မီးရှို့ခြင်းနဲ့ ကျွန်ုပ်တို့ရဲ့ပတ်ဝန်းကျင်

ကမ္ဘာပေါ်တွင် လူဦးရေအဆမတန်တိုးပွားလာသည်နဲ့အမျှ စားဝတ်နေရေးကို အစဥ်အမြဲရင်ဆိုင်ဖြေရှင်းနေရပါသည်။ ထိုသို့ဖြေရှင်းရာတွင် လူသားများသည် သုံးစွဲပြီးသော အမှိုက်သရိုက်များကို မီးရှို့ပြီးဖျက်ဆီးခြင်းကလည်း အပါအဝင်ဖြစ်ပါသည်။ ရှေးခေတ်များစွာထဲမှ လူသားများသည် အမှိုက်သရိုက်များကို မီးရှို့ဖျက်ဆီးကြသော်လည်း နောက်ဆက်တွဲရလာဒ်ကိုမူ စိတ်ဝင်စားခြင်းမရှိခဲ့ပါ။

အမှိုက်သရိုက်များကိုမီးရှို့ခြင်းမှ ထွက်လာသောမီးခိုးများသည် ပထမဦးစွာ မျက်စိမွှန်ခြင်း၊ ယားခြင်းနှင့် အသက်ရှုမဝခြင်းများ ဖြစ်စေမည်ဖြစ်ပါသည်။ မီးခိုးငွေ့ထဲတွင် ကာဗွန်ဒိုင်အောက်ဆိုက်၊ ကာဗွန်မိုနောက်ဆိုက်၊ နိုက်ထရိုဂျင်ဒိုင်အောက်ဆိုက်နှင့် မီသိန်းများ ပါဝင်ပြီး အဆိုပါဓာတ်ငွေ့များသည် ကားအင်ဂျင်များ၊ မီးခိုးခေါင်းတိုင်များမှထွက်သော ဓာတ်ငွေ့များနှင့် တူညီပါသည်။ လေထုထဲသို့ အစုလိုက့်အပြုံလိုက်ရောက်သွားပါက လေထုညစ်ညမ်းမှုကိုဖြစ်စေပြီး မသန့်ရှင်းသောလေထုကို ရှူရှိုက်ပါက အသက်ရှုကြပ်ခြင်း၊ ပျို့အန်ခြင်း ၊ ယားနာများထွက်ခြင်းနှင့် ပန်းနာရင်ကြပ်ရောဂါများ ဖြစ်လာပါသည်။ အဆုတ်မကောင်းသောလူများသည် မသန့်ရှင်းသောလေကိုရှူမိပါက အသက်ရှူမဝခြင်းမှစကာ ရင်ကြပ်ခြင်းအထိ ဖြစ်လာပါသည်။

ယခုအခါ ရန်ကုန်ကဲ့သို့ မြို့ကြီးများတွင် လူဦးရေထူထပ်သည့်အပြင် စီးပွားရေလုပ်ငန်းများကြောင့် အလုပ်ရုံများမှထွက်သော မီးခိုးများသည် လေထုညစ်ညမ်းမှုမြင့်တက်စေလာပြီး မြူဆိုင်းနေသကဲ့သို့ အုံ့မှိုင်းသောရက်များ ရှိနေပါသည်။ ထို့အပြင် မီးခိုးတွင်ပါသည့် ကာဗွန်မိုနောက်ဆိုက်နှင့်မီသိန်းများက ကမ္ဘာကြီးပူနွေးလာမှုကိုအားပေးသော ဖန်လုံအိမ်အာနိသင်ဓာတ်ငွေ့များ ဖြစ်နေပါသည်။ ဖန်လုံအိမ်ဓာတ်ငွေ့များလာပါက လက်ရှိအပူချိန်ထက် အဆမတန် အပူချိန်မြင့်တက်လာပြီး ရာသီဥတုဖောက်ပြန်လာကာ သီးနှံများ စိုက်ပျိုး၍မရနိုင်ပါ။ မြင့်လာသောအပူချိန်ကြောင့် ရေခဲတောင်များ အရည်ပျော်ကျလာကာ ပင်လယ်ရေမျက်နှာပြင်မြင့်တက်လာပြီး ကမ်းရိုးတန်းဒေသရှိမြို့များ ရေအောက်နစ်မြုပ်သွားခြင်း၊ ရေခဲမြစ်များပျောက်ကွယ်ခြင်း၊ ရေခဲတောင်များတွင် မှီတင်းနေထိုင်သော သက်ရှိမျိုးစိတ်များနှင့် အပင်မျိုးစိတ်များမျိုးတုံးခြင်း စသောဆိုးကျိုးများစွာ ကြုံတွေ့မည်မလွဲပေ။

