ခြေတစ်သန်း လှမ်းခဲ့တဲ့ ကြက်

တရုတ်နိုင်ငံရဲ့ ဆင်းရဲမှု ပပျောက်ရေးအတွက် လုပ်ဆောင်ခဲ့ကြတဲ့ အစီအစဉ်တွေထဲမှ နာမည်ကြီး အွန်းလိုင်းဈေးကြီး တစ်ခုဖြစ်တဲ့ JD က စိတ်ကူးသစ်တစ်ခုကို စတင်ခဲ့ပါတယ်။ ဒီစိတ်ကူးကလည်း မြို့ပေါ်မှာရှိတဲ့ စားသုံးသူတွေရဲ့ မွေးမြူရေး ကြက်သားတွေကို စားချင်စိတ်နည်းပါးလာတာကို ဖြည့်ဆည်းပေးဖို့ကနေ ရလာတဲ့ စိတ်ကူးလို့ ဆိုရမှာပါ။

မွေးမြူရေးကြက်မဟုတ်ဘဲ ကွင်းပြင်မှာ လွှတ်မွေးထားတဲ့ ကြက်တွေရဲ့ ဈေးနှုန်းက သာမာန်ကြက်တွေထက် သုံးဆခန့် ပိုများနေတာကိုလည်း တွေ့ရပါတယ်။ ဒီအစီအစဉ်ကို JD ကုမ္ပဏီကနေ ကျေးလက်မှာရှိတဲ့ ဝင်ငွေနည်းတဲ့ မိသားစုတွေနဲ့ စတင်ခဲ့ပါတယ်။

မိသားစုတစ်စုကို ကြက်အကောင်ရေ တစ်ရာ မွေးမြူစေပြီး ကုမ္ပဏီကနေ ခြေလှမ်းတိုင်းတဲ့ ကိရိယာကို ကြက်တွေမှာ တပ်ဆင်စေခဲ့ပါတယ်။ ကြက်တွေကို ကွင်းပြင်မှာ လွှတ်မွေးစေခဲ့ပြီး ခြေလှမ်းတစ်သန်းပြည့်မှ ကုမ္ပဏီကို ပြန်လည်ဝယ်ယူပါတယ်။ ကုမ္ပဏီကနေ ဝယ်ယူတဲ့ ဈေးနှုန်းက ကြက်တစ်ကောင်ကို ယွမ် ၁၀၀ အထက်မှာ ရှိပါတယ်။ ယွန် ၁၀၀ ဆိုတာ မြန်မာငွေနဲ့ဆို ကျပ် ၂၀,၀၀၀ (နှစ်သောင်း) အထက်မှာ ရှိပါတယ်။

မွေးမြူရေးခြံကကြက်နဲ့ လွှတ်မွေးထားတဲ့ ကြက်နဲ့ ဘာကွာခြားသလဲ နှိုင်းယှဉ်ကြည့်ရင် တရုတ်မှာရှိတဲ့ မွေးမြူရေးခြံက ကြက်အများစုက မွေးမြူတဲ့ ကာလတစ်လျောက်လုံးမှာ ၁၀ ပေထက်ပိုပြီး လမ်းမလျှောက်ခဲ့ဖူးပါဘူး။ မွေးမြူရေးကြက်တွေကို ၄၅ ရက်သားအထိသာ မွေးမြူကြပြီး လွှတ်မွေးတဲ့ ကြက်ကတော့ ရက်ပေါင်း ၁၆၀ လောက်ထိ မွေးရပါတယ်။

JD ကနေ ပြန်ရောင်းတဲ့ဈေးက ခြေလှမ်းတစ်သန်းလျှောက်ခဲ့တဲ့ ကြက်တွေကို အလေးချိန်ပေါ်မူတည်ပြီး ကျပ် ၃၀,၀၀၀ ကနေ ၄၅,၀၀၀ လောက်ထိ (ယွမ် ၁၂၈ ကနေ ၁၈၈ ထိ) ရောင်းချရပြီး မွေးမြူရေးကြက်ကိုတော့ ပျမ်းမျှ  ကျပ် ၁၁,၀၀၀ ပတ်ဝန်းကျင်ပဲရောင်းရပါတယ်။

ကျွန်တော်တို့မြန်မာနိုင်ငံမှာလည်း ကျေးလက်မိသားစုတွေ ဝင်ငွေတိုးစေဖို့ ဒီလိုစိတ်ကူးကောင်းတွေနဲ့ စတင်သင့်နေပါပြီ။

သိန်းစိုးမင်း

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်