံ့အပြား၌ တွေ့ရှိနိုင်ပြီး၊ ယခုအခါ စီးပွားဖြစ် ဝါး စိုက်ခင်းများအနေဖြင့် အများအပြား စိုက်ပျိုးလာကြခြင်း ဖြစ်သည်။

ကချင်ပြည်နယ်၊ ရှမ်းပြည်နယ်၊ ရန်ကုန်တိုင်း၊ ဧရာဝတီတိုင်း၊ မကွေးတိုင်း၊ စစ်ကိုင်းတိုင်း၊ ချင်းပြည်နယ်၊ မွန်ပြည်နယ် စတဲ့ သဘာဝ ဝါးတောတွေကနေ မျှစ်တွေ အလွန်ထွက်ရှိနေတာတောင် မျှစ် စျေးကွက် ပျက်သွားတာမျိုး မကြားရဖူးသေးပါဘူး။ အခုဆိုရင် ကုမ္ပဏီတချို့ကနေ ဝယ်ယူမယ့် အာမခံနဲ့ ဝါး စိုက်ခင်းတွေလည်း ပေါ်ထွက်လို့လာပါပြီ။

ဟု ဦးကျော်ဝင်း က ဆက်လက်ပြောသည်။

ဝါးပင် စိုက်ပျိုးရာတွင် အစေ့မှ မျိုးပွားနည်း၊ သဘာ၀အလျောက်ပေါက်ရောက်မှုမှ ပျိုးထောင်မျိုးပွားနည်း၊ ရိုင်ဇုမ်းပါ မြစ်ဆုံဖြင့် မျိုးပွားနည်း၊  ကိုင်းဖြတ်မျိုးပွား နည်း၊ မြေထုပ်စည်း၍ ကိုင်းကူးမျိုးပွားနည်း၊ တစ်သျှူးမျိုးပွားနည်း စသည့် မျိုးပွားနည်း (၆)မျိုးရှိပြီး တို့ရှိကြောင်း ဝါး စိုက်ပျိုးရေးပညာရှင်များထံမှ သိရသည်။

နန်းထက်ထက်ချစ် (ABM)

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်) 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်