အစိမ်းရောင်လမ်းပျပိုး အကောင်ငယ်များနှင့် အကောင်ကြီးများသည် အရွက်ဖူးများနှင့် အရွက်များအောက်ဘက်မျက်နှာပြင်မှ သစ်ရည်များကို စုပ်ယူပြီး စုဝေးစားသောက်မှုကြောင့် အရွက်များ တွန့်ခြင်း၊ လိန်ခြင်းများ ဖြစ်ပေါ်စေသည်။ အပင်ကြီးထွားမှု ရပ်တန့်စေသည်။ ပျပိုးများသည် သူ၏ ခန္ဓာကိုယ်မှ စစ်ထုတ်လိုက်သော အချိုရည်များ ပေါ်တွင် ရှင်သန်ကြီးထွားလာသည့် အမဲရောင်မှို (Sootymould) ကြပ်ခိုးမှိုများကိုတွေ့ရသည်။ ထိုကြပ်ခိုးမှိုများ တည်ရှိမှုကြောင့် အသီး၏ အရည်အသွေးကို ဆိုးဆိုးရွားရွား ထိခိုက်စေသည်။ ခြောက်သွေ့သော ရာသီဥတုတွင် အဓိကဆိုးရွားစွာ ကျရောက် ဖျက်ဆီးသည်။ ပျပိုးသည် ဗိုင်းရပ်(စ်)များကို သယ်ဆောင်ကာ အပင်အား ဗိုင်းရပ်(စ်) ရောဂါများကို ဖြစ်စေသည်။
ကာကွယ်နှိမ်နှင်းနည်းများ
- ခံနိုင်ရည်ရှိသောမျိုးကို စိုက်ပျိုးပါ။
- ပျပိုး ကျရောက်နေသော အရွက်နှင့် အကိုင်းများကို ဖျက်ဆီးပါ။
- စားဖိုပြာကို ဇကာချ၍ ပြာနုနု ရယူကာ အပင်များကို ပက်ဖြူးပေးပါ။
- ပင်ကြွင်းပင်ကျန်းများ၊ ပေါင်းမြက်များအား မီးရှို့ဖျက်ဆီးပါ။
- ငရုတ်သီးမှည့် ၁၂ တောင့်ကို ထုထောင်း၍ တမာစေ့ကြိတ်ရည်တွင် ရောစပ်၍ သမအောင်မွှေပေးပါ။ ပြီးလျှင် ပိတ်ပါးစဖြင့် စစ်ချ၍ ညှစ်ယူပြီး ပက်ဖျန်းပါ။
- စိုက်ဘောင်များအား မီးခိုးရောင် ပလတ်စတစ်များ ဖုံးအုပ်ထားခြင်းဖြင့်နေရောင်မှ အလင်းပြန်ခြင်းကြောင့် ပျပိုးကျရောက်မှုမှ ကာကွယ်နိုင်သည်။
- ဆပ်ပြာရည် ၃၀ မီလီလီတာကို ရေ ၅ လီတာဖြင့် ရောစပ်ကာ ဆပ်ပြာဖျော်ရည်အဖြစ် ပက်ဖျန်း ကာကွယ်နိုင်သည်။
- ပျပိုးများ ကျရောက်လာပါက တမာပိုးသတ်ဆေး (၄၀-၆၀ စီစီ/ရေ ၁ ဂါလန်) နှုန်း (သို့) (အဘာမက်တင်-Abamectin) နှုန်းနှင့်(၅) ရက်တစ်ကြိမ်ပက်ဖျန်းနိုင်သည်။
- ဆိုးရွာစွာကျရောက်ပါက ( ဒိုင်မီသိုအိတ်- Dimethoate), (အဆီဖိတ်Acephate),(ကလိုပိုင်ရီဖော့စ်-Chlopyrifos), (ဆိုက်ပါမီသရင်-Cypermenthrin), (ဒိုင်ယာဇီနွန် - Diazinon), (အီမီဒါကလိုပရဒ် - Imidacloprid), (မာလာသီယွန်-Malathion) စသောဆေးများ အသုံးပြု ပက်ဖျန်း နိုင်ပါသည်။
ကိုးကား- ခရမ်းချဉ် ပိုးမွှားရောဂါ ကာကွယ်နှိမ်နင်းနည်းများ
မာလာမြိုင် ကုမ္ပဏီ ကြော်ငြာ
ဆွေးနွေးချက်များ
-
{{ comment.user.name }} - {{ formatDate(comment.created_at) }}
{{ comment.comment }}
{{ question.title }}