ကြက်၊ ဘဲ များတွင် ဖြစ်ပွားတတ်တဲ့ ခံတွင်းပျက်အစာမဝင်ခြင်းရောဂါအကြောင်း

ကြက်၊ဘဲ မွေးမြူသူတွေအနေနဲ့ ကြက်၊ဘဲတွေမှာ ဖြစ်လေ့ဖြစ်ထရှိတဲ့ ရောဂါတွေအကြောင်းကို သိရှိနိုင်ရန် အတွက်ရေးသားဖော်ပြလိုက်ရပါတယ်။

ဖြစ်ပွားရတဲ့ အကြောင်းရင်းတွေကတော့

၁။ အစာနဲ့သောက်ရေ မကောင်းခြင်း။

၂။ နေထိုင်ရာနေရာမှာ အကောင်အရေအတွက်များပြီး ကျပ်တည်းခြင်း။

၃။ ပူလွန်းခြင်း၊ အေးလွန်းခြင်း။

၄။ နှုတ်ခမ်းမှာ ရောဂါအနာတွေဖြစ်ပေါ်ခြင်း။

၅။ အစာလမ်းကြောင်းအတွင်း ကပ်ပါးပိုးများ ရှိနေခြင်း။

၆။ ဖျားနာခြင်း တို့ကြောင့်ဖြစ်နိုင်ပါတယ်။

ရောဂါလက္ခဏာများမှာ

၁။ အစာမစားလိုခြင်း။

၂။ အစာရှာ မထွက်လိုခြင်း။

၃။ လန်းဆန်းနိုးကြားမှု မရှိခြင်း။

၄။ ကိုယ်အလေးချိန် တိုးမလာခြင်းတို့ပဲဖြစ်ပါတယ်။

ကာကွယ်ခြင်း

၁။ အစာကို ရုတ်တရက် တစ်မျိုးမှတစ်မျိုးသို့ ပြောင်းပြီး မကျွေးပါနှင့်။

၂။ လတ်ဆတ်သန့်ရှင်းပြီး အာဟာရဖြစ်စေမည့် အစာများကို ကျွေးပါ။

၃။ ကြက်၊ဘဲ နေသည့်အိမ်ကို သန့်ရှင်းသပ်ရပ်စွာ ရှင်းလင်းထားပါ။

၄။ ကြက်ခြံပတ်ဝန်းကျင်ကိုလည်း အမြဲမပြတ် သန့်ရှင်းနေအောင်ထားပါ။

ရိုးရာကုသခြင်း

၁။ အကယ်၍ ဝမ်းသွားခြင်း၊ အအေးမိချောင်းဆိုးခြင်းများ ဖြစ်ပါက ထိုရောဂါများအတွက် သီးသန့် ကုသပါ။

၂။ အစာကို ပြောင်းပြီးကျွေးပါ။

၃။ လတ်ဆတ်တဲ့ ပုစွန်ဆိတ်၊ အသားတစ်မျိုးမျိုးရဲ့ အသားစများ၊ အသည်းများကို စဉ်းပြီး ကျွေးပါ။ ထိုအစာတွေက ကြက်၊ဘဲတို့ရဲ့ အစာချေစနစ်ကို နှိုးဆွကောင်းမွန်စေပါတယ်။

၄။ ကြက်သွန်ဖြူ ၃၊၄မွှာကိုထောင်း၍ အစာနှင့် ရောကျွေးပါ။

၅။ ဂျင်း ၁ကျပ်သားကိုထောင်း၍ အစာနှင့်ရောကျွေးပါ။

၆။ ပျဉ်းတော်သိမ်ရွက် ၁၀ မွှာ မှ ၁၅ မွှာကိုထောင်းပြီး အစာနှင့်ရောကျွေးပါ။

၇။ ငရုပ်သီး ၅ တောင့်ကိုထောင်းပြီး အစာနှင့်ရောကျွေးပါ။

၈။ ရေကိုလုံးဝမတိုက်ဘဲ ရေအစားလတ်ဆတ်သော အုန်းစိမ်းရည်ကိုသာ ရက်အနည်းငယ် ဆက်တိုက်ပေးပါ။

ထိုကဲ့သို့ပြုလုပ်ပေးပါက ကြက်၊ဘဲများ ခံတွင်းပျက်ပြီး အစာမဝင်သည့်ရောဂါမှ သက်သာ ပျောက်ကင်းစေမည် ဖြစ်ပါသည်။

ကြက်၊ဘဲများ ရောဂါဘယကင်းဝေးပြီး မွေးမြူသူများလည်း အဆင်ပြေကြပါစေခင်ဗျ။

မှီငြမ်း-ဖတ်မှတ်လေ့လာခဲ့သော မွေးမြူရေးစာစောင်များ။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