ခေတ်သစ်စိုက်ပျိုးရေး ဝေါဟာရမိတ်ဆက် 

ကျန်းမာတော် မူကြပါစ

        စိုက်ရေးပျိုးရေးဟာ စီးပွားရေးလုပ်ငန်းကြီးတစ်ခုဖြစ်လာတော့ ဒီစီးပွားရေးကိုပဲ နည်းအမျိုးမျိုးနဲ့ စိုက်ပျိုးထုတ်လုပ်လာကြပါတယ်။ စိုက်ပျိုးရေးနည်းစနစ်တွေ အဓိကပြောင်းလဲပြီးတော့ ဈေးကွက်မှာလည်းနေရာယူလာကြပြန်တယ်။ 

ဒီတစ်ခေါက်ကတော့ တောင်သူဦးကြီးတွေ နောက်ကျ မကျန်ခဲ့စေဖို့အတွက် ခေတ်သစ်စိုက်ပျိုးရေးက အခေါ်အဝေါ် တစ်ချို့ကို ရှင်းပြပေးမှာပါ။ ဆိုတော့ စ လိုက်ကြရအောင်။ 

ပထမဆုံးက Aquaculture - အကွာ ကားချား

        Culture (ကားချား) က စိုက်ပျိုးထုတ်လုပ်တာကို ဆိုလိုတာဖြစ်ပြီးတော့ အကွာ (Aqua) ကတော့ ဂရိဘာသာကနေ ဆင်းသက်လာတာဖြစ်ပါတယ်။ စိမ်းပြာရောင် လို့ အဓိပ္ပါယ်ရပါတယ်။ ရေကို တင်စားတာဖြစ်ပါတယ်။ ရေလုပ်ငန်းပါ။ သူက ရေထဲမှာ မွေးရတဲ့ အကောင်တွေ အားလုံးကို အဓိက ရည်ရွယ်ပြီးတော့ မွေးကြတဲ့လုပ်ငန်းဖြစ်ပါတယ်။ ဆိုတော့ ငါးမွေးတယ်ဆိုလည်း အကွာကားချားပါပဲ။ ဂဏန်းမွေးတယ်ဆိုရင်လည်း အကွာကားချားပါပဲ။ ငါးသားပေါက် ဖောက်ပြီးရောင်းတယ်ဆိုလည်း ဒါပါပဲ။ 

        အဲ့တော့ ကျွန်တော်က အကွာကားချား လုပ်နေတယ် ဆိုရင် ရေနဲ့ ပတ်သတ်တဲ့ အကောင်တစ်ကောင်ကောင် မွေးတာ သားဖောက်တာနဲ့ အသားထုတ်ယူတာမျိုးတွေ အားလုံးပါဝင်ပါတယ်။ ကိုယ်က ပုဇွန်ခြောက်ထုတ်ချင်တယ်ဆိုရင် ပုဇွန်မွေးတဲ့ အကွာကားချားသမားကို ရှာပါ။ ကဲ ခုလိုဆိုတော့ သူများ အကွာကားချား လာလုပ်နေရင် ကိုယ်သိပြီပေါ့။ ရေထဲမှာမွေးရတဲ့ စိုက်ရတဲ့ အပင်တွေစိုက်တာကိုလည်း အကွာကားချားပဲနော်။ ရေညှိလိုမျိုး အပင်တွေပေါ့။ 

ဟိုက်ဒရို ပိုးနစ် - Hydroponics 

        ဒါက မြေမဲ့စိုက်ပျိုးနည်းပါ။ ပိုးနစ်-Ponics က စိုက်ပျိုးတဲ့ စနစ်ကိုဆိုလိုပါတယ်။ Hydro - ဆိုတဲ့ ဟိုက်ဒရိုကတော့ ရေပါ။ အပင်တွေစိုက်ပါတယ်။ မြေကြီးမပါပဲစိုက်ပျိုးတာပါ၊ စီးဆင်းနေတဲ့ အာဟာရရေကိုဖန်တီးပြီးတော့ အပင်တွေရှင်သန်အောင်စိုက်ပျိုးတာမျိုးကို ဆိုလိုပါတယ်၊ အဲ့လို ဘာလို့စိုက်သလဲဆိုတော့ မြေကြီးက မြို့ပြလူနေမှုတွေအတွက် ဖန်တီးရင်းနဲ့ စိုက်စရာမြေက ရှားလာပြီ။ ကျန်တဲ့မြေကလည်း စိုက်လို့ပျိုးလို့မရဘူး ပျက်စီးနေတယ်။ အဲ့တော့ နည်းလမ်းတွေရှာရင်းနဲ့ စားနပ်ရိက္ခာဖူလုံဖို့အတွက် အာဟာရထောက်ပံ့ပေးတဲ့ မြေကြီးနေရာမှာ အစားထိုးဖို့ လုပ်တယ်။ အာဟာရရယ် အပင်တွေလိုအပ်တဲ့ လေ ရယ်ကို မြေကြီးအစား ရေနဲ့ ထောက်ပံ့တယ်။ အဲ့လို စိုက်ကြည့်ရင်းနဲ့ နည်းစနစ်တစ်ခု အသစ် ရလာပါတယ်၊ ဟိုက်ဒရိုပိုးနစ်ပေါ့။ 

