ဘက်စုံပိုးမွှားရောဂါကာကွယ်နှိမ်နင်းရေး (IPM)

"ဘက်စုံပိုးမွှားကာကွယ်နှိမ်နင်းရေးဆိုတာ စီးပွားရေး၊ ကျန်းမာရေးနဲ့ ပတ်ဝန်းကျင် အန္တရာယ်တွေကို လျော့နည်းစေတဲ့ နည်းလမ်းနဲ့ ဇီဝနည်း၊ စိုက်ပျိုးရေးနည်း၊ ရူပနည်းနဲ့ ဓါတုနည်းတွေနဲ့ ဖျက်ပိုးတွေကို ကာကွယ်နှိမ်နင်းဖို့ ရေရှည်တည်မြဲတဲ့ နည်းလမ်းဖြစ်ပါတယ်"

ဘက်စုံပိုးမွှားကာကွယ်နှိမ်နင်းရေး၏ ရည်ရွယ်ချက်များ

    • ဓါတုပိုးသတ်ဆေးအသုံးပြုမှုလျှော့ချရေး

    • ပတ်ဝန်းကျင် ကျန်းမာရေး

    • ဖျက်ပိုးအန္တရာယ် အနည်းဆုံးဖြစ်ရေး

    • အကျိုးအမြတ်ရရှိရေး

    • ဘေးကင်းသော အစားအစာထုတ်လုပ်ရေး

ဘက်စုံပိုးမွှားကာကွယ်နှိမ်နင်းရေး၏ အခြေခံသဘောတရားများ

    • အဓိကဖျက်ပိုးများနှင့် အကျိုးပြုသက်ရှိများကို အမျိုးအစားခွဲခြားခြင်း

    • ကာကွယ်နှိမ်နင်းရေးယူနစ်တစ်ခုဖြစ်သော စိုက်ပျိုးရေးဂေဟစနစ်ကို သတ်မှတ်ခြင်း

    • ကာကွယ်နှိမ်နင်းရေးနည်းဗျူဟာကို ဖွံ့ဖြိုးစေခြင်း

    • စီးပွားရေးအရ ထိခိုက်နိုင်မှုအဆင့်ကို သတ်မှတ်ခြင်း

    • စိစစ်သုံးသပ်ရေးနည်းပညာများကို ဖွံ့ဖြိုးစေခြင်း

    • ကြိုတင်ခန့်မှန်းနိုင်သော ဖျက်ပိုးမော်ဒယ်များ ဖြစ်ပေါ်လာမှုကို ဖော်ပြခြင်း

ဘက်စုံပိုးမွှားကာကွယ်နှိမ်နင်းရေး၏ လက်နက်များ

စောင့်ကြည့်စစ်ဆေးခြင်း -  ဖျက်ပိုးများလာရောက်နိုင်ရာလမ်းကြောင်းတွေနဲ့ ဖြစ်နိုင်ဖွယ် ပျက်စီးမှုတွေကို စောင့်ကြည့်ပါ။ ဒီလိုလုပ်တာဟာ လက်ရှိဖျက်ပိုးတွေနဲ့ သီးလှည့်စိုက်ပျိုးမှုအကြောင်း ဗဟုသုတကို ရစေပြီး ဖျက်ပိုးကာကွယ်နှိမ်နင်းရေး နည်းလမ်းတွေအတွက် အကောင်းဆုံးဖြစ်နိုင်ဖွယ် ပေါင်းစပ်ခြင်းတွေကို ရွေးချယ်ရာမှာ အကူအညီရစေပါတယ်။

ဖျက်ပိုးခံနိုင်ရည်ရှိမျိုးများ - ဖျက်ပိုးခံနိုင်ရည်ရှိရန်အတွက် မျိုးစပ်ခြင်းဟာ ဆက်တိုက်လုပ်ရမဲ့ လုပ်ငန်းစဉ်ဖြစ်ပါတယ်။ အဓိကဖျက်ပိုးတွေကို ကာကွယ်နှိမ်နင်းစေနိုင်ဖို့  မျိုးစပ်ပြီးရွေးချယ်ခြင်းဖြစ်သည်။ 

