သိထားသင့်တဲ့ ငါး/ပုစွန်တို့ရဲ့ အစာစားမှု ပုံစံ

ငါး/ပုစွန်မွေးမြူသူများအနေဖြင့် မိမိတို့မွေးမြူထားသော ငါး/ပုစွန်များ၏ အစာစားမှု အလေ့အထကို သိရှိထားရန်လိုသဖြင့် အောက်ပါအတိုင်း လေ့လာရေးသား ဖော်ပြပေးလိုက်ပါသည်။

(က) ငါးများ၏ အစာစားမှုပုံစံ

ရေချို၊ ရေငန်ငါးများ၏ အစာစားသောက်မှုအလေ့အထကို ယေဘုယျအားဖြင့် အသီးအရွက်စား၊ အစုံစား၊ အသားစားဟူ၍(၃)မျိုး ခွဲခြားနိုင်သည်။အသီးအရွက်စားများသည် ရေတွင်ပေါက်ရောက်လျက်ရှိသော ရေညှိ၊ ရေမှော်နှင့် အခြားသော အသီးအရွက်များကိုသာ စားသုံးကြသည်။ အစုံစားများသည် အသီးအရွက်များ၊ အသားများနှင့် အပုပ်အဆွေး၊ အနည်အနှစ်များကို အစာမရွေး စားသုံးကြသည်။ အသားစားငါးများမှာ ရေတွင်ရရှိနိုင်သော အသားများ၊ အခြားသော အသားများကိုသာ စားသုံးကြသည်။

ထို့ကြောင့် မိမိမွေးမြူထားသောငါးများသည် မည်သို့သောအစာ ကို စားသုံးသောငါးမျိုးဖြစ်သည်ကို တိတိကျကျသိရှိထားရန် အရေး ကြီးသည်။ သို့မှသာ ကုန်ကြမ်းများဖြင့် ဖော်စပ်အစာများကို ဖော်စပ်ရာတွင် သင့်တော်မည့်အစာမျိုးကို အလွယ်တကူ ဖော်စပ်ကျွေးမွေး နိုင်မည်ဖြစ်သည်။

အစာများကို စားသောက်ရာတွင်လည်း အသက်အရွယ်ကို လိုက်၍လည်းကောင်း၊ နေထိုင်သောအလေ့အထကို လိုက်၍လည်းကောင်း စားသောက်ပုံ စားသောက်နည်း အမျိုးမျိုးရှိပါသည်။ ငါးများ စားသောက်ပုံမှာ အချို့က အစာကိုတွေ့သည်နှင့် ထိုးဟပ်မျိုချကြသည်။အချို့မှာမူ အစာကိုတွေ့သည်နှင့် ထိုးဟပ်ပြီး သွားများဖြင့် ကြိတ်ဝါးကား မျိုချတတ်ကြသည်။ အချို့က အနည်အနှစ်များ၊ အစာမှုန်များ ကို ရေနှင့်အတူစုပ်သွင်း၍ စစ်ယူစားသုံးကြသည်။

သို့ဖြစ်၍ မွေးမြူထားသော ငါးများသည် မည်ကဲ့သို့သော အစာရယူစားသုံးသည်ကို သိရှိထားရန်အလွန်အရေးကြီးပေသည်။ သို့မှသာလိုအပ်သည့် အစာပုံသဏ္ဌာန်၊ အစာအရွယ်အစား၊ အစာအမျိုးအစားများကို ဖော်စပ်ထုတ်လုပ် ကျွေးမွေးနိုင်မည် ဖြစ်သည်။

(ခ) ပုစွန်များ၏ အစာစားမှုပုံစံ

ရေချို၊ ရေငန်ပုစွန်များသည် ယေဘုယျအားဖြင့် အသက်အရွယ်ကိုလိုက်၍ အစာစားသောက်မှုအလေ့အထများ ကွာခြားကြပြီး စားသောက်သည့် အစာများလည်း ကွာခြားကြသည်။ပုစွန်အားလုံးသည် ယေဘုယျအားဖြင့် အစုံစား(သို့မဟုတ်)အသားစားများ ဖြစ်ကြသ ည်။ ပုစွန်သက်နုသားလောင်းများအဆင့်တွင် ရေတွင်ကူးခတ်နေ ထိုင်မှုအလေ့အထအရ အစာများကို ယက်ယူစားသုံးခြင်း၊ စုပ်ယူစား သုံးခြင်းနည်းဖြင့် စားသုံးကြပြီး အဆင့်လွန်သားလောင်းများနှင့် သက်နုကောင်ကြီး၊ သက်ရင့်ကောင်ကြီးများတွင် အောက်ခြေကြမ်းပြင်နေအလေ့အထအရ အနည်ကဲ့သို့သောအစာများကို စုပ်ယူ၍လည်းကောင်း၊ အစိုင်အခဲများကို ညှပ်လက်မဖြင့် ညှပ်ယူဖမ်းဆီး သယ်ဆောင်၍လည်းကောင်း ပါးစပ်အတွင်းသို့ပို့ကာ တဖြည်းဖြည်းချင်း ကိုက်ဖဲ့ခြင်း၊ ကြိတ်ဝါးခြင်းများ ပြုလုပ်၍ စားသောက်ကြသည်။

ထို့ကြောင့် ပုစွန်အစာများကို ဖော်စပ်ရာတွင် အသက်အရွယ်ကိုလိုက်၍ အစာမှုန်များ၊ အစာခဲများကို လိုအပ်သလို ပြုလုပ်ကျွေးမွေးရပါမည်။ ထို့အပြင် ရေအောက်ကြမ်းပြင်တွင် နေထိုင်စားသောက် မှုအလေ့အထရှိခြင်းကြောင့် ဖော်စပ်အစာများသည် ရေတွင် အလွယ်တကူ နစ်မြုပ်နိုင်ပြီး ရေထဲ၌ ၃-၆ နာရီအကြာ အစိုင်အခဲမပျက် ရှိနေမည့် အစာမျိုးဖြစ်ရန် အရေးကြီးပေသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

ဆွေးနွေးချက်များ

ဆွေးနွေးရန်

သိထားသင့်တဲ့ ငါး/ပုစွန်တို့ရဲ့ အစာစားမှု ပုံစံ

Farm Link Co.,Ltd ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

သိထားသင့်တဲ့ ငါး/ပုစွန်တို့ရဲ့ အစာစားမှု ပုံစံ

Farm Link Co.,Ltd ကြော်ငြာ

ဆွေးနွေးချက်များ

ဆက်စပ်ဆောင်းပါးများ

ကန်အတွင်း မြေဩဇာထည့်သွင်းခြင်းနှင့် ရေအရည်အသွေးစစ်ဆေးခြင်း

ရေချိုပုစွန်ထုပ် မွေးမြူရာတွင် အရေးပါသည့် အစာအမျိုးအစားများ ရွေးချယ်ခြင်းအကြောင်း

ကုန်ကျစရိတ် သက်သာစေမည့် ငါးအစာတောင့် ပြုလုပ်နည်း

{{ post.title }}