ခရမ်းချဥ်သီး ဖင်မဲပုပ်ခြင်းနှင့် ထိပ်ပုပ်ခြင်းရောဂါ (Blossom End Rot)

ဦးကြီးတို့ မင်္ဂလာပါဗျ။

ခရမ်းချဥ်စိုက်ပျိုးရာတွင် အထွက်နှုန်းကို ထိခိုက်ရုံသာမက ခရမ်းချဥ်သီးအရည်အသွေးကို ထိခိုက်စေသော ခရမ်းချဥ်သီး ဖင်မဲပုပ်ခြင်းနှင့် ထိပ်ပုပ်ခြင်းရောဂါ လေ့လာကြရအောင်။

ဖင်မဲပုပ်ခြင်းနှင့် ထိပ်ပုပ်ခြင်းက ခရမ်းချဥ်စိုက်ပျိုးရာတွင် အဓိကပြဿနာတစ်ခုဖြစ်ပါသည်။ ဖင်မဲပုပ်ခြင်းနှင့် ထိပ်ပုပ်ခြင်းသည် ရောဂါဟုဆိုသော်လည်း ရောဂါမဟုတ်ပါ။ ဖြစ်ရသောအကြောင်းအရင်းများမှာ-

• အပင်အတွင်းတွင် ကယ်ဆီယမ် (Ca) အာဟာရဓာတ် မညီမျှခြင်း။ ကယ်ဆီယမ်ဓာတ် ချို့တဲ့လျှင်သော်လည်းကောင်း၊ ပေါများလွန်းလျှင်သော်လည်းကောင်း ဖင်မဲပုပ်ခြင်းနှင့် ထိပ်ပုပ်ခြင်းကို ဖြစ်စေနိုင်ပါသည်။ အပင်များက ကယ်ဆီယမ်ကိုစုပ်ယူရာတွင် အဟန့်အတားများရှိပါသည်။ မြေကြီး၏ အစိုဓာတ်များလွန်းခြင်း၊ နည်းလွန်းခြင်း၊ ခရမ်းချဥ်အမြစ်များ ထိခိုက်ဒဏ်ရာရရှိခြင်း၊ မြေကြီး၏ ချဥ်ငံဓာတ် pH များလွန်းခြင်း နည်းလွန်းခြင်း၊ မြေကြီး၏အပူချိန် များလွန်းခြင်း နည်းလွန်းခြင်း စသည့်အချက်များသည် အပင်မှ ကယ်ဆီယမ်စုပ်ယူမှုကို ဟန့်တားနေပါသည်။

• အပင်၏ အစောပိုင်းကာလများတွင် အပင်ကြီးထွားမှုမြန်လွန်းလျှင်လည်း ဖင်မဲပုပ်ခြင်းနှင့် ထိပ်ပုပ်ခြင်းများကို ဖြစ်စေနိုင်ပါသည်။ အဘယ့်ကြောင့်ဆိုသော် အပင်များကြီးထွားရန်အတွက် ကယ်ဆီယမ်ဓာတ်များ လိုအပ်ပါသည်။ သို့သော်လည်း အမြစ်က အပင်လျှင်မြန်စွာ ကြီးထွားနေချိန် ကယ်ဆီယမ်ကို လုံလောက်စွာ မစုပ်ယူနိုင်သောကြောင့် ဖြစ်ပါသည်။

• ခရမ်းချဥ်ပင် ကြီးထွားနေချိန် အစိုဓာတ်များလွန်းလျှင်လည်း ဖြစ်စေပါသည်။

• ခရမ်းချဥ်အသီးတင်ချိန်တွင် အစိုဓာတ် လုံလောက်စွာမရလျှင်လည်း ဖြစ်စေပါသည်။

ဖင်မဲပုတ်ခြင်းနှင့် ထိပ်ပုတ်ခြင်းရောဂါ ဘယ်အချိန်မှာ စဖြစ်စေလဲ?

ခရမ်းချဥ်သီး ကြီးထွားမှုတစ်ဝက်ခန့်တွင် လက္ခဏာများစပြပါသည်။ ခရမ်းချဥ်သီး၏ ခေါင်း (သို့မဟုတ်) ဖင်တွင် ရေစိုနာကွက်လေးဖြစ်လာပါသည်။ ထို့နောက် ထိုအကွက်လေးသည် တဖြည်းဖြည်းကြီးထွားလာကာ အညိုရောင် (သို့မဟုတ်) အနက်ရောင်ပြောင်းသွားပါသည်။ နောက်ဆုံးတွင် ထိုရေစိုနာအကွက်သည် စတင်ပုပ်လာပြီး ဖင်မဲပုပ်ခြင်းနှင့် ထိပ်ပုပ်ခြင်းရောဂါ ဖြစ်လာပါသည်။ ရောဂါဖြစ်ပွားနေသော အသီးများကိုတွေ့လျှင် ချက်ချင်းခူးဆွတ်၍ လွှင့်ပစ်ရပါမည်။ ထိုရောဂါကို ငရုတ်၊ ဘူး၊ ဖရုံ၊ ဖရဲ၊ သခွား၊ ခရမ်းသီးစသော သီးနှံများတွင်လည်း တွေ့ရတတ်ပါသည်။

ကာကွယ်ရန် နည်းလမ်းများ

• ခရမ်းချဥ်ပင်များ ကြီးထွားနေချိန် မြေကြီး၏အစိုဓာတ်ကို သင့်တင့်မျှတအောင် ထိန်းသိမ်းထားရပါမည်။ မြေကြီးများ ခြောက်သွေ့နေပါက ရေသွင်းပေးရပါမည်။ ရေသွင်းသောအခါတွင်လည်း အလွန်အကျွံမသွင်းသင့်ပါ။ မြေကြီး၏ အနက် ၆ လက်မ လောက်စိုရုံမျှသွင်းပေးရပါမည်။

• ကယ်ဆီယမ်ဓာတ်ချို့တဲ့မှုမဖြစ်စေရန် ကယ်ဆီယမ်ဓာတ်ပါဝင်မှုများသော မြေသြဇာ များကျွေးပေးခြင်း

• မြေကြီး၏ ချဥ်ငံဓာတ် (pH) ကို ၆.၅ နှင့် အနီးဆုံးဖြစ်အောင် ထိန်းသိမ်းထားရပါမည်။

• နိုက်ထရိုဂျင်ပါဝင်မှုများသော မြေသြဇာများကို လျော့သုံးခြင်းနှင့် ဖော့စဖော့စ်ရပ်စ် ပါဝင်မှုများသော မြေသြဇာများကို အသုံးပြုပေးခြင်း

• ရေငွေ့ပျံမှုကို လျော့ချပေးနိုင်ရန်နှင့် မြေကြီး၏ အစိုဓာတ်ကိုထိန်းနိုင်ရန် မြေကြီးကို ကောက်ရိုး၊ ပဲရိုး၊ နှမ်းရိုးစသော သီးနှံအကြွင်းအကျန်များနှင့် ဖုံးအုပ်ပေးခြင်း သို့မဟုတ် မြေကြီးကို ပလတ်စတစ်များဖုံးအုပ်၍ စိုက်ပျိုးပေးခြင်း(Mulching)

• ခံနိုင်ရည်ရှိသောမျိုးများကို အသုံးပြုပေးခြင်း။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...