ထို့ပြင် စိုက်ပျိုးရေးလုပ်ငန်းတွင် သစ်ရွက်ခြောက်များမီးရှို့ခြင်း၊ အမှိုက်များမီးရှို့ခြင်း၊ တောမီးရှို့ကာ စိုက်ပျိုးခြင်းတို့တွင် သစ်ရွက်များမှထွက်သော ကာဗွန်မိုနောက်ဆိုက်သည် လူများကို အဆုတ်ကင်ဆာဖြစ်စေနိုင်သည်ဟု ဆရာဝန်များက သတ်မှတ်ကြပါသည်။

ထိုအခါ အမှိုက်သရိုက်ကို အတတ်နိုင်ဆုံး မီးရှို့ခြင်းမှရှောင်ကြဥ်ကာ သဘာဝအတိုင်းဆွေးမြေ့စေခြင်း၊ ပြန်သုံးခြင်း(အအေးဘူးခွံ)၊ ပြန်လည်အသုံးချခြင်း (ကျွတ်ကျွတ်အိတ်များကို အမှိုက်ထည့်ရန်ပြန်သုံးခြင်း)၊ မဆွေးမြေ့သော ပလတ်စတစ်နှင့် ကျွတ်ကျွတ်အိတ်များကို လျော့သုံးခြင်း၊ ဆွေးမြေ့လွယ်သော ဖက်ရွက်၊ ကြာရွက်များဖြင့် အသား ငါး၊ အသီးရွက်များထုပ်ပိုးခြင်း၊ တစ်ခါသုံးကော်ဖီခွက် ပန်းကန်များအား လျော့သုံးခြင်း၊ စျေးသွားပါက ထည့်စရာခြင်း သို့မဟုတ် အိတ်များကို မိမိဘာသာသယ်ဆောင်သွားခြင်းများ ပြုလုပ်ရပါမည်။ စိုက်ပျိုးရေးတွင်လည်း သစ်ရွက်များနှင့် မြက်ခြောက်များကို မီးရှို့မည့်အစား natural mulch အဖြစ် လိုအပ်သည့်နေရာတွင် ပုံခြင်း၊ ဖုံးပေးခြင်း၊ သဘာဝအတိုင်းမြေဆွေးပုံအဖြစ်ထားကာ ဆွေးမြေ့စေခြင်းတို့ကို ပြုလုပ်ပေးနိုင်ပါသည်။ တောင်ယာမီးရှို့ခြင်းကိုလည်း အတတ်နိုင်ဆုံးရှောင်ရပါမည်။

မီးရှို့ခြင်းမှဖြစ်လာသော နောက်ဆက်တွဲ သက်ရောက်မှုများသည် လူအပါအဝင် သက်ရှိများနှင့် ကမ္ဘာကြီးကိုပါ ခြောက်လှန့်သော ဆိုးရွားသည့်အချက်များဖြစ်သောကြောင့် မိမိတို့တစ်ယောက်ခြင်းသည် အထက်ပါအချက်များကို တတ်နိုင်သမျှလိုက်နာပါက လူသားတို့နေထိုင်ရာကမ္ဘာကြီးသည် ရေရှည်တွင် ကျန်းမာသောနေ့သစ်များကို အနာဂတ်မျိုးဆက်သစ်များအတွက် ယူဆောင်ပေးမည်မှာ မလွဲဖြစ်ပါတော့သည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန်မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...