အလင်းပေး စိုက်ပျိုးရေးနည်းပညာ

အပင်တွေက နေရောင်ခြည်ကိုမဖြစ်မနေလိုအပ်တာလား?

တစ်ခြားအလင်းနဲ့ရော စိုက်လို့မရဘူးလားလို့ မေးလာတဲ့ မိတ်ဆွေတွေအတွက် ဖြေပေးပါရစေ။

"ရပါတယ်လို့ "

ဆိုတော့နေရောင်ခြည်လို အလင်းရောင်းတုတွေ ဖန်တီးပြီးတော့ စိုက်ပျိုးဖြစ်ထွန်းနေကြတဲ့ နေရာတွေ စီးပွားရေးလုပ်ငန်းတွေ ရှိနေပါပြီ။

ဘယ်လိုနေရာတွေမှာ သုံးနေကြတာလဲ?

ကြီးထွားမှုကာလကို အရှည်ကြီးဆွဲဆန့်ထားချင်ရင် မီးလုံးတွေသုံးပါတယ်။

တစ်ခါတစ်လေမှာ နေရောင်ခြည်က အပင်ကြီးထွားဖို့ အစာချက်နိုင်လောက်အောင် အချိန်ကာလ ကြာကြာမရနိုင်တဲ့အခါမျိုးမှာ ကြီးထွားမှုအားကောင်းအောင်၊ အစာများများချက်နိုင်အောင်လို့ သုံးကြပါတယ်။

အဆောက်အအုံအတွင်းမှာ အပင်တွေ စိုက်တဲ့အခါမှာလည်း သုံးပါတယ်။

စိုက်ပျိုးမြေများများ မရနိုင်တော့တဲ့ တစ်ချို့ တိုးတက်ပြီးနိုင်ငံတွေမှာ တိုက်ခန်းထဲမှာပဲ ဒေါင်လိုက်စိုက်ပြီး ထုတ်လုပ်ရေးလုပ်ငန်းလုပ်နေတာမျိုးတို့ ရှိပါတယ်။ အဲ့လိုမျိုး လုပ်ငန်းတွေမှာ နေရောင်ခြည်တိုက်ရိုက်မရတာမို့ နေရောင်ခြည်လို အလင်းတု ဖန်တီးပေးပြီးတော့ စိုက်ပျိုးထုတ်လုပ်ကြပါတယ်။

အပင်ရဲ့ကြီးထွားမှုကို ပြုပြင်ဖို့လည်း သုံးပါတယ်။

အလင်းရောင်တွေရဲ့ အလင်းအလျားတွေကို ကစားပြီးတော့ ပေးရင် အပင်တွေရဲ့ ဖွံ့ဖြိုးတိုးတက်မှုကိုလည်း ထိန်းညှိလို့ရပါတယ်။ အပင်ကြီးထွားမှု အဆင့် တစ်ဆင့်စီတိုင်းမှာ အလင်းရောင်ကို ကစားလို့ရအောင်လုပ်ထားကြတဲ့ တောင်သူတွေလည်းရှိပါတယ်။

အထွက်နှုန်းနဲ့ အရည်အသွေးကောင်းအောင် ပြုပြင်နိုင်ကြတယ်။

ကြီးထွားမှု၊ ဖွံ့ဖြိုးတိုးတက်မှုတွေကို မီးနဲ့ လိုက်ပြီးတော့ ထိန်းညှိလို့ရနေတာဆိုတော့ အရည်အသွေးအရသော်လည်းကောင်း၊ အထွက်အရသော်လည်းကောင်း ကောင်းအောင်လို့ ပြုပြင်လို့ရပါတယ်။

ထုတ်လုပ်မှု ပိုကောင်းလာနိုင်တယ်။ ရောဂါနဲ့ ပိုးမွှားကို ထိန်းချုပ်နိုင်တယ်။ အရည်အသွေးကိုထိန်းသိမ်းထားနိုင်တယ် ဒီအချက်တွေကြောင့် နောက်ပိုင်း LED မီးတွေနဲ့ စိုက်ပျိုးရေးကိုလုပ်လာကြပါတယ်။

စဉ်းစားရမဲ့အချက်တွေဆိုရင် ဘာတွေရှိမလဲ?

စွမ်းအင် - မီးက လိုရင် လိုသလိုပေးရမှာဆိုတော့ မီးပျက်နေရင်တော့လည်း အဆင်မပြေနေဘူးပေါ့။ မီတာခရှိမှာမို့ နေရောင်ခြည်လိုတော့ အလကားမရနိုင်ပဲ ကုန်ကျစရိတ်တစ်ခုအဖြစ် ထည့်တွက်ရမှာဖြစ်ပါတယ်။

ကနဦးကုန်ကျစရိတ် - မီး၊ မီးကြိုးနဲ့ ပြင်ဆင်ရမဲ့ စစချင်း ကုန်ကျစရိတ်တွေအပြင်ကိုမှ လိုအပ်တဲ့ အသေးစိပ် လက်လီပစ္စည်းတွေ အတွက် ကနဦးကုန်ကျစရိတ် ရင်းနှီးရမှာကိုလည်း တွက်ချက်ရပါမယ်။

