ပဲကြီး ဈေးကျရိပ်ပြလာပြီး ကုလားပဲ၊ စားတော်ပဲနဲ့ နှမ်းမျိုးစုံ ဈေးတွေတက်နေ

ပြည်တွင်းစားသုံးမှု အဓိကဖြစ်တဲ့ ပဲကြီးက စျေးအနည်းငယ်ကျရိပ်ပြပေမယ့် ကုလားပဲကစျေးနှုန်း ထပ်တက်လာသလို စားတော်ပဲနဲ့ နှမ်းမျိုးစုံ စျေးလည်းတက်လာပါတယ်။

ကုလားပဲစျေးကွက်

ကုလားပဲကတော့ ရန်ကုန်ရော မန္တလေး ကုန်စည်စျေးကွက်မှာပါ စျေးနှုန်းတွေထပ်မံမြင့်တက်လာပါတယ်။

ရန်ကုန်ဘုရင့်နောင်စျေးကွက်မှာ ကုလားပဲဖြူလုံး တစ်ပိဿာကို ၅၁၆၅ ကျပ်မှ ၅၃၃၅ ကျပ်ရှိပြီး ကုလားပဲဖြူလုံးကြီး တစ်ပိဿာကို ၅၃၃၀ မှ ၅၅၀၀ ကျပ်စျေးတန်းရှိလာတာကြောင့် ပြီးခဲ့တဲ့တစ်ပတ်နဲ့ယှဥ်ရင် တစ်ပိဿာကို ၄၀၀ ကျပ်အထက် ထပ်မံ မြင့်တက်လာပါတယ်။

မန္တလေးစျေးကွက်မှာလည်း ကုလားပဲ v2 က ၃၁၀၀၀၀ ကျပ်၊ ကုလားပဲ v7 ၃၁၂၅၀၀ ကျပ်၊ ကုလားပဲ 929 က ၂၉၃၀၀၀ မှ ၂၉၅၀၀၀ ကျပ်စျေးပေါက်လို့ အရင်တပတ်ကထက် တစ်အိတ်ကို ၁၁၀၀၀ မှ ၁၂၅၀၀ ကျပ်ထပ်တက်လာတယ်လို့သိရပါတယ်။

ကုလားပဲက ပြည်တွင်း စားသုံးမှုလည်းရှိသလို ပြည်ပတင်ပို့မှုလည်းရှိတာကြောင့် လက်ရှိကာလက ပြည်ပက ဝယ်လိုအားရှိချိန်နဲ့ ပြည်တွင်းပဲလက်ကျန်နည်းချိန် ကြုံနေတဲ့အတွက် စျေးမြောက်လာတာဖြစ်ပါတယ်။

ဒါကြောင့် ပြည်ပကဝယ်လိုအားရှိလာချိန်နဲ့ ပြည်တွင်းလက်ကျန်နည်းတဲ့အချိန်တွေမှာ စျေးတန်းကမြင့်တက်လာပြီး ဒေါ်လာစျေးအတက်အကျ အပေါ်လိုက်ပြီးလည်း စျေးနှုန်းမတည်ငြိမ်မှုဖြစ်တတ်တယ်လို့ ကုန်သည်တွေကဆိုပါတယ်။

ကုလားပဲအသစ်တွေက လာမယ့် ဖေဖော်ဝါရီ လကုန်နဲ့ မတ်လလောက်မှာ စတင်ထွက်ရှိမှာဖြစ်ပြီး အသစ်ပေါ်ချိန်မှာလည်း စျေးတန်းက အများကြီးကျဆင်းနိုင်တဲ့အခြေအနေမရှိဘူးလို့ကုန်သည်တွေကသုံးသပ်ထားပါတယ်။

မန္တလေးနဲ့အောင်လံကထွက်တဲ့ V2 ၊ V7 ကုလားပဲနဲ့ မြကြေးမုံ ကုလားပဲ တွေက ပြည်ပကိုတင်ပို့မှုရှိပြီး ကျန်တဲ့ ပဲတွေက ပြည်တွင်းစားသုံးမှု အဓိကဖြစ်ပါတယ်။

ပဲကြီးစျေးကွက်

ပဲကြီးကတော့ ပြည်တွင်းစားသုံးမှုသာအဓိက ဖြစ်ပြီး ခုတပတ် ရန်ကုန်စျေးကွက်မှာ စျေးတန်းငြိမ်နေပြီး မန္တလေးကုန်စည်စျေးကွက်မှာတော့ ကျရိပ်ပြလာပါတယ်။

ဒါပေမယ့် ပြည်တွင်း စားသုံးမှုအဓိကဖြစ်လို့ စျေးတန်းက အများကြီးကျ ဆင်းနိုင်ဖွယ်မရှိသလို စျေးတက်နိုင်တဲ့အခြေအနေလည်း မရှိဘူးလို့ သိရပါတယ်။

