မတ်ပဲတင်သွင်းခွင့်ကာလ သက်တမ်းတိုးမြှင့်မည့်သတင်း ပေါ်ထွက်နေသော်လည်း ပြည်တွင်းမတ်ပဲဈေး ထင်သလောက်တက်မလာသေး

    အိန္ဒိယနိုင်ငံသို့ မြန်မာနိုင်ငံမှ မတ်ပဲတင်သွင်းနေသည့် တင်သွင်းခွင့်ကာလအပိုင်းအခြားကို ၂၀၂၁ နှစ် မတ်လအကုန်အထိ သက်တမ်းတိုးမြှင့်ပေးမည်ဟု သတင်းပေါ်ထွက်နေသော်လည်း ပြည်တွင်းမတ်ပဲဈေးနှုန်းမှာမူ ထင်သလောက်တက်မလာသေးကြောင်း ဧရာဝတီတိုင်းရှိ မတ်ပဲစိုက်ပျိုးထုတ်လုပ်သူများက ဆိုသည်။

မတ်ပဲဈေးကတော့ အခုထိ တအားကြီးတော့မတက်လာသေးပါဘူး။ ဒီတစ်ပတ်ထဲ နည်းနည်းလေးတောင် ဈေးပြန်ကျသွားတယ်။ ပိဿာနှစ်ဆယ်ပါတစ်အိတ်ကို သုံးသောင်းလောက်ပဲ ဈေးရနေတယ်။ ရှေ့တစ်ပတ်ကတောင် သုံးသောင်းကျော်အထိ တက်ခဲ့သေးတယ်။

ဟု ဧရာဝတီတိုင်း၊ ညောင်တုန်းမြို့နယ်၊ စက်ကော့ကျေးရွာမှ မတ်ပဲစိုက်တောင်သူ ကိုဝေလင်းက ပြောသည်။

    မြန်မာနိုင်ငံရှိ မတ်ပဲသီးနှံကို အဓိကတင်ပို့ရောင်းချနေသည့် အိန္ဒိယနိုင်ငံတွင် မတ်ပဲစတင်ရိတ်သိမ်းသည့်ကာလ ဖြစ်သော်လည်း အိန္ဒိယနိုင်ငံ၏ မတ်ပဲလိုအပ်ချက် မြင့်မားနေဆဲဖြစ်သဖြင့် မြန်မာ့မတ်ပဲဈေးနှုန်းများ ရေရှည်ဆက်တက်လာနိုင်ကြောင်း မတ်ပဲကုန်သည်များထံမှ သိရသည်။

အိန္ဒိယနိုင်ငံဘက်ကနေ မြန်မာနိုင်ငံဆီက မတ်ပဲဝယ်လိုအားရှိနေသေးတယ်လို့တော့ သတင်းတွေကြားနေပါတယ်။ ကျွန်တော်တို့တောင်သူတွေဆီတော့ လတ်တလောအကျိုးသက်ရောက်မှုတွေ ရှိမလာသေးပါဘူး။ နောက်ပိုင်းမှာ မတ်ပဲဈေးကွက်က အခုထက်ပိုကောင်းလာလိမ့်မယ်လို့တော့ မျှော်လင့်ထားပါတယ်။

ဟု ကိုဝေလင်းက ဆက်လက်ပြောသည်။

    ဧရာဝတီတိုင်းဒေသကြီးရှိ မတ်ပဲဈေးနှုန်းများမှာ စက်တင်ဘာ (၂၄) ရက်နေ့က မတ်ပဲတစ်တင်းလျှင် ကျပ် ၃၅,၅၀၀ မှ ၃၆,၀၀၀ ကြား၊ စက်တင်ဘာလ (၂၅) ရက်နေ့က ကျပ် ၃၆,၀၀၀၊ စက်တင်ဘာလ (၂၆) ရက်နေ့က ကျပ် ၃၅,၄၀၀၊ စက်တင်ဘာလ (၂၇) ရက်နေ့က ၃၆,၁၀၀ မှ ၃၆,၂၀၀ ၊ စက်တင်ဘာလ (၂၈) ရက်နေ့က ကျပ် ၃၅,၈၀၀၊ စက်တင်ဘာလ (၂၉) ရက်နေ့က ကျပ် ၃၆,၀၀၀၊ စက်တင်ဘာလ (၃၀) ရက်နေ့က ကျပ် ၃၅,၆၀၀ ဈေးနှုန်းများဖြင့် ရောင်းဝယ်ခဲ့ကြကြောင်း ဧရာကုန်သွယ်မှုဗဟိုဌာန၏ အချက်အလက်များအရ သိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်