ပြာကို မြေဩဇာအဖြစ် အသုံးပြုခြင်း

(၁) သစ်သားပြာများကို ခြောက်သွေ့သောရာသီ အပင်များမစိုက်မှီကာလတွင် မြေဆီအဖြစ် ထည့်သွင်းပေးခြင်း အားဖြင့် သုံးနိုင်ပါတယ်။ ပိုတက်ရှ်ပါဝင်မှု နှင့် အခြားသော အာဟာရများ ကြောင့် အပင်များ ကောင်းမွန်စေပါ သည်။

မြေချဉ်တာကိုလည်း ပြင်ဆင်ပေးနိုင်တာကြောင့် သစ်သားပြာများက အသုံးဝင်သော ပစ္စည်း တစ်ခုပဲဖြစ်ပါတယ်။ အထူးသဖြင့် မြေချဉ်တာကို မကြိုက်တတ်တဲ့ အပင်တွေ (ဘလူးဘယ်ရီလို၊ တောင်ဇလပ်ပန်းလိုမျိုး) တွေမှာ သုံးပေးနိုင်ရင် အကောင်းဆုံးရလဒ်ကို ရနိုင်တာဖြစ်ပါတယ်။

(၂) ပေ (၃၀) ပတ်လည် (၁၀၀၀ စတုရန်းပေ သို့ ၉၃ စတုရန်းမီတာ သို့ ၁၀ မီတာ ပတ်လည်) လောက်မှာဆိုရင် သစ်သားပြာ ပေါင် ၂၀ (၉ ကီလိုဂရမ်) ကို သုံးပေးရမှာပါ။
သတိထားရမှာက အပုံလိုက် သုံးရမှာမဟုတ်ပဲ ပျံနှံ့နေအောင် သုံးပေးရမှာဖြစ်ပါတယ်။ ပုံနေရင် ဆားစုတဲ့ ပြဿနာ ဖြစ်တတ်လို့ပါ။ 

(၃) မြေဆွေးပုံ ပုံတဲ့နေရာမှာလည်း အလွှာတစ်ခုအနေနဲ့ ပြာကို ဖြူးဖြူးပြီးထည့်ပေးနိုင်ရင် မြန်မြန်ဆွေးပါတယ်။ 

(၄) သစ်သားပြာတွေနဲ့ ရွံ့မြေတွေ ပွလာ မွလာအောင်လည်း ပြင်ပေးလို့ရပါသေးတယ်။

(၅) အိမ်က စိုက်ပျိုးခြံလေးမှာ ပိုးလေးတွေ ကျနေတယ်ဆိုရင် ပြာကို ရေမှာဖျော်ပြီးတော့ ပက်ဖြန်းပေးလိုက်လို့ ရပါတယ်။ မိုးကြီးကြီးရွာရင်တော့ ပြန်ဖျန်းပေးရပါမယ်။ ပျတွေ ခရုတွေနဲ့ ရွက်ဖြတ်ပိုးတွေကို ပြေးစေပါတယ်။

သတိပြုစရာ အချက်ကလေးတွေ
(၁) လေအရမ်းမတိုက်တဲ့နေ့ကို ရွေးပါ။ ပြာတွေက လေထဲလွင့်ပြီး ဆုံးရှုံးနိုင်တာနဲ့ နောက်ထပ် ကိုယ်လိုတဲ့နေရာကို မကျရောက်ပဲ တစ်ခြားနေရာတွေကို ကျရောက်သွားနိုင်တာကြောင့် ဖြစ်ပါ တယ်။

(၂) လက်အိတ်စွပ်ပါ။ အသက်ရှူလမ်းကြောင်းထဲ မဝင်အောင်လို့ နှာခေါင်းစွပ်တပ်ပေးပါ။ မျက်စိကိုလည်း ကာကွယ်ပေးပါ။ ပြာမှာ Lye ပါနေလို့ပါ။

(၃) စက္ကူပုံးတွေ၊ ကော်အမှိုက်တွေ၊ ဆေးသုတ်ထားတဲ့ သစ်သားတွေကရတဲ့ ပြာတွေမှာ ဓာတု ပစ္စည်းတွေ ပါဝင်နေတာကြောင့်ဖြစ်ပါတယ်။ 

(၄) များများသုံးမိရင် မြေငန်တာမျိုး ဖြစ်နိုင်တာကြောင့် ကိုယ့်မြေက မြေချဉ်ငံကိန်းကို သိဖို့ လိုပါတယ်။ အဲ့ဒါကတော့ သတိပြုရမဲ့ အချက်ဖြစ်ပါတယ်။

(၅) သစ်မာသားတွေက အပျော့သားတွေထက် ပြာ (၃) ဆလောက် ပိုထွက်ပါတယ်။

Htunn Win Kyaw

Refer - https://www.wikihow.com/Use-Ashes-As-Fertilizer