မန္တလေးစျေးကွက်မှာ ပဲကြီး ( လတ် )၅၅.၂၅ ပိဿာကို ၃၈၀၀၀၀ ကျပ် ရှိလို့ အရင်တပတ်ကထက် ၂၀၀၀၀ ကျပ်ကျလာပြီး ပဲကြီး (သေး )က ၃၆၅၀၀၀ မှ ၃၇၀၀၀၀ ကျပ်စျေးပေါက်လို့ အရင်တပတ်ကထက် ၅၀၀၀ မှ ၁၀၀၀၀ ကျပ် စျေးကျသွားတာတွေ့ရပါတယ်။

ရန်ကုန်ဘုရင့်နောင်စျေးကွက်မှာတော့ အကျမရှိဘဲ အရင်တစ်ပတ်စျေးတန်းဖြစ်တဲ့ ပဲကြီး (ကုန်း) တစ်ပိဿာကို ၆၄၃၀ မှ ၆၇၈၅ ကျပ်ရှိပြီး ပဲကြီး (ရွှေကျွန်း ) တစ်ပိဿာကို ၇၀၇၅ မှ ၇၄၃၅ ကျပ်စျေးတန်းမှာပဲ ရှိနေပါတယ်။

လက်ရှိမှာပဲကြီးက လက်ကျန်အဟောင်းသာရှိပြီး ပဲအသစ်တွေက မပေါ်သေးပါဘူး။ ပဲအထွက်နှုန်းလျော့ကျရင် စျေးကတက်နိုင်ပြီး အထွက်နှုန်းပိုလျှံရင်တော့ စျေးတန်းက ပြန်အေးသွားနိုင်တယ်လို့ ကုန်သည်တွေက ဆိုပါတယ်။

နှမ်းစျေးကွက်

နှမ်းကို တရုတ်က အဝယ်လိုက်လာတာကြောင့် မန္တလေးစျေးကွက်မှာ နှမ်းမျိုးစုံ စျေးနှုန်းတွေ မြင့်တက်လာနေတယ်လို့သိရပါတယ်။

မန္တလေး ကုန်စည်စျေးကွက်မှာ နှမ်းနက် စမုံက ၄၅ ပိဿာကို ၃၄၀၀၀၀ ကျပ်မှ ၃၈၀၀၀၀ ကျပ်စျေးပေါက်လို့ ၁၀၀၀၀ ကျပ် တက်လာ၊ နှမ်းဖြူဂျပန်က ၃၈၅၀၀၀ ကျပ်မှ ၃၉၀၀၀၀ သိန်းစျေးပေါက်လို့ ၂၀၀၀၀ ကျပ် တက်လာ ပြီး နှမ်းဖြူရိုးရိုးကလည်း ၃၅၀၀၀၀ ကျပ်မှ ၃၆၅၀၀၀ ကျပ်စျေးပေါက်လို့ ၂၀၀၀၀ ကျပ် တက်လာကာ နှမ်းညိုကလည်း ၂၉၅၀၀၀ ကျပ်မှ ၃၀၀၀၀၀ ကျပ်စျေးပေါက်လို့ ၁၅၀၀၀ ကျပ် တက်လာ ပါတယ်။

နှမ်းကို တရုတ်ကသာအဓိကဝယ်ယူတာကြောင့် တရုတ်အဝယ်လိုက်ချိန် စျေးတက်ပြီး ဝယ်လိုအားလျော့ပါက စျေးတန်းက ပြန်အေးသွားတတ်တယ်လို့ကုန်သည်တွေကဆိုပါတယ်။

တရုတ်က အက်ဆစ်လွတ်တဲ့နှမ်းကိုသာအဓိကဝယ်ယူတဲ့အတွက် အက်ဆစ်လွတ်တဲ့နှမ်းကစျေးကောင်းရပါတယ်။

စားတော်ပဲစျေးကွက်

စားတော်ပဲကတော့ ပြည်တွင်းစားသုံးမှုသာအဓိကရှိပြီး လက်ရှိကာလမှာ ပဲလက်ကျန်အဟောင်း နည်းလာတာကြောင့် စျေးတန်းကတက်လာတာဖြစ်တယ်လို့သိရပါတယ်။

မန္တလေးကုန်စည်စျေးကွက်မှာ စားတော်ပဲ( ကနေဒါ) ၅၉.၂၅ ပိဿာကို ၂၈၀၀၀၀ မှ ၂၈၂၀၀၀ ကျပ်၊ စားတော်ပဲ( ယူကရိန်း) က ၂၆၆၀၀၀ ၂၇၀၀၀၀၊ စားတော်ပဲ (ကျွန်း )၃၁၀၀၀၀ မှ ၃၆၀၀၀၀ ကျပ်စျေးပေါက်နေလို့ အရင်တစ်ပတ်ကထက် တစ်အိတ်ကို ၁၀၀၀ မှ ၁၀၀၀၀ ကျပ်အထိစျေးမြင့်တက်လာပါတယ်။

ပြည်တွင်းကထွက်ရှိတဲ့ စားတော်ပဲကျွန်းက စားသုံးမှုများပြီး အရသာ နူးညံ့မှုရှိတာကြောင့် လက်ကျန်နည်းလာတဲ့အခါ စျေးတန်းကအမြင့်ဆုံးဖြစ်နေတာဖြစ်ပါတယ်။

ချစ်ခွန်းချို(AMIA)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...