သစ်ခွများကို ပွင့်စေခြင်း (၃)

ဖာလေနော့ဆစ်မျိုးစု

   မျက်မှောက်ခေတ် သစ်ခွလောကတွင် ပန်းပွင့်နေသော အိုးနှင့် အပင် Flowerpot plant အမြစ်၊ အတွင်ကျယ်ဆုံးမျိုးစုမှာ ဖာလေနော့ဆစ် Phalaenopsis ဟု ခေါ်သော လိပ်ပြာသစ်ခွ ဖြစ်သည်။ အစေ့ဖောက်ပြီး (၁၈) လမတိုင်မီ ပန်းပွင့်ဖြင့် လှပနေသော ထိုသစ်ခွမှာ လူကြိုက်များသည်။ ပန်းပွင့်လှုံ့ဆော်ရန် လွယ်ကူ၊ သေချာခြင်းကလည်း အောင်မြင်မှု၏ အကြောင်းတစ်ရပ် ဖြစ်သည်။

   ဤမျိုးစုမှ သစ်ခွမျိုးစိတ်များ၏ ပန်းပွင့်ခြင်းမှာ နေ့တာအတို၊ အရှည်နှင့် ပတ်သက်မှုမရှိပေ။ ပန်းပွင့်သန္ဓေတည်ခြင်း၏ တစ်ခုတည်းသော အကြောင်းရင်းမှာ ညအပူချိန်ကျရန်သာ ဖြစ်သည်။ နေ့အပူချိန်နှင့် ညအပူချိန် ကွာခြားရန်လိုအပ်သည်။ ညအပူချိန် (၂၈) ဒီဂရီစင်တီဂရိတ် (၈၂) ဒီဂရီဖာရင်ဟိုက်ထက်အေးသော ဝန်းကျင်၌သာ ပန်းပွင့်သန္ဓေတည်နိုင်သည်။ 

   အရွယ်ရောက်သော ယင်းသစ်ခွများကို ညအပူချိန် အေးသော၀န်းကျင်ပေး၍ လွယ်ကူစွာ ပန်းပွင့်သန္ဓေတည်စေနိုင်သည်။ တောင်ခြေရင်း၊ ပင်လယ်ရေမျက်နှာပြင်နှင့် နီးအောင်၊ နိမ့်သော နေရာတွင် စိုက်ပြီး၊ အရွယ်ရောက်လာသော အပင်များကို တောင်ပေါ်ဒေသသို့ ရွှေ့ထားလိုက်ပါက ညအပူချိန်ကျပြီး ပန်းပွင့်သန္ဓေတည်လာသည်။ ထိုသို့ ပန်းပွင့်သန္ဓေတည်ပြီးသော အပင်များကို တောင်အောက်မူလနေရာသို့ ပြန်ချပြီး ပန်းပွင့်စေနိုင်သည်။ 

   ဖော်ပြခဲ့ပြီးသော သစ်ခွမျိုးစု (၄) ခုလုံးမှာ ကမ္ဘာ့သစ်ခွလောကတွင် အထင်ရှားဆုံး သစ်ခွမျိုးစုများတွင် ပါဝင်နေသော သစ်ခွများဖြစ်သည်။ ကက်တလေယာမှာ သစ်ခွများ၏ဘုရင်မ Queen of Orchid ဟု ထင်ရှားလူသိများသည်။ ကမ္ဘာအရပ်ရပ် သစ်ခွစိုက်ပျိုးသူများနှင့် ရင်းနှီးနေသော မျိုးစုဖြစ်သည်။ မြန်မာနိုင်ငံသား သစ်ခွစိုက်ပျိုးသူများနှင့် ရင်းနှီးပြီးဖြစ်သည်။ ဤမျိုးစုမှလွဲ၍ ကျန်မျိုးစု (၃) ခုဖြစ်သော ဖာလေနော့ဆစ်၊ ဆင်ဘီဒီယမ်နှင့် ဒင်ဒရိုဘီယမ် မျိုးစုများမှာ မြန်မာ့သဘာ၀သစ်ခွများအဖြစ် မျိုးစိတ်အချို့ကို တွေ့ရှိရသည်။

   သစ်ခွများ ပန်းပွင့်ခြင်းအပေါ် သက်ရောက်သော အခြားအကြောင်းများကို ဆက်လက်ဖော်ပြပါမည်။

ဦးဖရက်သိန်းဖေ

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်