ကြက်သွန်နီကို အကျိုးရှိရှိ အသုံးချနိုင်မယ့် နည်းလမ်းကောင်းများ

26/08/2020 15:00 PM တွင် အစိမ်းရောင်လမ်း အစိမ်းရောင်လမ်း မှ ရေးသား

     ဟင်းချက်စားတဲ့အခါပဲဖြစ်ဖြစ်၊ အသုပ် သုပ်စားတဲ့အခါပဲဖြစ်ဖြစ်၊ အချဉ်ရည် ဆော့စ် ပြုလုပ်တဲ့အခါမှာပဲဖြစ်ဖြစ် မရှိမဖြစ်အရေးကြီးတဲ့အရာကတော့ ကြက်သွန်နီပဲ ဖြစ်ပါတယ်။ ကြက်သွန်နီမှာ ဗီတာမင်နဲ့ သတ္တုဓာတ်များ ကြွယ်ဝစွာပါဝင်ပြီး ဈေး သက်သက်သာသာနဲ့ အလွယ်တကူဝယ်ယူနိုင်တဲ့ အစားအစာဖြစ်တဲ့အတွက်ကြောင့် စူပါအစားအစာလို့တောင် တင်စားခေါ်ဝေါ်ကြပါတယ်။

     ကျန်းမာရေးနဲ့ ညီညွှတ်တဲ့ ထိုစူပါအစားအစာကို ဟင်းချက်ရာတွင်သာမက မီးဖိုချောင်သန့်ရှင်းရေးပြုလုပ်တဲ့အခါပဲဖြစ်ဖြစ်၊ အနံ့အသက်ဆိုးများ ဖယ်ရှားချင်တဲ့အခါပဲဖြစ်ဖြစ် နည်းလမ်းပေါင်းစုံနဲ့ အကျိုးရှိရှိ အသုံးချနိုင်ပါတယ်။

ကြက်သွန်နီကို အသုံးပြုပြီး အကင်မီးဖိုကို သန့်ရှင်းစင်ကြယ်အောင် ပြုလုပ်ပါ

     ဓာတုနည်းနဲ့ ထုတ်လုပ်ထားတဲ့ ဆပ်ပြာတွေကို အသုံးပြုမယ့်အစား ကြက်သွန်နီတစ်ခြမ်းကို အသုံးပြုနိုင်ပါတယ်။

     အရင်ဦးဆုံး ကြက်သွန်နီကို ထက်ခြမ်း ခြမ်းပါ။ အကင်မီးဖိုကို အပူရှိန်ပြင်းပြင်း ပေးပြီးနောက်မှာတော့ ကြက်သွန်နီဖြင့် မီးဖိုကို ပွတ်တိုက်ပေးလိုက်ပါ။ ကြက်သွန်နီရဲ့အရည်ဓာတ်က သင့်ရဲ့အကင်မီးဖိုကို သန့်ရှင်းစင်ကြယ်စေတဲ့အပြင် အကင် ထပ်ကင်တဲ့အခါမှာလည်း အနံ့မွှေးမွှေးလေး သင်းပျံ့နေပါလိမ့်မယ်။

အနံ့အသက်ဆိုးများကို ဖယ်ရှားပေးခြင်း

     အနံ့အသက်ဆိုးများကို ကြက်သွန်နီကို စုပ်ယူပေးနိုင်တဲ့ ဂုဏ်သတ္တိများ ပိုင်ဆိုင်ထားပါတယ်။ ခြေဆီထွက်လို့ ဖိနပ်တွေက နံ့နေတဲ့အခါ ဖိနပ်စင် (သို့) ဖိနပ်ဘီဒိုထဲမှာ ထက်ခြမ်း ခြမ်းထားသော ကြက်သွန်နီ ထည့်ထားလိုက်ပါ။ ကြက်သွန်နီရဲ့အနံ့ ပျောက်သွားတဲ့အခါ အနံ့အသက်ဆိုးလည်း တစ်ခါတည်း ပျောက်သွားပါလိမ့်မယ်။

ရင်ပြည့်ရင်ကယ်ဖြစ်ခြင်း၊ ရင်ပူခြင်းတို့ ခံစားနေရပါက ကြက်သွန်နီ အသုံးပြုပါ

     ကြက်သွန်နီထဲမှာ Quercetin လို့ခေါ်တဲ့ ဓာတုဓာတ်တစ်မျိုး ပါရှိပြီး ထိုဓာတုဓာတ်က ရောင်ရမ်းမှုကို လျော့ချပေးနိုင်ပါတယ်။ ဒါ့ကြောင့် ကိုယ်လက်မအီမသာဖြစ်ပြီး နာမကျန်းဖြစ်တဲ့အခါ ကြက်သွန်နီများများ စားသုံးပေးနိုင်ပါတယ်။ စွပ်ပြုတ် ပြုတ်သောက်တဲ့အခါ ကြက်သွန်နီ များများ ထည့်ပြုတ်ပေးလိုက်ပါ။ ဒါ့အပြင် ကြက်သွန်နီက နားကိုက်ခြင်း၊ အရေပြား ယားယံခြင်းတို့ကိုပါ သက်သာပျောက်ကင်းစေပါတယ်။

ကြက်သွန်ကွင်း အသုံးပြုပြီး ကြက်ဥကြော်ပါ

     ကြက်ဥ Half-Fried ကြော်တဲ့အခါ အနားသတ်များကို ဝိုင်းဝိုင်းတိတိလေး ဖြစ်ချင်တယ်ဆိုရင်တော့ ကြက်သွန်ကွင်းအသုံးပြုပြီး ကြော်ပေးလိုက်ပါ။

ထောပတ်သီး ကြာရှည်ခံဖို့အတွက် ကြက်သွန်နီအသုံးပြုပါ

     လှီးဖြတ်ပြီးသား ထောပတ်သီးက လေနဲ့ထိတွေ့တဲ့အခါ ဓာတ်တိုးမှုကြောင့် အပုပ်မြန်တတ်ပါတယ်။ ဒါ့ကြောင့် ထောပတ်သီး တစ်ခြမ်းပဲ အသုံးပြုပြီး ကျန်တစ်ခြမ်းကို တာရှည်ခံစေချင်တယ်ဆိုရင်တော့ ကြက်သွန်နီနဲ့အတူတူ သိမ်းထားပေးလိုက်ပါ။ ကြက်သွန်နီက ထုတ်လွှတ်တဲ့ ဆာလဖာဓာတ်ငွေ့က ဓာတ်တိုးမှုဖြစ်စဉ်ကို ရပ်တန့်သွားစေပြီး ထောပတ်သီး ပုပ်မသွားအောင် ကူညီပေးပါတယ်။

MyFood Myanmar Website မှ ပြန်လည်ကူးယူဖော်ပြပါသည်။ 

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်

 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်