တောင်သူအကျိုးပြု ဇာတောင်ပိုး

ဇာတောင်ပိုးကတော့ တောင်သူတွေကို အကျိုးပြုတဲ့ အင်းဆက်ထဲက တစ်မျိုးဖြစ်ပြီးတော့ ပျနဲ့ တစ်ခြားပိုးတွေကို စားပေးပါတယ်။ လူကိုကိုက်တာမျိုး ထိုးတာမျိုးလည်းမရှိပါဘူး။ ပျ၊ ယင်ဖြူ၊ အကြေးပိုးနဲ့တစ်ခြားကောင်တွေဖြစ်လာမဲ့ သားလောင်းကောင်တွေကို အစိမ်းရောင် ဇာတောင်ပိုးလေးတွေက စားပစ်ပါတယ်။ ပိုးစေးနှဲ၊ လှေး၊ မွှား၊ ခူကောင်(ဘောက်ဖက်ကောင်) နဲ့ ဖြုတ်တို့ကလည်း ဇာတောင်ပိုးတွေရဲ့ အစာပါပဲ။ 

ဇာတောင်ပိုး အမလေးတွေက သူတို့ ဥ ဥဖို့ နေရာရွေးရင်တောင်မှ ပျအုပ်စုလိုက် နေတဲ့ နေရာမျိုးကို ရွေးချယ်တတ်ကြပါတယ်။ ပြီးတော့ တုတ်ထိုးလိုမျိုး အောက်မှာ အမွှေးလို တိုင်လေးနဲ့ အပေါ်မှာမှ ဥ ဥတတ်ကြပါတယ်၊ တစ်ဥချင်းစီ ဥတာပါ၊ အဲ့လိုဥထားမှ အရင်ပေါက်တဲ့ကောင်လေးတွေက မပေါက်သေးတဲ့ တစ်ခြားဥတွေကို စားတာကနေ ကာကွယ်နိုင်မှာဖြစ်ပါတယ်။ 

အကောင်လေးပေါက်တာနဲ့ကို မရပ်မနားစားပါတယ်။ သူတို့ရဲ့ သားလောင်းက သူများ ခူကောင်လောက် အရွယ်ရှိပြီးတော့ သွားတာလည်း ပိုမြန်တယ်။ လက်တံတွေလည်းပိုရှည်ပြီးတော့ စားဖို့သောက်ဖို့လည်း ပါးစပ်က ပိုကြီး ပိုသန်မာပါတယ်။ စားနိုင်တဲ့ လက္ခဏာအရည်အချင်းနဲ့ ပြည့်စုံတယ်လို့ ဆိုပါတော့ခင်ဗျာ၊ သားလောင်းကောင်တွေများ အုပ်စုဖွဲ့ စားလိုက်ရင် တစ်ပတ်ကို ကောင်ရေ ၂၀၀ ကျော်လောက် ကုန်သွားပါတယ်တဲ့။ 

အကောင်ကြီးဖြစ်သွားတဲ့ ဇာတောင်ပိုးတွေက တစ်လက်မအောက်အရွယ်အစားဖြစ်ပြီးတော့ အစိမ်းနုရောင်လေးရှိပါမယ်။ အတောင် (၂)စုံရှိပြီးတော့ ပိုက်ကွန်ပုံစံလေး နဲ့ဆိုတော့ ဇာစလေး ချုံထားသလိုဖြစ်တာမို့ ဇာတောင်ပိုးလို့ ခေါ်ပုံရပါတယ်။ 

ကိုက်ဝါးတဲ့ ပါးစပ်အစိတ်အပိုင်းတွေရှိပြီးတော့ အင်းဆက်ကောင်တွေ၊ ဝတ်မှုန်လေးတွေနဲ့ ပျနဲ့ အခြား အကြေးကောင်တွေရဲ့ စစ်ထုတ်ရည်တွေ ကို စားသောက်ပါတယ်။ အရမ်းကြီး ပျံနိုင်တဲ့ အကောင်မျိုးမဟုတ်ဘဲနဲ့ သူတို့ကို များသောအားဖြင့်တော့ ပျတွေရဲ့ ကိုလိုနီအသိုက်နားမှာ တွေ့နိုင်ပါတယ်။ 

အကောင်ရည်နည်းနည်းနဲ့ တွေ့ရခဲတဲ့ အညိုရောင်ဇာတောင်ပိုးလည်းရှိပါသေးတယ်။ သူတို့ကလည်း သားလောင်းမှာရော အကောင်ကြီးအဆင့်မှာရော ပျလို၊ စေးနှဲပိုးလိုမျိုး ခန္ဓာကိုယ်ပျော့ပျောင်းတဲ့ အကောင်တွေကို စားပါတယ်။ ပြီးတော့ ဥ တွေကိုလည်း အစာအဖြစ် စားကြပါတယ်။ 

စိုက်ခင်းထဲမှာ ဇာတောင်ပိုးတွေ ပွားများလာအောင် ဘာတွေ လုပ်ပေးလို့ရလဲ?

သူတို့ကိုပါ ထိခိုက်စေနိုင်တဲ့ ပိုးသတ်ဆေးတွေကို မဖြစ်မနေလိုအပ်မှ သုံးဖို့ စဉ်းစားဆုံးဖြတ်ရမှာဖြစ်ပါတယ်။ 

ဝတ်မှုန်တွေကိုလည်း စားတတ်တဲ့ သဘောရှိတာကြောင့်မို့ သူတို့ရဲ့ အစာထောက်ပံ့တဲ့ သဘောအဖြစ် ပန်းပွင့်တဲ့ အပင်လေးတွေကို စိုက်ထားပေးတာမျိုးဆိုရင် သူတို့လည်း နေကြမှာပါ။ 

ပျတွေလိုမျိုး အကုန်တွေ ရှင်းလင်းထားရင် အစာမရှိတာကြောင့်မို့ သူတို့လည်း နေကြမှာမဟုတ်တဲ့အတွက် ပျတွေနေဖို့လည်း တစ်ခြား ကိုယ်မစားတဲ့သီးနှံစိုက်ပေးထားတာဖြစ်ဖြစ်လုပ်ပေးနိုင်ပါတယ်။ 

သူတို့အတွက် အပင်အကျန်လေးဖြစ်ဖြစ်၊ အရွက်ကျန်လေးတွေဖြစ်ဖြစ် ကွင်းထဲမှာ ထားပေးခြင်းအားဖြင့် သူတို့ ဆောင်းခိုစရာရှိရင် ခိုပါမယ်။ နေစရာအဖြစ်နေလို့ ရပါမယ်။ 

အကျိုးပြုပိုးတွေကို ထိန်းသိမ်းခြင်းအားဖြင့် သဘာဝပတ်ဝန်းကျင်ကိုရော မိမိရဲ့ နေထိုင်ရာဒေသနဲ့ လုပ်ငန်းစဉ်တွေကိုရော ချော့မွေ့လွယ်ကူစေနိုင်ပါတယ်။ 

တောင်သူဦးကြီးများ အကျိုးဖြစ်ထွန်းအောင်မြင်ကြပါစေ…

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်