ပြည်တွင်းပြည်ပ ပြောင်းဆံဈေးများ မြင့်တက်လာ

ပြည်တွင်းပြောင်းဆံဈေးနှုန်းများ ဆက်တိုက်မြင့်တက်လာပြီး ရန်ကုန်အရောက် ဂိုဒေါင်အရောက်ဈေးမှာ တစ်ပိဿာလျှင် အမြင့်ဆုံး ၁,၈၅၀ ကျပ်အထိ ရှိလာကြောင်း ပြောင်းကုန်သည်များထံမှ သိရသည်။

လက်ရှိတွင် ပြည်ပပြောင်းဈေးနှုန်း မြင့်တက်လာသည့်အပြင် ဝယ်လိုအားလည်း ကောင်းမွန်နေခြင်းကြောင့် ပြည်တွင်းပြောင်းဈေးနှုန်းများ မြင့်တက်လာခြင်းဖြစ်ကြောင်း မြန်မာနိုင်ငံ ပြောင်းလုပ်ငန်းရှင်များအသင်းမှ သိရသည်။

"ပြောင်းက ဒီရက်ပိုင်း အဝယ်လိုက်နေပါတယ်။ FOB ဈေးတွေလည်း တက်လာတော့ ပြည်တွင်းဈေးက လိုက်တက်လာတဲ့ သဘောပါပဲ" ဟု မြန်မာနိုင်ငံ ပြောင်းလုပ်ငန်းရှင်များအသင်းမှ တာဝန်ရှိသူတစ်ဦးက ပြောကြားသည်။

လက်ရှိ ရန်ကုန်၊ ဘုရင့်နောင်ကုန်စည်ဒိုင် ဈေးကွက်တွင် ပြောင်းဆံတစ်ပိဿာလျှင် ၁,၈၃၀ ကျပ်မှ ၁,၈၅၀ ကျပ်အထိ ဈေးပေါက်နေပြီး FOB ဈေးမှာလည်း ပြောင်းတစ်တန်လျှင် အမေရိကန်ဒေါ်လာ ၂၇၀ မှ ၂၈၀ အတွင်း ရှိလာသည်။

ပြီးခဲ့သည့် ဧပြီ ၂၉ ရက်က ရန်ကုန်ဘုရင့်နောင်ကုန်စည်ဒိုင်တွင် ပြောင်းဆံတစ်ပိဿာလျှင် ၁,၇၈၀ ကျပ်မှ ၁,၈၀၀ ကျပ်သာ ရှိခဲ့ပြီး FOB ဈေးမှာလည်း တစ်တန်လျှင် အမေရိကန်ဒေါ်လာ ၂၆၅ မှ ၂၇၅ အတွင်းသာ ရှိခဲ့ခြင်းဖြစ်သည်။

ဧပြီ ၂၄ ရက်က ဈေးနှုန်းများနှင့် နှိုင်းယှဉ်ပါက ပြောင်းဆံတစ်ပိဿာလျှင် ၁,၆၈၀ ကျပ်မှ ၁,၇၀၀ ကျပ်သာ ရှိခဲ့ပြီး FOB ဈေးမှာလည်း တစ်တန်လျှင် အမေရိကန်ဒေါ်လာ ၂၆၀ မှ ၂၇၀ အတွင်းသာ ရှိခဲ့သည်။ ထို့ကြောင့် ဧပြီလနောက်ဆုံးပတ်တွင် ဖြစ်ပေါ်ခဲ့သည့် ပြောင်းဆံဈေးကွက်နှင့် မေလပထမပတ် ဈေးတန်းကို နှိုင်းယှဉ်ပါက တစ်ပိဿာလျှင် ၁၅၀ ကျပ်ခန့် မြင့်တက်လာပြီး FOB ဈေးမှာလည်း တစ်တန်လျှင် ၁၀ ဒေါ်လာခန့် မြင့်တက်လာကြောင်း သိရသည်။

"ပြောင်းဈေး တက်လာပေမဲ့ တောင်သူအများစုလက်ထဲမှာ ပြောင်းလက်ကျန် သိပ်မရှိတော့ပါဘူး။ အခုကာလ ကုန်ကျစရိတ်တွေနဲ့ဆိုရင် အခုဖြစ်နေတဲ့ဈေးက တကယ်တမ်း တက်တယ်လို့ ပြောလို့မရပါဘူး" ဟု ဧရာဝတီတိုင်းဒေသကြီးမှ ပြောင်းစိုက်တောင်သူတစ်ဦးက ပြောကြားသည်။

ပြောင်းဆံကို ရှမ်းပြည်နယ်၊ ဧရာဝတီတိုင်းဒေသကြီး၊ မန္တလေးတိုင်းဒေသကြီးနှင့် အခြားဒေသအချို့တွင် စိုက်ပျိုးကြခြင်းဖြစ်ပြီး ယခုနှစ်တွင် ပြောင်းအထွက်နှုန်း လျော့ကျခဲ့ခြင်းကြောင့် တောင်သူလက်ထဲတွင် ပြောင်းလက်ကျန် ပမာဏနည်းသွားပြီဖြစ်ကြောင်း သိရသည်။

ယခုနှစ်တွင် ပြောင်းစိုက်ပျိုးမှု ကုန်ကျစရိတ်များ မြင့်တက်လာသည့်အတွက် ပြောင်းဆံတစ်ပိဿာလျှင် ၂,၀၀၀ ကျပ်ခန့် ရရှိမှသာ တွက်ခြေကိုက်နိုင်မည်ဖြစ်ကြောင်း သိရသည်။

လက်ရှိတွင် ထိုင်းနိုင်ငံသို့ ပြောင်းဆံတင်ပို့မှုကို ရေကြောင်းမှတစ်ဆင့် အခွန်ကင်းလွတ်ခွင့်ဖြင့် တင်ပို့နေသကဲ့သို့ တာချီလိတ်နယ်စပ်မှတစ်ဆင့်လည်း တင်ပို့မှုများ ရှိနေကြောင်း သိရသည်။

AMIA (ဈေးကွက်နှင့် သတင်းအေဂျင်စီ)မှ အစိမ်းရောင်လမ်းဆော့ဝဲသို့ ပေးပို့ထားသော အစိမ်းရောင်လမ်း၏ မူပိုင်ဆောင်းပါးဖြစ်သဖြင့် ဆောင်းပါးများ၊ သတင်းများ ကူးယူဖော်ပြလိုပါက “အစိမ်းရောင်လမ်းမှ ကူးယူဖော်ပြပါသည်ဟု” ထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