ကာဘာမိတ်အုပ်စု ပိုးသတ်​ဆေးများနှင့် ၎င်းတို့ရဲ့ အာနိသင်များ

ပိုးသတ်ဆေးအသုံးပြုသူများအနေဖြင့် မိမိသီးနှံစိုက်ခင်းတွင် ဖျက်ပိုးများ ဆိုးဝါးလာပါက ပိုးသတ်ဆေးအုပ်စုများကို အလှည့်ကျ အသုံးပြုရပါမယ်။

ဆေးအုပ်စု ai များကို

၁။ ပိုင်ရီသရွိုက် အုပ်စုဝင်ဆေးများ

၂။ ကာဘာမိတ် အုပ်စုဝင်ဆေးများ

၃။ အော်ဂင်နိုဖော့စဖိတ် (OPI) အုပ်စုဝင်ဆေးများ

၄။ အော်ဂင်နိုကလိုရင်း အုပ်စုဝင်ဆေးများ

၅။ နိယိုနီကိုတီနွိုက် အုပ်စုဝင်ဆေးများ

၆။ ဖီနိုင်းပိုင်ရာဇိုး(phenylpyrazole)အုပ်စုဆေးများ...စသဖြင့် သိထားမှသာ အလှည့်ကျအသုံးပြုနိုင်ပါလိမ့်မယ်။

(ပိုးတစ်မျိုးတည်းကို အေအိုင် ထပ်ကာထပ်ကာ ဖျန်းခြင်း(Repeat spraying)က ဖျက်ပိုးကို ခုခံစွမ်းအား(Resistance power) မြင့်မားစေပါတယ်။)

သို့ပါသောကြောင့် ယခုတစ်ပတ် ကာဘာမိတ် အုပ်စုဝင်ပိုးသတ်ဆေးများအကြောင်းကို အစိမ်းရောင်လမ်းက မိတ်ဆွေတွေအတွက်ကောက်နုတ်တင်ပြလိုက်ရပါတယ်။

ကာဘာမိတ်အုပ်စုဝင် ပိုးသတ်ဆေး ai များ

ကာဘာမိတ်အုပ်စုဆေးရဲ့ အလုပ်လုပ်ပုံက acetylchlinesterase (ACHE)ကို တိုက်ခိုက်တာခြင်းမှာ အော်ဂင်နိုဖော့စဖိတ်နဲ့ အတူတူပါပဲ။

carbamateအုပ်စုဝင် Carbaryl ကို 1956 ခုနှစ်မှာ American Union Carbide ကုမ္ပဏီကနေပြီးတော့ ပထမဆုံး အောင်မြင်တဲ့ စီးပွားဖြစ် ပိုးသတ်ဆေးအဖြစ် စျေးကွက်ကို ဖြန့်ချိခဲ့ပါတယ်။

ကာဘာမိတ်အုပ်စုများသည် လူနဲ့ သဘာဝပတ်ဝန်းကျင်ကို ထိခိုက်မှုနည်းခြင်း
သီးနှံပင် ပန်းပွင့်ချိန် ဆေးဖျန်းနိုင်ခြင်း
သံးနှံပင် ထိခိုက်လောင်ကျွမ်းမှုနည်းခြင်း
အခြားဆေးအုပ်စုများနှင့် ရောစပ်ဖျန်းပက်နိုင်ခြင်း..
ဝါ၊ သစ်သီးဝလံ၊ ဟင်းသီးဟင်းရွက်များ၊ လယ်ယာသီးနှံများစသည်တို့တွင် ကျယ်ပြန့်စွာအသုံးပြုနိုင်ခြင်းတို့ကြောင့် အလွန်အသုံးဝင်တဲ့ ဆေးအုပ်စုဖြစ်ပါတယ်။

#စျေးကွက်ဝင်ဆေးအမည်များ

၁။ ကာဘိုဖျူရန် ၃-ဂျီ(Carbofuran 3-G)

မီသိုမိုင်း(Methomyl) (ကန့်သတ်ပိတ်ပင် ပြီး..)

(စပါးနီမတုတ်၊ မြေအောင်းပိုးများနဲ့ ငမြောင်တောင်များကို ကာကွယ်နှိမ်နင်းရာမှာ အသုံးများပါတယ်)

၂။ ကာဘရိုင်း(Carbaryl)

စျေးကွက်ဝင်အမည်များ -

(ဗိုက်တာဘရိုင်း၊ အာမို ရိုက်ဒါ၊ ပီလာဗင်၊ အမ်-ကာဘရိုင်း၊ ရူပ ဘရိုင်း..)

အာနိသင် = ထိသေ၊ စားသေ၊ ပင်လုံးပြန့်(အနည်းငယ်)

အသုံးပြုပုံ

သရက်၊ စပျစ်၊ လိမ္မော်၊ သံပရာနဲ့ သခွားမျိုးရင်းများနဲ့ လယ်ယာသီးနှံများတွင်ကျရောက်သော ကျိုင်းကောင်များ၊ ကိုက်စားပိုးများကို အပင်သက်တမ်းတလျှောက် အသုံးပြုနိုင်ပါတယ်။

(ဆေးနှုန်းထား= ရေ၄ဂါလံ/၆၀-၈၀ဂရမ်)

၃။ ဘီပီအမ်စီ(ဖီနိုဗျုကပ်ဘ်)(BPMC)