စိုက်ပျိုးနည်းဖြင့် ကာကွယ်နှိမ်နင်းခြင်း - ဖျက်ပိုးကို ခံနိုင်ရည်ရှိတဲ့ သီးနှံပတ်ဝန်းကျင်ကို ပြုလုပ်တဲ့ သီးနှံထုတ်လုပ်ရေး အလေ့အထတွေ ပါဝင်ပါတယ်။ သီးလှည့်စိုက်ပျိုးခြင်း၊ မြေဖုံးပင်စိုက်ပျိုးခြင်း၊ စိုက်တန်းအကွာအဝေးနှင့် ပင်ကြားတန်းကြား၊ စိုက်ပျိုးသည်နေ့နှင့် ရိတ်သိမ်းသည့်နေ့၊ သီးနှံဟောင်း အကြွင်းအကျန်များကို ဖျက်စီးခြင်းတို့ဟာ ဥပမာအချို့ဖြစ်ကြပါတယ်။ 

လက်အားဖြင့်ကာကွယ်နှိမ်နင်းခြင်း - လက်အားဖြင့်ကာကွယ်နှိမ်နင်းခြင်းဟာ ဖျက်ပိုး၏ အပြုအမူအပေါ်အခြေခံပါတယ်။ လက်နဲ့ကောက်ယူခြင်း၊ ငှက်နားကိုင်းများထားခြင်း၊ ကောက်ရိုးဖုံးခြင်းနဲ့ ထောင်ချောက်ဆင်ခြင်းတို့ဟာ ဥပမာအချို့ဖြစ်ပါတယ်။

ဇီဝနည်းဖြင့်ကာကွယ်နှိမ်နင်းခြင်း - ဇီဝနည်းဖြင့်ကာကွယ်နှိမ်နင်းခြင်းမှာ အင်းဆက်သားရဲကောင်တွေ၊ ကပ်ပါးပိုးမွှားတွေ၊ ရောဂါတွေနဲ့ ပေါင်းတွေကိုစားတဲ့ သက်ရှိတွေလို သဘာဝရန်သူတွေကို အမြောက်အမြားလွှတ်ခြင်းနဲ့ ထိန်းသိမ်းခြင်းတို့ ပါဝင်ပါတယ်။ ဘက်စုံပိုးမွှားကာကွယ်နှိမ်နင်းရေး အစီးအစဉ်တွေမှာ ဒေသရှိသဘာဝရန်သူတွေကို ထိန်းသိမ်းပြီး ဒေသကမဟုတ်တဲ့ သက်ရှိတွေကို အကြီးအကျယ် သတိထားပြီး လွှတ်ရပါသည်။ 

ဓါတုနည်းဖြင့်ကာကွယ်နှိမ်နင်းခြင်း - ဖျက်ပိုးတွေကို အထက်ပါနည်းလမ်းတွေနဲ့ ကာကွယ်နှိမ်နင်းမှု မလုပ်နိုင်တော့တဲ့အခါ ဖျက်ပိုးအရေအတွက်ကို စီးပွားရေးထိခိုက်နိုင်မှုအဆင့်အောက်ကို ထိန်းထားနိုင်ဖို့ ပိုးသတ်ဆေးတွေကို  အသုံးပြုကြပါတယ်။ ဒီနည်းကို ဖျက်ပိုးတွေရဲ့ ဖျက်ဆီးမှုက ထိခိုက်နိုင်မှုအဆင့်နား ကပ်လာတဲ့အခါမှသာ အသုံးပြုရပါတယ်။ 

ဒေါက်တာကိုကို (စိုက်ပျိုးရေး)

ဒေါက်တာကိုကို၏စိုက်ပျိုးရေးဆောင်းပါးများလေ့လာရန်

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်