နည်းပညာ - အပင်တွေရဲ့အလင်းရောင်လိုအပ်ချက်အတွက်ပဲဖြစ်ဖြစ်၊ မီးတွေကို ချိန်ညှိချင်လို့ပဲဖြစ်ဖြစ် ကိုယ်က နားမလည်ရင် တတ်သိနားလည်တဲ့ပညာရှင် လိုအပ်ပါဦးမယ်။

အလင်းနဲ့ အပင်တွေရဲ့ ဆက်စပ်မှု

အပင်တွေမှာ သူတို့ဆီမှာပါတဲ့ အစိမ်းရောင်ခြယ် ပစ္စည်း - ကလိုရိုဖီးလ် ကိုသုံးပြီးတော့ နေရောင်ခြည်နဲ့ အစာချက်ကြတယ်လို့ သင်ဖူးကြပါတယ်။ အလင်းမှီစု အစာဖွဲ့ခြင်းတွေဖြစ်ပြီး အစာတွေရ အပင်တွေ ကြီးထွားလာကြပါတယ်။

အလင်းရောင်နဲ့။ အပင်တွေစိုက်ကြတယ်ပေါ့နော်။

ဆိုတော့ စီးပွားဖြစ်ထုတ်လုပ်ထားတဲ့ အလင်းရောင်ကို သုံးကြတယ်။

စီးပွားဖြစ် ထုတ်လုပ်ရောင်းချနေတဲ့ အလင်းရောင်ထုတ်ကုန်တွေဆိုရင်

(၁) HPS – High Pressure Sodium (HPS) Light

ဟင်းသီးဟင်းရွက်တွေ စိုက်ပျိုးဖို့အတွက် အဓိကအဖြစ် သုံးနေကြပါတယ်။ အဝါ-လိမ္မော်ရောတဲ့ အရောင်ကိုထုတ်လွှတ်ပေးပြီးတော့ ပန်းပွင့်နဲ့ အသီးကို ယူတဲ့ အပင်တွေအတွက် အသုံးပြုကြပါတယ်။

ဒါပေမဲ့ သူတို့က ထုတ်လုပ်တာကလည်း ကြာပြီဖြစ်တဲ့အတွက် အခုခေတ်မှာ နောက်ပိုင်းထုတ်တဲ့ မီးတွေနဲ့စာရင် သူတို့က စွမ်းအင်သုံးစွဲမှုမှာ ပိုများနိုင်ပါတယ်။ ပြီးတော့ သူက အပူလည်းထုတ်လွှတ်တာကြောင့်မို့ အပူထိန်းဖို့လည်း လိုအပ်မှာဖြစ်ပါတယ်။

(၂) Metal Halide (MH) Lights

အပြာရောင်များတဲ့ မီးပါ။ အရင်က ထုတ်တဲ့ မီးသီးမျိုးပါပဲ။ သူကျတော့ အပင်တွေ ပင်ပိုင်းကြီးထွားမှုကို ကောင်းမွန်စေလို့ သုံးကြပါတယ်။ သူကလည်း အပူထုတ်လွှတ်မှုရှိပါတယ်။

(၃) Light Emitting Diodes (LED) Lights

ခုခေတ်မှာ သုံးကြတဲ့ မီးကိုရောက်လာပါပြီ။ သူ့မှာကတော့ အရောင်ကို ချိန်ညှိလို့ရနိုင်တာတွေ ပါလာပါပြီ။ အပေါ်က မီး (၂)မျိုးနဲ့စာရင် သူက စွမ်းအင်အသုံးချမှုမှာ ပိုအကျိုးရှိရှိ သုံးလို့ရလာမယ်။ အပူထုတ်တာလည်း နည်းတယ်။ ကြာရှည်လည်း သုံးလို့ရလာမယ်။

(၄) Florescent Grow Light

ဒါကိုတော့ အတော်များများ မြင်ဖူးကြမှာပါ။ အသေးသုံးလေးတွေပါ။ အသေးစားလုပ်ငန်းလေးတွေနဲ့ အလင်းရောင်ကို နည်းနည်းပဲလိုတဲ့ အပင်လေးတွေကို စိုက်ပျိုးတဲ့အချိန်မှာ သုံးကြပါတယ်။ ဆလပ်တို့လောက်ကို ပျိုးထောင်တဲ့ အပင်ငယ်အဆင့်တို့လိုမျိုးမှာ သုံးကြပါတယ်။ ဒီထက် အပင်ကြီးတာဆို သူက မထောက်ပံ့ပေးနိုင်ပါဘူး။

ဆိုတော့ အလင်းနဲ့ စပြီး စမ်းစိုက်ချင်တဲ့ သူတွေအတွက် အလင်းကို ဘယ်မီး သုံးလို့ရမလဲဆိုတာနဲ့ စပြီး အတွေးလေးရမယ်လို့ ထင်ပါတယ်ခင်ဗျာ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...