မကွေးတိုင်းဒေသကြီးအတွင်း ပန်းမုံလာစိမ်းပင်စိုက်ပျိုးထုတ်လုပ်သူများ ဈေးကွက်တွက်ခြေကိုက်မှုရရှိနေ

မကွေးတိုင်းဒေသကြီးအတွင်း ဆောင်းသီးနှံအဖြစ် ပန်းမုံလာစိမ်းပင် စိုက်ပျိုးထုတ်လုပ်သူများ ဈေးကွက်တွက်ခြေကိုက်မှု ရရှိနေကြောင်း သိရသည်။

"ကျွန်တော်က ခရမ်းချဥ်နဲ့ ဂန္ဓမာပန်းတွေကို အဓိကစိုက်ပျိုးတယ်။ ပန်းမုံလာစိမ်းပင်ကိုတော့ ပင်ရေ ၂၅၀၀ လောက်စိုက်ပျိုးထားပါတယ်။ ကျွန်တော်တို့ဒေသမှာ ပန်းမုံလာစိမ်းစိုက်တဲ့အခါ အထွက်နှုန်းကလည်း ကောင်း၊ ဈေးကွက်လည်း ရှိလို့ စိုက်ပျိုးဖြစ်သွားတာပါ။ ကျွန်တော်တို့ဒေသဘက်က ပေါင်းပင် သိပ်မရှိလို့ အလုပ်သမားခကလည်း သိပ်မကုန်ပါဘူး။ ဆောင်းဦးရာသီလောက်မှာ စိုက်ကြတာကြောင့်လည်း အခုလိုအဆင်ပြေသွားကြတာပါ။"

ဟု မကွေးတိုင်းဒေသကြီး၊ ပွင့်ဖြူမြို့နယ်၊ သာစည်ကျေးရွာမှ ပန်းမုန်လာစိမ်းပင်(ဘရိုကိုလီပင်) စီးပွားဖြစ်စိုက်ပျိုးသူ ကိုလှထွေးက ပြောသည်။

ပန်းမုံလာစိမ်းပင်ကို အောက်တိုဘာလတွင်စိုက်ပျိုးပါက၊ ဒီဇင်ဘာလမှစတင်၍ ခူးဆွတ်နိုင်သည်။

"ဈေးကွက်အနေအထားအရ ကျွန်တော်တို့ဆီမှာက ပွဲရုံတိုက်ရိုက်တော့ မရှိသေးဘူးပေါ့။ ကျွန်တော်တို့ဆီကနေ မင်းဘူး၊ မကွေး၊ ပွင့်ဖြူမြို့တွေကို တင်ပို့ကြတယ်။ ဈေးနှုန်းကတော့ လက်လီဈေးက တစ်ပွင့်ကို ၁၀၀၀ ကျပ်ကနေ ၁၂၀၀ ကျပ်၊ လက်ကားဈေး တစ်ပွင့်ကို ၇၀၀/၈၀၀ ကျပ်လောက် ရပါတယ်။ စိုက်စရိတ်ရယ် အထွက်နှုန်းရယ်နဲ့ တွက်ကြည့်မယ်ဆိုရင် တွက်ခြေကိုက်မှု ရှိပါတယ်။"

ဟု ကိုလှထွေးက ဆက်လက်ပြောသည်။

ပန်းမုံလာစိမ်းပင် ပင်ရေ ၂၅၀၀ စိုက်ပျိုးပါက ကုန်ကျစရိတ် (ရေဖိုး၊ ဆေးဖိုးအပါ) ၂၅၀,၀၀၀ ကျပ်ဝန်းကျင် ကုန်ကျကြောင်း ကိုယ်တိုင်စိုက်ပျိုးထုတ်လုပ်သူများထံမှ သိရှိရသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

မကွေးတိုင်းဒေသကြီးအတွင်း ပန်းမုံလာစိမ်းပင်စိုက်ပျိုးထုတ်လုပ်သူများ ဈေးကွက်တွက်ခြေကိုက်မှုရရှိနေ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

မကွေးတိုင်းဒေသကြီးအတွင်း ပန်းမုံလာစိမ်းပင်စိုက်ပျိုးထုတ်လုပ်သူများ ဈေးကွက်တွက်ခြေကိုက်မှုရရှိနေ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

စက်တင်ဘာလ (၁၁)ရက် မှ (၁၅)ရက်နေ့ထိ အပြောင်းအလဲဖြစ်ပေါ်ခဲ့သော ကုန်စည်စျေးနှူန်းများစာရင်း

ခရမ်းချဉ် သီး တွေရော၊ အာလူး တွေပါ သီးတဲ့ TomTato အပင်

စားနပ်ရိက္ခာဖူလုံရေး သားစဉ်မြေးဆက်ပေး အစီအစဉ်မှ ပညာပေး သင်ထောက်ကူပစ္စည်းများ

{{ post.title }}