အာတာလွတ်ဥစိုက်ပျိုးနည်း

အာတာလွတ်ဥသည် လက်ရှိဈေးကွက်တွင်း ဈေးကောင်းရနေသော ဥတစ်မျိုးဖြစ်ပါသည်။ အာတာလွတ်မှုန့်တွင် ဘီစကွတ်နှင့် ကွတ်ကီးများပြုလုပ်ရန်အတွက် အ‌ကောင်းဆုံးပါဝင်ပစ္စည်းများ ပါရှိသဖြင့် အပြည်ပြည်ဆိုင်ရာ‌‌ဈေးကွက်တွင်လည်း ဈေး‌ကောင်းရလျက်ရှိပါသည်။

အာတာလွတ်ပင်သည် ပုံမှန်ရှင်သန်ကြီးထွားနိုင်ရန်အတွက် လုံလောက်သောအစိုဓာတ်ကို ရရှိရန်လိုအပ်ပါသည်။ တစ်နှစ်ပတ်လုံး မိုးရေချိန်မျှတစွာရရှိသော နေရာတွင် စိုက်ပျိုးရန်အသင့်တော်ဆုံးဖြစ်ပါသည်။ ရိုင်ဇုမ်းများသည် ဆိုးရွားသောရာသီဥတုဒဏ်ကိုပင် ခံနိုင်ရည်ရှိကြပြီး မြေကြီးထဲတွင်လည်း အချိန်တော်တော်ကြာရှင်သန်နိုင်ပါသည်။

မြေအမျိုးအစား

အာတာလွတ်သည် ရေသွင်းရေထုတ်ကောင်းမွန်သော နုန်းဆန်သော မြေမွမျိုးကိုကြိုက်နှစ်သက်ပါသည်။ စိုက်ပျိုးသည့်ကာလပတ်လုံး အစိုဓာတ်လုံလောက်စွာရရှိနိုင်သည့် မြေအမျိုးအစားတွင် စိုက်ပျိုးပါက ပို၍ကောင်းမွန်ပါသည်။ အရိပ်ကျတတ်သောမြေတွင် စိုက်ပျိုးပါက အထွက်နှုန်းလျော့နည်းစေပါသည်။

မြေပြင်ခြင်း

မြေအမျိုးအစားပေါ်မူတည်၍ ထယ်နှင့် ထွန်ကို နှစ်ကြိမ် သို့မဟုတ် သုံးကြိမ်အထိ လိုက်ပေးရပါမည်။ အမြစ်များ ကောင်းမွန်စွာထွက်ရန်အတွက် ထယ်ရေးနက်နက်ထိုးပေးရပါမည်။

စိုက်ပျိုးခြင်း

စိုက်ပျိုးရာတွင် အဆစ်၂ ဆစ်နှင့်အထက်ပါသော ရိုင်ဇုမ်းများကိုသုံးပြီး ၁×၀.၇၅ မီတာအနေအထားဖြင့် စိုက်ပျိုးပေးရပါမည်။ အစောပိုင်းကာလတွင် အစိုဓာတ်လုံလုံလောက်လောက်ရပါက ရေသွင်းရန်မလိုအပ်ပါ။

မြေဩဇာကျွေးခြင်း

အာတာလွတ်သည် မြေဩဇာကို ကောင်းမွန်စွာတုံ့ပြန်နိုင်စွမ်းရှ်ိပါသည်။ စမ်းသပ်ချက်များအရ နိုက်ထရိုဂျင် 90 kg /ha နှုန်းကျွေးပါက အထွက်နှုန်း ၁၈.၄၇ တန်အထိထွက်ပြီး 180kg/hc နှုန်းကျွေးပါက ၂၆.၇၃ တန်အထိ ထွက်နိုင်ပါသည်။ မြေဩဇာမကျွေးဘဲ စိုက်ပျိုးပါက ၁၂.၁၅ တန်သာ ထွက်နိုင်ပါသည်။

ပေါင်းလိုက်ခြင်း

ပထမ ၃ လမှ ၄ လအတွင်း ဆက်တိုက် ပေါင်းလိုက်ပေးရန် လိုအပ်ပါသည်။

ကျရောက်တတ်သောရောဂါနှင့် ပိုးမွှားများ

ဘတ်တီးရီးယားပင်ညှိုးရောဂါ၊ ရွက်ခြောက်ရောဂါ၊ ရောင်မညီကွက်ကျားရောဂါများ၊ရွက်လိပ်ပိုးများ ကျရောက်တတ်ပါသည်။

ရိတ်သိမ်းခြင်း

စိုက်ပျိုးပြီး ၈ လမှ ၁၀ လအကြာတွင် ရိတ်သိမ်းနိုင်ပါသည်။ သို့သော် ၁၁ လမှ ၁၂ လအကြာတွင် ရိတ်သိမ်းပါက ပိုကောင်းပြီး ကဆီဓာတ်ပါဝင်မှု ၂၅%အထိ ရှိပါသည်။ ရိတ်သိမ်းရာတွင် အမြစ်များ‌‌ပေါ်လာသည်အထိ ထယ်ရေးခပ်ဖွဖွလိုက်ပြီး ပင်စည်များကို ဖြတ်ထုတ်ကာရိတ်သိမ်းနိုင်ပါသည်။ သဲဆန်သောမြေများတွင် ခက်ရင်းဖြင့်တူးဆွပြီး ရိတ်သိမ်းနိုင်ပါသည်။

Source...https://www.pinoybisnes.com/agri-business/arrowroot-production-guide/

XMA Header Image

Arrowroot Production Guide

pinoybisnes.com

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။