        အဲ့မှာကျတော့ ရေသုံးပြီး အပင်တွေပဲစိုက်ပျိုးတာပါ။ တစ်ခြားရေနေသတ္တဝါတွေကို ထုတ်လုပ်ရောင်းချတာမျိုး မရှိပါဘူး။ ဟိုက်ဒရိုပိုးနစ် လုပ်နေတယ်ဆိုရင် အာဟာရရည်ကို သုံးပြီးတော့ အပင်တွေ စိုက်ပျိုးထုတ်လုပ်တာမျိုးဖြစ်ပါတယ်။ 

အကွာ ပိုးနစ် - Aquaponics 

        အကွာ ဆိုတာ ခုဏက ပြောတဲ့အတိုင်းဆို စိမ်းပြာရောင်ဖြစ်ပြီးတော့ ပိုးနစ်ကတော့ စိုက်ပျိုးထုတ်လုပ်နည်းစနစ် ဖြစ်ပါတယ်။ သူက အကွာကားချားနဲ့ ဘယ်လိုကွာနေတာလဲဆိုတော့ အကွာကားချားလို ရေနဲ့ ရေနေသတ္တဝါတွေကို ထုတ်လုပ်တာမျိုးချည်းပဲလည်းမဟုတ်ပါဘူး။ ပြီးတော့ ဟိုက်ဒရိုပိုးနစ်လို အာဟာရရည်နဲ့ အပင်တွေ စိုက်ပျိုးထုတ်လုပ်တာချည်းပဲလည်းမဟုတ်ပါဘူး။ (၂)ခုလုံးကို ပေါင်းထားတာပါ။ 

        ငါးတွေမွေးထားမယ်၊ ငါးတွေက ထွက်လာတဲ့ စွန့်ပစ်ပစ္စည်းတွေဟာ အပင်တွေကို ဖြတ်သန်းစီးဆင်းမယ်။ အပင်တွေဆီက ကျတာတွေ (အင်းဆက်ပိုးမွှားနဲ့ သီးရွက် အကြွင်းအကျန်တွေ) ကိုလည်း ငါးတွေစားမယ်၊ ဆိုတာမျိုးနဲ့ ကိုင်းကျွန်းမှီ ကျွန်းကိုင်းမှီ စိုက်တာလိုမျိုးပါ။ အဲ့တော့ သူ့မှာ ငါးလည်းထုတ်တယ်။ အပင်တွေလည်းရပါမယ်။ ဆိုတော့ အကွာပိုးနစ်ကိုလည်း သိပါပြီ။

နိဂုံးချုပ်ဆိုရရင် 

       ရှုပ်ထွေးပြီးတော့ ခက်ခဲတဲ့ စိုက်ပျိုးထုတ်လုပ်ရေးလုပ်ငန်းစဉ်တွေဖြစ်ပါတယ်။ စိုက်ကြည့်ချင်တယ် စမ်းကြည့်ချင်တယ်ဆိုရင် နာမည်လေးတွေ ရိုက်ထည့်ပြီးတော့ ဖုန်းလေးတစ်လုံးနဲ့ အင်တာနက် ထဲမှာ ရှာကြည့်လို့ရပါတယ်။ နည်းစနစ် အတိအကျကြီးတော့ သိရဖို့ ခက်ပါလိမ့်မယ်။ အိမ်မှာ အသေးလေးတွေ စမ်းလုပ်ကြည့်ပါ။ သုတေသနပေါ့။ အောင်မြင်တယ်ဆို အကြီးကြီးတွေ ထိ အောင်မြင်ပါစေ…

တောင်သူဦးကြီးများ ကျန်းမာ ပျော်ရွင်ကြပါစေ။ 

Reference

https://oceanservice.noaa.gov/facts/aquaculture.html

https://portfish.org/aquaponics-vs-hydroponics-vs-aquaculture/

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်