စျေးကွက်ဝင်အမည်=(ဗိုက်တာဂရို....) စပါးခင်း ဖြုတ်သတ်ဆေး၊

အာနိသင် = ထိသေ၊ စားသေ

အသုံးပြုပုံ

- ဘူး၊ ဖရုံ၊ သခွားကျိုင်းများ

- ခရမ်း၊ ငရုတ်၊ ဝါ၊ ရုံးပတီခင်းရှိ ဖြုတ်စိမ်းများနဲ့

- လှေးကျိုင်းများကို နှိမ်နင်းရာမှာ အသုံးပြုနိုင်ပါတယ်။

(ဆေးနှုန်းထား = ရေ၄ဂါလံ/ ၄၀ စီစီ)

၄။ ကာဘိုဆာလ်ဖန်(Carbosulfan)

စျေးကွက်ဝင်အမည် = အာမိုဘော့စ်၊ ဘီနိဖစ်၊ ကောင်တာ၊ ဒိုင်းနမိုက်၊ ဖိုင်းယား၊ မာရှယ်၊ ရူပ ရန်ဘို၊ ရွှေဆန်းဖန်၊ GC- Bazuka၊ ဖာတီဆာလ်ဖန်

အာနိသင် = ထိသေ၊ စားသေ၊ ပင်လုံးပြန့်

အသုံးပြုပုံ

- စပါးဆစ်ပိုး၊ ရွက်စားပိုးများ၊ နီမတုတ်များ

- ဟင်းသီး/ရွက်စိုက်ခင်းများတွင် ကျရောက်တတ်သော မြေအောင်းပိုးများ

- မြေပဲ၊ ပဲတီစိမ်း၊ ဝါ၊ ငရုတ် ၊ ဖိုးလမင်းကျိုင်းများ

- သစ်သီးဝလံတို့၏ ပင်စည်ထိုးပိုး၊ ဖြုတ်စိမ်း၊ အကြေးပိုးများ၊ နီမတုတ်များကို နှိမ်နင်းရာမှာ အသုံးပြုနိုင်ပါတယ်။

ဆေးနှုန်းထား = ရေ၄ဂါလံ/ ၄၀စီစီ

(မြေအောင်းပိုးအတွက်= ၆၀-၈၀ စီစီ ဖျန်းပါ)

၅။ ဘန်ဖျူရာကပ်(Bebfuracarb)

စျေးကွက်ဝင်ဆေးအမည်= အာမိုလော့ကင်

အာနိသင် = ထိသေ၊ စားသေ၊ ပင်လုံးပြန့်

အသုံးပြုပုံ

- စပါး မြစ်ဖုနီမတုတ်များ၊ လှေးကျိုင်းများ၊ ပိုးလောင်မီး

- မြေပဲ၊ ပဲမျိုးစုံ၏ မြေအောင်းပိုးများ

- ကြံ၊ ပြောင်းတို့၏ အမြစ်ပိုးများတို့ကို ဖျူရာဒန် ၃ ဂျီကဲ့သို့ အသုံးပြုနိုင်ပါတယ်။

ဆေးနှုန်းထား = စိုက်ခင်းမြေပြင်ချိန်တွင် = ၁ ဧက /၁ ကီလိုဂရမ်

မျိုးစေ့လူးခြင်း = မျိုးစေ့ ၁၀၀ ကီလို/၁ကီလိုဂရမ်

အပင်ဖျန်းခြင်း = ၁ဧက/၁ကီလို (ဟင်းသီး/ရွက်၊ သစ်သီးပင်များအတွက်)

၆။ သိုင်အိုဒီကပ်ဘ်(Thiodicarb)

စျေးကွက်ဝင်အမည်များ = အာမိုသိုင်အို၊ လယ်ဗယ်၊ လစ်ဗာတီ၊ မိုင်း၊ အမ်-သိုင်အိုဒီကပ်၊ အေပက်၊ ရှင်း၊ အိုဆာကာ၊ ရူပ-ကပ်ဘ်၊ ကေအို။

ဆေးအာနိသင်= ထိသေ/စားသေ (ခရု၊ ပက်ကျိသတ်ဆေးအဖြစ်အသုံးပြုနိုင်ပါတယ်)

အသုံးပြုပုံ

- စပါး၊ ပြောင်း၊ ပဲပုပ်၊ ဝါနှင့် ဟင်းသီး/ရွက်၊ သစ်သီးဝလံများတွင် ကျရောက်သော ငမြှောင်တောင်၊ သီးလုံးဖောက်ပိုး (Lepidoptera များ)

- နှံကောင်၊ ကျိုင်းအုပ်စု(Coleoptera များ)

- သရက်၊ ဆီးသီး၊ စပျစ်တို့၏ သီးထိုးခြင်/ယင်အုပ်စု (Diptera..များ) နှိမ်နင်းရာတွင် အသုံးပြုနိုင်ပါတယ်။

ဆေးနှုန်းထား = ရေ၄ဂါလံ/၄၀စီစီ

၇။ ဖော်မီတနိတ် ဟိုက်ဒြိုကလိုရိုဒ် (formetanate hydrochloride)

စျေးကွက်ဝင်အမည် = ဒိုင်ကာဇော

ဆေးအာနိသင် = ထိသေ/စားသေ (လှေး၊ မွှားပင့်ကူသတ်ဆေး)

အသုံးပြုပုံ

- ဟင်သီး/ရွက် ၊ သစ်သီးဝလံများနဲ့ ငရုတ်၊ ကြက်သွန်ခင်းများတွင် ကျရောက်သော လှေး၊ မွှားပင့်ကူများ နှိမ်နင်းရာတွင် အသုံးပြုနိုင်ပါတယ်။

ဆေးနှုန်းထား= ရေ၄ဂါလံ/ဆေး ၅၀-၈၀ ဂရမ်

စေတနာများစွာဖြင့်

ဦးသာပို

ကိုးကား>> NIH National Library of Medicine NCBI

Dr win than(Phd plant pathology) and own record.

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...