ကုလားပဲနှင့် ကျန်းမာရေး

ကုလားပဲမှာ အာဟာရဓာတ်ကြွယ်ဝစွာပါရှိပြီး အထူးသဖြင့် အသားဓာတ်နှင့် ကစီဓာတ်တို့ အဓိကပါဝင်ကြပါတယ်။ ကုလားပဲကို စျေးနှုန်းချိုသာစွာ အလွယ်တကူ ဝယ်ယူရရှိနိုင်သလို အမဲသားနဲ့ ကုလားပဲမှာ တူညီတဲ့အာဟာရဓာတ် ပါရှိတာကြောင့် ကုလားပဲကို ဆင်းရဲသား အမဲ(Poor Man’s Beef) လို့တောင် တင်စားခေါ်ရတယ်လို့ ဆိုပါတယ်။ သက်သတ်လွတ် အမြဲစားသူတွေအနေနဲ့ ကုလားပဲကို မဖြစ်မနေ စားပေးသင့်ပါတယ်။

ကုလားပဲမှာ ခန္ဓာကိုယ်ကြီးထွားဖို့အတွက် မရှိမဖြစ် လိုအပ်တဲ့ အသားဓာတ် ကြွယ်ဝစွာပါဝင်ပါတယ်။ လူသားတို့အသက်ရှင်ရေးအတွက် ဒုတိယမြောက် အရေးကြီးဆုံးဓာတ်မှာ အသားဓာတ် ဖြစ်ပါတယ်။ ခန္ဓာကိုယ်တောင့်တင်းရေး၊ အသားတည်ဆောက်မှု အားပေးရေး၊ သွေးသားဆူဖြိုးတိုးတက်စေရေး၊ ဦးနှောက်၊ နှလုံးအသားမျှင်များ၊ ကျောက်ကပ်နှင့် အကြောများမပျက်စီးစေရန်နဲ့ ရောဂါအလွယ်တကူ မဝင်ရောက်စေရန် ကာကွယ်ရေးလုပ်ငန်းများကို အသားဓာတ်က တာဝန်ယူ ဆောင်ရွက်ပေးပါတယ်။

ဒါ့အပြင် ကုလားပဲမှာ ကစီဓာတ်(ခေါ်)ကာဗိုဟိုက်ဒြိတ်လည်း ပါဝင်ပြီး ထိုဓာတ်ကို ကော်ဓာတ်လို့လည်း ခေါ်ကြပါတယ်။ ကစီဓာတ်က ခန္ဓာကိုယ်ကြီးထွားရေးအတွက် မဖြစ်မနေ လိုအပ်သကဲ့သို့ သွားလာလှုပ်ရှားမှုနှင့် အသက်ရှင်နေထိုင်မှုတို့အတွက် အင်အားအများဆုံးပေးတဲ့ ဓာတ်လည်း ဖြစ်ပါတယ်။ ထိုမျှသာမက ကုလားပဲက ပင်ပန်းနွမ်းနယ်မှုကိုပြေပျောက်စေ၍ ခန္ဓာကိုယ်ကြီးထွားမှု၊ သွေးသားညီညွှတ်မှုတို့ကိုလည်း ကစီဓာတ်က စွမ်းဆောင်ပေးပါတယ်။

မြန်မာ့ဆေးကျမ်းတွင် ကုလားပဲသည် အေး၏။ အဆီသြဇာမရှိ။ သွေး၊ သည်းခြေ၊ သလိပ်တို့ကို နိုင်၏။ ကြေလွယ်၏။ စဥ်းငယ်ဖန်၏။ ဝမ်းချုပ်၏။ လေကိုပျက်စေ၏။ အဖျားကိုနိုင်၏။ လို့ဆိုထားပါတယ်။ ကုလားပဲကို လှော်သည်ဖြစ်စေ၊ ကြော်သည်ဖြစ်စေ ဤအကျိုးကိုရ၏။ အစိမ်းအတိုင်းလှော်သော ကုလားပဲသည် အားကိုပြုတတ်၏။ နှုတ်ကိုမြိန်စေတတ်၏။ အခြောက်ကိုလှော်အပ်သော ကုလားပဲသည် အဆီသြဇာမရှိ။ လေနူနာတို့ကို ပွားစေတတ်၏။ ပြုတ်၊ပေါင်းအပ်သော ကုလားပဲသည် သလိပ်သည်းခြေကို နိုင်၏။ ကုလားပဲဟင်းသည် စိတ်နှလုံးတုန်လှုပ်ခြင်းကို ပြုတတ်၏ လို့ ဆိုထားပါတယ်။

ဒါ့အပြင် ကုလားပဲစိမ်းသည် နူးညံ့၏။ နှုတ်ကိုမြိန်စေတတ်၏။ သည်းခြေ၊ သုက်တို့ကို နည်းစေတတ်၏။ အေး၏။ ဖန်၏။ လေကိုပျက်စေတတ်၏။ ဝမ်းချုပ်၏။ သလိပ်သည်းခြေကို နိုင်၏။ ကြေလွယ်၏ စသဖြင့်လည်း ဆိုထားပါတယ်။

ယခုလို ကုန်စျေးနှုန်းကြီးမြင့်နေတဲ့ကာလမှာ ကြက်ဥနည်းတူ အာဟာရပြည့်ဝစေတဲ့ ကုလားပဲကို စျေးချိုချိုနဲ့ အလွယ်တကူဝယ်ယူပြီး အစားထိုးစားနိုင်ပါတယ်။

ကုလားပဲကို ပဲထမင်းချက်စားလို့ရသလို အသားဖြင့် ရောပြီးလည်း ဆိတ်ပဲ၊ ကြက်ပဲ ဟင်းချက်စားကြပြီး သက်သတ်လွတ်စားသူများအနေဖြင့်လည်း အသားဓာတ်ပြည့်ဝသော ကုလားပဲကို ကုလားပဲဆီပြန်ဟင်း၊ ကုလားပဲ အာလူးဆီပြန်နှပ်၊ ကုလားပဲဟင်းချို၊ ကုလားပဲခြမ်းကြော်၊ ဘယာကြော်၊ သီးစုံပဲကုလားဟင်း စသဖြင့် ပြုလုပ်စားလို့ ရပါတယ်။

သတိပြုရန်အနေဖြင့် အဆစ်အမြစ်ကိုက်၍ ဂေါက်(gout)ရောဂါရှိသူများ၊ အစာမကြေရောဂါနှင့် ကိုယ်ဖောကိုယ်ရောင် ရောဂါရှိသူများအနေဖြင့် အလွန်အကျွံ မစားသင့်ဘဲ သင့်တင့်မျှတရုံမျှသာ စားပေးသင့်ပါကြောင်း လေ့လာရေးသားလိုက်ရပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...