အရည်အသွးကောင်းမျှစ်ကို ဘယ်လိုထုတ်လုပ်မလဲ?

မြန်မာနိုင်ငံတွင် ဝါးမျိုးစိတ်ပေါင်း (၁၀၀) ကျော်ရှိသော်လည်း စားသုံးနိုင်သော ဈေးကွက်ဝင်မျှစ်မှာ အနည်းငယ်သာရှိပြီး  Dendocalamus မျိုးရင်းဝင်ဖြစ်သော ဝါးပိုးမျှစ်များကို အဓိကထား စီးပွားဖြစ်ထုတ်လုပ်ရောင်းချကြသည်။ ဝါးမျိုးမျှစ် များကို နှစ်စဉ် ဂျူလှိုင်လမှ စက်တင်ဘာလလောက်အထိ သဘာ၀ဝါးတောများတွင် နီးစပ်ရာ ဒေသခံတောင်သူများမှ ရိတ်သိမ်းကြသည်။ သစ်တောမဟုတ်သည့် သစ်တောထွက်ပစ္စည်းများအနက် ဝါးသည်လည်း အခြေခံလူတန်းစားများ အတွက် အိမ်ယာအဆောက် အဦးများ ဖန်တီးပေးရုံသာမက မိသားစုစာနပ်ရိပ်က္ခာ ဖူလုံရေးအတွက်လည်း အထောက် အကူပြုသော သဘာဝကဖန်တီးပေးသည့် ရတနာတစ်မျိုးဖြစ်ပါသည်။ လတ်ဆက်သောမျှစ်များ (Fresh Shoot) ကို ရာသီပေါ်သီးနှံများကဲ့သို (လတ်လတ်ဆတ်ဆတ် ထုတ်ယူရောင်းချနိုင်သလို) မိမိတစ်ပိုင်တစ်နိုင်စီးပွားရေးအဖြစ် မျှစ်ချဉ် (Pickle shoot) ၊ မျှစ်ချို ( Dry shoot) များပြုလုပ်၍ တစ်နှစ်ပတ်လုံး သိုလှောင် ၍လည်း ရောင်းချနိုင်ပါသည်။  သို့သော်လည်း အရည်အသွေးကောင်းသောမျှစ်များကို ရေရှည်ထုတ်ယူသုံးစွဲနိုင်ရန်အတွက် ဝါးရုံများကို စနစ်တကျ ပြုစုပျိုးထောင်နည်း၊ မျှစ်များကို စနစ်တကျ ရိတ်သိမ်းနည်း စနစ်များကို သိရှိလေ့လာထားပါက သင်နှင့် သင့်မိသားစု၊ သင်၏ပတ်ဝန်းကျင့် အတွက်ပါ အကျိုးကျေး ဇူးများစွာ ခံစားရရှိမည်ဖြစ်ပါသည်။ မျှစ်သည်အမျိုးမျိုးသော အဟာရဓာတ်များ ကြွယ်ဝစွာပါဝင်သည်။

အရည်အသွေးကောင်းမျှစ်ကို ထုတ်လုပ်ရယူနိုင်ရန် အောက်ပါလင့်တွင် ဝါရုံများများကို စနစ်တကျ ပြုစုပျိုးထောင်နည်း မျှစ်များကို စနစ်တကျ ရိတ်သိမ်းနည်းစနစ်များကို လေ့လာဖတ်ရှု့နိုင်ပါသည်။

ဒီနေရာကိုနှိပ်ပါ။

အစားအသောက်အဖြစ်အသုံးဝင်ပုံ - Utilization of bamboo shoot

အရှေ့တောင်အာရှနိုင်ငံများတွင် မျှစ်ကို အဓိကဟင်းလျာများအဖြစ် အမျိုးမျိုးပြုပြင်ထုတ်လုပ်စားသုံးကြသည်။ ဂျပန်လူမျိုးတစ်ဦးလျှင် တစ်နှစ် ငါးကီလိုနှင့် တရုတ်လူမျိုးတစ်ဦးလျှင် တစ်နှစ် (၁.၅) ကီလို စားသုံးကြောင်းသိရပါသည်။ နုနယ်သည့် ဝါးထွက်စအစို့ဖြစ် သည့်မျှစ်အား ပြုလုပ်ခြင်းဖြင့်လည်းကောင်း၊ အချဉ်ပြုလုပ်၍လည်းကောင်း၊ အခြောက်ခံ၍လည်းကောင်း စားသုံးကြပါသည်။ မျှစ်ကို ပြုတ်ပြီး ရေအထပ်ထပ်ဆေးပြီးမှ စားသုံးသင့်ပါသည်။ ဝါးအမျိုးအစားအလိုက်ပြုတ်ခြင်း၊ ရေကြာကြာစိမ်ခြင်းမပြုနိုင်ဘဲ စားသောက်မိလျှင် မူးဝေအော့အန်ဖြစ်နိုင်ပါသည်။ မြန်မာနိုင်ငံတွင် ပျဉ်းမနားမြို့နယ်၊ မိုးကုတ်မြို့နယ်နှင့် တောင်ငူအရှေ့ပိုင်းမှ မျှစ်များသည် အရည်အသွေးကောင်းပြီး အရသာအထူးကောင်းမွန်သည်။

Source - BIF

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်