ပန်းသီးမှာကျရောက်တတ်တဲ့ ဖားဥမှိုရောဂါ

ဖားဥမှိုရောဂါဟာ Podosphaera leucotricha ဆိုတဲ့မှိုကြောင့် ဖြစ်ပွားရခြင်းဖြစ်ပါတယ်။ အကယ်လို့ ပန်းသီးပင် တစ်ခါမှမစိုက်ပျိုးဖူးဘူးဆိုရင်တောင် သရက်ထည်ပန်း (Phlox paniculata) ကဲ့သို့ အလှစိုက်ပန်းပင်တွေနဲ့ အိမ်တွင်းအလှစိုက်အပင်တွေမှာ ကျရောက်ကူးစက်တတ်တဲ့ ဒီရောဂါအကြောင်းကို သိကောင်းသိနိုင်ပါတယ်။ ဒီရောဂါကျရောက်တဲ့အခါ အလွယ်တကူပဲ သတိပြုမိနိုင်ပါတယ်။

၎င်းရဲ့နာမည်ကဲ့သို့ပဲ စိုက်ခင်းထဲရှိ အပင်များစွာရဲ့ အရွက်တွေကို ဖုံးအုပ်ထားတဲ့ အဖြူရောင်အမှုန်တွေ (မှို) ကို တွေ့ရှိရမှာ ဖြစ်ပါတယ်။

မှိုရောဂါဟာ ကြွေကျနေတဲ့ အရွက်တွေထဲမှာ ဆောင်းရာသီတခုစလုံး ရှိနေနိုင်ပြီး ၎င်းတို့ကိုအခြေအနေပေးတဲ့အခါ လေကနေတဆင့် ကျန်းမာတဲ့အရွက်တွေကို ကူးစက်နိုင်သလို အင်းဆက်ပိုးမွှားတွေကနေတဆင့်လည်း ပျံ့နှံ့ကူးစက်နိုင်တာ ဖြစ်ပါတယ်။

ဒါ့အပြင် မိုးသည်းထန်စွာ ရွာသွန်းပါကအပင်ရဲ့အရွက်တွေဆီကို မှိုစပိုးတွေ ပျံ့စေနိုင်တာဖြစ်ပါတယ်။ 

ကြိုတင်ကာကွယ်ဖို့အတွက် ဆောင်းဦးကာလမှာ စိုက်ခင်းထဲ ကြွေကျနေတဲ့ အရွက်တွေကို သန့်ရှင်းရေးလုပ်ခြင်းအပြင် လေဝင်လေထွက်ကောင်းစေဖို့အတွက် သင့်တော်တဲ့ အပင်အကွာအဝေးကိုလည်း လိုက်နာစိုက်ပျိုးသင့်ပါတယ်။

ဒါ့အပြင် အပင်တွေပေါ်ကို တိုက်ရိုက်ရေလောင်းတာမျိုးကိုလည်း ရှောင်ကြဉ်သင့်ပါတယ်။ 

ဖားဥမှိုရောဂါကို ခံနိုင်ရည်ရှိတဲ့ မျိုးတွေကတော့

• Liberty
• Gold Rush စတာတွေ ဖြစ်ပါတယ်။ 

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။