ပင်စိမ်း (BASIL) ပိုးသတ်ဆေး

ပေါက်ရောက်ပုံ

ပင်စိမ်း၏ မူရင်းဒေသသည် အနောက်နိုင်ငံနှင့် အပူပိုင်း အာရှတို့ဖြစ်သည်။ (၁၆) ရာစုက အင်္ဂလန်နိုင်ငံတွင်လည်း စိုက်ပျိုးခဲ့သည်။ ယခုအခါ ဥရောပ၊ အာရှ၊ အာဖရိက နှင့် ကမ္ဘာ့အ နောက်ခြမ်း ဒေသများတွင် အမွှေးအကြိုင် နှင့် ဆေးဖက်ဝင် သီးနှံအဖြစ် စိုက်ပျိုးသည်။ အပူ ပိုင်းဇုံတွင် ပင်းစိမ်းမျိုးပြား (၆၀) ခန့် ခွဲခြား သတ်မှတ်ထားသည်။

အသုံးပြုနိုင်သော အပင်အစိတ်အပိုင်းများ

အရွက်၊ ပင်စည်

အာနိသင်သက်ရောက်ပုံ

ပိုးဟန့်တားဆေး၊ ပိုးသေဆေး၊ မှိုသတ်ဆေးနှင့် ခရုပတ်ကျိ နှိမ်ဆေး။

နှိမ်နှင်းနိုင်သည့် ပိုးမွှားရောဂါများ

(၁) ဝါမျှင်စွန်းပိုး -Cotton Stainer

(၂) သစ်သီးယင် -Fruit flies

(၃) ရွက်ထွင်းပိုး - Leaf Miners

(၄) ပြောင်းပင်စည်ထိုးပိုး - Maizes Stem borer

(၅) မွှားပင့်ကူနီ - Red Spider Mites

သိုလှောင် သီးနှံဖျက်ပိုးများ

(၁) အစေ့တွင်းပိုး - Lesser Grain Borer

(၂) ပြောင်းစေ့ထွင်းပိုး - Maize Weevil

ပြင်ဆင် အသုံးချနည်း

ပင်စိမ်းရွက် စစ်ထုတ်ရည်(ကြိတ်ရည်) - စစ်ထုတ်ရည်သည် ထောပတ်ပင်၊ မက်မွန်ပင်နှင့် အခြားသစ်သီးပင်များတွင် ကျရောက်သည့် ရွက်ထွင်းပိုးများ၏ ပိုးတုံးလုံးများပေါ်၌ မေ့မြော့ အာနိသင် ရှိပြီး၊ အကောင်ကြီးများပေါ်၌ ဟန့်တား အာနိသင် ရှိသည်။ ယင်းအာနိသင်သည် (၉၀) ရာခိုင်နှုန်း ထိရောက်မှုရှိသည်။

စစ်ထုတ်ရည် တစ်ပုလင်းရရန် ပင်စိမ်းရွက်(၆) ကျပ်သား လိုအပ်သည်။ အရွက်များကို ရေတွင် တစ်ညစိမ်ထားရန် လိုသည်။ နောက်တစ်နေ့တွင် အရွက်များကို ကြိတ်နယ်(ထောင်း) ၍အရည် ကို စစ်ချ (ညှစ်) ယူပါ။ ယင်းကို ဆပ်ပြာရည် (၃ - ၄) စက်ခန့် ရော၍ သမအောင်မွှေပြီး နောက် တိုက်ရိုက်ပက်ဖြန်း အသုံးပြုနိုင်ပါသည်။

အရွက်ထွင်းပိုးများအတွက် အသုံးပြုရန် အကြံပြုချက်

အရွက် (၁၂) ကျပ်သားကို ကြိတ်နယ်ပြီးရသောစစ်ရည်ကို ရေတစ်ပုလင်းတွင် ရောမွှေ၍ ပက် ဖြန်းပါ။

သစ်သီးယင် ထောင်ချောက်

အောက်ဖော်ပြပါနည်းသည် လက်တွေ့အရ သစ်သီးယင်များအား နှိမ်းနှင်းရာတွင် အထူးထိ ရောက်မှု ရှိကြောင်းသိရသည်။

ပင်စိမ်းရွက်၂ကျပ်ခွဲသားကို ကြေညက်အောင် ကြိတ်(ထောင်း)၍ ရေ ဟင်းစားဇွန်း (၁၃) ဇွန်းနှင့် ရောမွှေ၍ အုန်းမှုတ်ခွက်တွင် ထည့်ထားပါ။ အနွမ်း မမြန်စေရန်အတွက် သံပုရာသီးတစ်စိတ်ကို အရည်ညှစ်ထည့်ပါ။ ပြီးလျှင် အဆိပ်တစ်ခုခုနှင့်ရော၍ ယင်းအုန်းမှုတ်ခွက် ထောင်ချောက်ကို သရင်ပင်ကိုင်းတွင် ချိတ်ပါ။ သရက်ပင် တစ်ပင်လျှင် ထောင်ချောက် (၄) ခုနှုန်း ချိတ်ပါ။

သစ်သီးယင်များသည် ပင်စိမ်းစစ်ကျရည်ကို လာရောက်စားသောက်ခြင်းဖြင့် သေကြသည်။ အဆိုပါ ထောင်ချောက်များကို အသီးစတင်သည့်အချိန်မှ အသီးခူးချိန်အထိ ချိတ်ဆွဲပါ။ ထောင် ချောက်များကို တစ်ပတ်တစ်ခါ အသစ်လဲလှယ်ပေးပါ။ အဆိပ်သင့်သည့် သစ်သီးယင်များကို ချက်ခြင်း ဖယ်ရှားပေးပါ။

အခြားအသုံးဝင်ပုံများ

ကြွက်နှိမ်နှင်းခြင်း - ပင်စိမ်းရွက်ကို ကြွက်ထီးများအား ရေရှည်စားစေခြင်းအားဖြင့် မြုံသွားစေ နိုင်ပါသည်။ ကြွက်ထီးများ မိတ်လိုက်ခြင်းကို ဟန့်တားပေးသည်။

ပေါင်းနှိမ်နှင်းခြင်း

မြေရိုင်းများနှင့် စိုက်ပျိုးမြေများတွင် ပင်စိမ်းစိုက်ပျိုးခြင်းဖြင့် ပေါင်းမြက်များ မထနိုင်အောင် တားဆီးပေးသည်။ ဥပမာ - အဆိပ်သင့်စေသည့် ပေါင်းမြက်များ(Amaranthus Spinosus, Cyperus, Rotundus) ပေါက်ရောက်သည့် မြေနေရာများတွင် ပင်စိမ်းပင်များကို မြေဖုံးပင်များ အဖြစ်စိုက်ပျိုးခြင်းဖြင့် နှိမ်နှင်းနိုင်သည်။

မောင်ဌေးအန့်စာအုပ်များမှ ကောင်းမြတ်(ရေဆင်း) စုစည်းထားပါ သည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...