သီးနှံပင်ကြီးထွားရန်နှင့် ပိုးမွှားအန္တရာယ်အတွက် ဝါးပေါင်းခံရည် အသုံးပြုနိုင်ဟုဆို

ဝါးပရိဘောဂလုပ်ငန်းမှ စွန့်ပစ်ပစ္စည်းများဖစြ်သည့် ဝါးအတိုအစများကို အသုံးပြု၍ ဝါးပေါင်းခံရည် ထုတ်လုပ်ကာ စိုက်ပျိုးရေးလုပ်ငန်း၌ အပင်ကြီးထွားရန်နှင့် ပိုးမွှားအန္တရာယ် ကာကွယ်ရန် အသုံးပြုနိုင်သလို လူသုံးကုန်ပစ္စည်းများဖစြ်သည့် ခေါင်းလျှော်ရည်၊ ဆပ်ပြာများကိုပါ ထုတ်လုပ်ပေးနေကြောင်း ဝါးပေါင်းခံရည် ထုတ်လုပ်သူများထံမှ သိရသည်။

“ဝါးပေါင်းခံရည်ကို ဝါးမီးသွေးထုတ်လုပ်ရာကနေ ရရှိတာပါ၊ ဝါးတောထဲမှာရှိနတေဲ့ ဝါးကိုင်းတွေ၊ အပဲ့တွေ၊ အခြောက်တွေ၊ ဝါးပရိဘောဂလုပ်ငန်းတွရေဲ့ စွန့်ပစ်ပစ္စည်း အတိုအစတွေနဲ့ အမှိုက်ဖြစ်မယ့် ဝါးတွေကို အသုံးပြုပြီး ဝါးပေါင်းခံရည် ထုတ်လုပ်ပါတယ်”ဟု မြန်မာနိုင်ငံ ဝါးစိုက်ပျိုးရေးအသင်းမှ ဝါးပေါင်းခံရည် ထုတ်လုပ်အသုံးပြုနေသူ ဦးစိုးလင်းကျော်က ပြောသည်။

ဝါးပေါင်းခံရည်ဆိုသည်မှာ ဝါးအစိမ်းကို မီးရှို့ပေါင်းခံရာက အအေးခံထွက်လာသော အရည်တမျိုးဖြစ်ပြီး ဂျပန်စိုက်ပျိုးရေး တောင်သူများနှင့် ဩဂဲနစ်စိုက်ခင်းများတွင် အများဆုံးအသုံးပြုနေကြောင်း၊ ဝါးမီးသွေး ပေါင်းခံရည် တစ်လီတာလျှင် ကျပ် ငါးထောင်ခန့်သာ ဈေးရှိပြီး မြေဧက ၂၀ ခန့်အထိ သီးနှံမစိုက်ပျိုးမီနှင့် စိုက်ပျိုးပြီးအချိန်များတွင် အပင်၏အမြစ် အာဟာရ စုပ်ယူမှု အားကောင်းစေရန်နှင့် ပိုးမွှားအန္တရာယ်ကာကွယ်ရန် အသုံးပြုနိုင်ကြောင်း သိရသည်။

“ပီပါတစ်လုံးစာ ဝါးချောင်းဖတ်စလေးတွေကို ပေါင်းခံရင် ဝါးပေါင်းခံရည် နှစ်လီတာကနေ သုံးလီတာဝန်းကျင် ထွက်ပါတယ်။ ဝါးအသုံးပြုတာ နည်းရင် ဝါးပေါင်းခံရည် ရရှိတာ နည်းပါးတယ်၊ များများလိုချင်မှုကြောင့် ဝါးအကောင်းအသုံးပြုတာကိုတော့ အားမပေးပါဘူး။ ဝါးပေါင်းခံရည် တစ်လီတာကို မြေဧက ၂၀ လောက်အထိ အသုံးပြုနိုင်ပါတယ်၊ ပိုးသတ်ဆေးဖျန်းသလိုမျိုး အသုံးပြုရတာပါပဲ” ဟု မြန်မာနိုင်ငံ ဝါးစိုက်ပျိုးရေးအသင်းမှ ဦးစိုးလင်းကျော်က ပြောသည်။

ယခုအခါ ဝါးပေါင်းခံရည်ကို စိုက်ပျိုးတောင်သူများ အသုံးပြုမှုများရှိနေသဖြင့် ဈေးကွက်အတွင်း ထုတ်လုပ် ရောင်းချသူများ ရှိနေသော်လည်း ပြည်တွင်းဈေးကွက်၌ ကျယ်ကျယ်ပြန့်ပြန့် အသုံးပြုမှုနည်းပါးနေသေးကြောင်း၊ ၎င်းအား ကျယ်ကျယ် ပြန့်ပြန့် အသုံးပြုမှု များပြားလာလျှင် ဝါးတောများအတွက် စိုးရိမ်စရာရှိနေကာ လက်ရှိအချိန်တွင် စွန့်ပစ်ဝါးများနှင့် အသုံးမပြုနိုင်တော့သည့် ဝါးများကိုသာ အသုံးပြုထုတ်လုပ်နေကြောင်း သိရသည်။

“လက်ရှိစိုက်ပျိုးရေးမှာ ဓာတုမြေဩဇာတွေ အသုံးများတဲ့အခါကျတော့ မြေဆီတွေ တဖြည်းဖြည်း ပျက်စီး လာရာကနေ ဓာတ်ကြွင်းတွေများ လာတယ်၊ ဝါးပေါင်းခံရည်ကို အဲဒီလို စိုက်ပျိုးမြေတွေမှာ ပက်ဖျန်းပေးရင် ဓာတ်ကြွင်းတွေ ချေဖျက်ပေးနိုင်တဲ့ အာနိသင်ရှိနေတယ်၊ ဝါးပေါင်းခံရည်ကို သုံးနှစ်လောက် သုံးလိုက်ရင် ဓာတ်ကြွင်းကုန်သွားမယ်၊ နောက် မိုးနည်း ဒေသတွေမှာ သုံးရင် မြေကြီးရေအစိုဓာတ်ကို ထိန်းပေးတယ်”ဟု မြန်မာနိုင်ငံ ဝါးအသင်းဥက္ကဋ္ဌ ဦးကျော်ဝင်းက ပြောသည်။

ဝါးပေါင်းခံရည် အရည်အသွေးမမီလျှင် ကတ္တရာဓာတ်ပါလာနိုင်သောကြောင့် ဝါးပေါင်းခံရည်ထုတ် လုပ်ပြီး ဝါးမီးသွေးကို အသုံးပြုအဆင့် ငါးဆင့် ခံစစ်ယူကာ နှစ်လခန့်ထိန်းသိမ်းပြီးမှ အသုံးပြုလျှင် စိုက်ပျိုးပင်များ အတွက် အကောင်းဆုံးဟု သိရသည်။

”ဝါးပေါင်းခံရည်ကို ထုတ်လုပ်ပြီး စိုက်ခင်းတွေ ချက်ချင်းအသုံးမပြုစေချင်ဘူး၊ အကောင်းဆုံးကတော့ ၂ လလောက် သိမ်းထားပြီးမှ သုံးသင့်တယ်၊ နှစ်လလောက် သိမ်းထားပြီးမှ ပေါင်းခံရည်မှာကျန်နေတဲ့ ကတ္တရာဓာတ်အနည်တွေ အောက်မှာ ထိုင်တဲ့အချိန် အပေါ်ယံအရည်ကြည်ကို ပြန်ခပ်ပြီး သုံးတာက စိုက်ပျိုးပင်တွေအတွက် အကောင်းဆုံးပါ၊ ဝါးပေါင်းခံရည် မှာက မီးခိုးနံ့ပါတော့ ပိုးမွှားတွေ ပြေးတယ်။ ပိုးသတ်ဆေးလိုအသုံးပြုနိုင်တယ်”ဟု ဦးစိုးလင်းကျော်က ဆက်လက် ပြော သည်။

ယခုအခါ မြန်မာနိုင်ငံ ဝါးအသင်းအနေဖြင့် ဝါးထုတ်ကုန်များ ထုတ်လုပ်နိုင်ရန် ပြည်နယ်နှင့်တိုင်းဒေသကြီး များတွင် ဝါးစိုက်ခင်းများ ထူထောင်နိုင်ရန် ဝါးစိုက်ပျိုးမှုလုပ်ငန်းများကို စည်းရုံး၍ လုပ်ဆောင်နေမှုများရှိနေသလို ရှိပြီးသား သက်တမ်းလွန် ဝါးတောများတွင် ဝါးမီးသွေးထုတ်လုပ်ရင်း ဝါးပေါင်းခံရည် ထုတ်လုပ်ခြင်းများကို ကျယ်ကျယ်ပြန့်ပြန့်လုပ်ဆောင်နိုင်ရန်အတွက် သင်တန်းများ ပို့ချသင်ကြားပေးလျက်ရှိသည်။

”ရှိပြီးသား ဝါးတောတွေမှာ ဝါးပင်တွကေ မလိုအပ်ပဲ ကြပ်နေတာတွေ၊ သက်တမ်းလွန်တာတွေ ရှိတယ်၊ သက်တမ်းလွန်ဝါးတွေကို ခုတ်ထွင်ရှင်းလင်းရင်း အလကားမဖြစ်ရအောင် ဝါးပေါင်းခံရည်ထုတ်မယ်၊ နောက် ဝါးမီးသွေးထုတ်မယ်၊ ဝါး ပေါင်းခံရည်ကို စုဆောင်းပြီး ပြည်တွင်းဈေးကွက်မှာ ကျယ်ကျယ်ပြန့်ပြန့်ဖြစ်အောင် လုပ်မယ်၊ အဲဒီကနေမှ နိုင်ငံတကာ ဈေးကွက် ထိုးဖောက်နိုင်ဖို့အထိ လုပ်ဆောင်သွားမယ်၊ ဝါးပေါင်းခံရည်နဲ့ အခြားလူသုံးကုန်ဖြစ်တဲ့ ခေါင်းလျှော်ရည်၊ ဆပ်ပြာတွေ ထုတ်လည်းထုတ်နေတယ်၊ ရောင်းလည်းရောင်း နေတယ်။ နည်းပညာအားနည်းချက်တော့ ရှိနေသေးပါတယ်”ဟု မြန်မာနိုင်ငံ ဝါးအသင်း ဥက္ကဋ္ဌ ဦးကျော်ဝင်းက ပြောသည်။

စိုက်ပျိုးရေးလုပ်ငန်းတွင် အပင်ကြီးထွားရန်နှင့် ပိုးမွှားအန္တရာယ်ကာကွယ်ရန် အသုံးပြုနိုင်သည့် ဝါးပေါင်းခံရည် ထုတ် ပစ္စည်းများကို စိုက်ပျိုးရေးသုတဌာန၊ သိပ္ပံနှင့်နည်းပညာဌာနများက ထောက်ခံချက်များ ပေးထားပြီး ဖြစ်သလို အဆိုပါ နည်းပညာမှာ ဂျပန်နိုင်ငံတွင် အသုံးပြုနေသည့် နည်းပညာဖြစ်ကြောင်း သိရသည်။

Source - ဧရာဝတီ (27.11.2017)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...

Read more

Aqua ဘူစတာ

Aqua ကယ်လဆီယမ်

Facebook စာမျက်နှာသို့သွားရန်